पोखरा । प्लाष्टिक प्रयोगबाट निर्मित पिच सडक टिकाउ भएको पाइएको छ । ४ वर्ष पहिलो ग्रिन रोड कम्पनीले नेपालमै पहिलो पटक पोखराको चाउथेस्थित अनुपम टोलमा प्लाष्टिक प्रयोग गरी सडक निर्माण गरेको थियो । १ सय मिटर लामो सो सडक अझै पनि प्रभावकारी र टिकाउ छ ।
यसैबीच शुक्रबार तनहुँको शुक्लागण्डकी नगरपालिकामा सूर्य नेपालको आर्थिक सहयोग र ग्रिन रोड वेस्ट म्यानेज्मेन्टको प्राविधिक सहयोगमा कुसुम निर्माण सेवा कम्पनीले सो प्रविधि प्रयोग गरी निर्माण गरेको सडक उद्घाटन गरिएको छ ।
वडा ७ को कुष्मावती भित्री मोटरमार्ग सडकको उद्घाटन शुक्लागण्डकी नगरपालिकाका मेयर कृष्णराज पण्डितले गरेका हुन् । सो सडकको लम्बाई ३ सय ३० मिटर, चौडाई ३.५ मिटर रहेको छ । जहाँ करिब ६ सय किलो (पुनः प्रशोधन गर्न नसकिने खालका) प्लास्टिक प्रयोग भएको जनाइएको छ ।
सूर्य नेपालको प्राविधिक टोली र व्यवस्थापक टोलीले चाउथेमा निर्मित सडकको अवलोकनपछि ग्रिन रोड कम्पनीलाई सहयोग पुग्ने र आफ्नो सामाजिक उत्तरदायित्व पूरा हुने भएपछि आर्थिक सहयोग गरेको हो ।
प्लास्टिक सडकको मुख्य फाइदा भनेको ल्यान्डफिलमा डम्प गर्नुपर्ने पुनः प्रशोधन गर्न नसकिनेखालका प्लाष्टिकहरु चाउचाउ, बिस्कुटका खोल, पोलिथिन ब्याग प्रयोग हुन्छ । साथै सो बराबरको अलकत्राको बचत एवं यसरी बनेको सडकको आयु पनि तुलनात्मकरुपले सामान्य पिचभन्दा राम्रो हुने विभिन्न खोज एवं अनुसन्धानले जनाएका छन् ।
सडक निर्माणमा चाहिने प्लास्टिक शुक्लागण्डकीकै डम्पिङ साइट र त्यहाँको समुदायले जम्मा गरेको प्लास्टिक हो । त्यसको प्रशोधनका लागि गण्डकी प्रदेश एकेडेमी अफ साइन्स एन्ड टेक्नोलोजीको सहयोगमा तयार पारिएको प्लास्टिक ग्रेडर मसिन प्रयोग गरिएको छ । सो कच्चा पदार्थ पोखराको औद्योगिक क्षेत्र नजिकको ग्रिन रोड प्रशोधन केन्द्रमा तयार पारिएको हो ।
भारतमा सन् २००२ देखि आजसम्म १.५ लाख किमीको हाराहारीमा यो प्रविधि प्रयोगबाट सडक बनेर पनि परीक्षण भइसकेको छ । छिमेकी मुलुक भुटानमा पनि सयौं किमी सडकमा सो प्रविधि प्रयोग छ । ग्रिन रोड वेस्ट म्यानेज्मेन्ट प्रालि पोखराकै कम्पनी भएकोले पोखरा महानगरले फोहोर व्यवस्थापनसँगै सडक निर्माणमा साझेदारी गर्नुपर्ने कम्पनी संचालक विमल बास्तोलाको सुझाव छ ।
Related News
सम्बन्धित समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
विश्वासको मतअघि अधिकारी सरकारले वितरण गर्यो ५० लाख आर्थिक सहायता
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
hero news full width
मुख्य समाचार
पोखरा देशभरकै प्रदूषित सहर
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१