पश्चिमाञ्चल क्षेत्रीय अस्पतालमा फेरि एकै दिन २ जनाको मिर्गौला प्रत्यारोपण भएको समाचारले यहाँ उत्साहको संचार भएको छ । यसअघि पनि त्यस अस्पतालमा असार ९ मा १ जनाको मिर्गौला प्रत्यारोपण गरिएको थियो । त्यस बेला प्रत्यारोपण गर्दा त्यो नमुनाको लागि गरिएको अनुमान गरिएको थियो र अब फेरि कहिले प्रत्यारोपण गरिने हो थाहा छैन भन्ने प्रतिक्रिया आएको थियो । तर यत्ति छिट्टै फेरि २ जनाको प्रत्यारोपण गरिंदा अब अस्पतालले निरन्तर प्रत्यारोपण गर्ने विश्वास पलाएको छ । अस्पतालले यस पटक स्याङ्जाको चापाकोट नगरपालिकाका ४२ वर्षीय पुरुष र कास्कीको रुपाकोट गाउँपालिकाका ५३ वर्षीय पुरुषको मिर्गौला प्रत्यारोपण गरिएको थियो । योसहित पश्चिमाञ्चल क्षेत्रीय अस्पतालमा २ पटक गरी ३ जनाको मिर्गौला प्रत्यारोपण भएको रेकर्ड छ । यो प्रत्यारोपणका लागि मानव अंग प्रत्यारोपण केन्द्र, भक्तपुरको सहयोगमा त्यहाँका विशेषज्ञ चिकित्सक डा. पुकारचन्द्र श्रेष्ठको टोलीले सहयोग गरेको थियो ।
पोखराले २०४६ सालपछि चिकित्सा क्षेत्रमा धेरै प्रगति गरेको छ । नयाँ–नयाँ र ठूल्ठूला अस्पताल बन्दैछन् । पोखरा स्वास्थ्य विज्ञान प्रतिष्ठान, मणिपाल शिक्षण अस्पताल र गण्डकी मेडिकल कलेजले चिकित्सकहरु उत्पादन गर्दैछन् । त्यसो भए तापनि गम्भीर प्रकृतिका ठूल्ठूला रोगको उपचारका लागि बिरामीहरु काठमाडौं र भारततिर जाने गरेकोमा मिर्गौला प्रत्यारोपणजस्तो गम्भीर र खर्चिलो रोग उपचार पोखरामै हुनु खुसीको कुरा हो । मिर्गौला प्रत्यारोपण नभएको अवस्थामा त्यसको बिरामीले डायलायसिस गर्ने बाध्यता हुन्छ । फेरि त्यो डायलाइसिस एक पटक गरेर निको हुने होइन, हप्ताको २ पटक कतिपयलाई ३ पटक पनि गर्नुपर्ने हुन्छ र आजीवन गरिराख्नु पर्दछ । जसले गर्दा बिरामीको ठूलो धनराशी खर्च हुन्छ । कतिपयले घरखेतै बेच्नु परेको तीतोसत्य पनि छ ।
पोखरामा मिर्गौला रोगीहरु बढ्दै गएपछि यहाँका सामाजिक संघसंस्था र उपकारी केही दाताहरुले अस्पताललाई डायलाइसिस गर्ने मसिन प्रदान गरेका थिए । त्यो मसिनले गर्दा पोखरामा नै डायलाइसिस गर्न सम्भव भएको हो । त्यो कार्यले बिरामीलाई केही राहत दिएको थियो भने अहिले मिर्गौला प्रत्यारोपण पनि पोखरामा नै सम्पन्न भएकोले बिरामीहरुमा नयाँ आशा जन्माएको छ । यसलाई पोखराको स्वास्थ्य क्षेत्रमा एउटा फड्कोरुपमा लिइएको छ । अरु अस्पतालले पनि यसको सिको गरी मिर्गौला प्रत्यारोपण गर्ने छुट्टै विभाग स्थापना गर्नु पर्दछ । सरकारले मानव अंग प्रत्यारोपणको जुन नीति नियम छ, त्यसलाई केही खुकुलो पार्नु पर्दछ । हामी पोखरामा मिर्गौला प्रत्यारोपण गर्ने काममा संलग्न भएका चिकित्सक, नर्सलगायत सम्बद्ध सबैलाई तिनीहरुको सफल कार्यका लागि हार्दिक बधाई ज्ञापन गर्दै शुभकामना व्यक्त गर्दछौं ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१