पोखरा, २३ वैशाख । नेपाली कांग्रेस हरिनास गाउँपालिकाका अध्यक्षका उम्मेदवार टोपबहादुर भुजेलले आफू निर्वाचित भए पालिकाका सम्पूर्ण जनतालाई निशुल्क स्वास्थ्य विमा सुविधा उपलब्ध गराउने बताएका छन् । स्थानीय तहको निर्वाचनमा अध्यक्ष र उपाध्यक्षसहित गठबन्धनको हरिनास गाउँपालिका बनेमा जनताको स्वास्थ्य पहिलो प्राथमिकता हुने उनले दाबी गरे ।
निशुल्क स्वास्थ्य बिमाका लागि सम्भव बनाउने गरी रकम व्यवस्थापनमा कुनै समस्या नरहेको उनको भनाइ थियो । गाउँपालिकामा यसअघि नेकपा एमालेको नेतृत्वले वार्षिक ठूलो रकम बेरुजु गरेकाले त्यही रकम नागरिकको स्वास्थ्य बिमामा खर्च गर्न सकिने उनको तर्क थियो ।
एमालेको सरकारले जनताको मन छुने प्रशंसनीय काम गर्न नसकेकाले यो पटक गठबन्धनलाई जिताउने उनको मतदातालाई आग्रह थियो । आफूहरुको नेतृत्वमा वडामा पनि गठबन्धनको नेतृत्व आएमा हरिनासको विकासले फड्को मार्ने उनले बताए ।
हरिनासको जनसंख्या करिब १७ हजार माथि छ । गाउँमा करिब ३ हजार २ सय घरधुरी छन् । यही आंकडालाई वार्षिक १ करोड १२ लाख आवश्यक पर्ने र ५ वर्षमा ५ करोड ६० लाख चाहिने बजेट पछिल्लो ५ वर्षको बेरुजु भन्दा पनि कम भएकाले कुनै समस्या नहुने उनको भनाई थियो ।
यसपटक हरिनास गाउँपालिकामा गठबन्धनका उम्मेदवार छन् । जसअन्तर्गत अध्यक्षमा कांग्रेसका तर्फबाट टोपबहादुर भुजेल र उपाध्यक्षमा माओवादी केन्द्रकी मिठु लम्साल उम्मेदवार छिन् । हरिनासमा १४ हजार ८ सय ५६ मतदाता छन् ।
२०७४ सालको स्थानीय तह निर्वाचनमा एमालेका खिमनारायण मानन्धरले कांग्रेसका देवकुमार मानन्धरलाई १ सय ७६ मतले पराजित गरेका थिए । खिमनारायणले ३ हजार ८ मत प्राप्त गर्दा देवकुमारले २ हजार ८ सय ३२ मत ल्याएका थिए ।
Related News
सम्बन्धित समाचार
एक्याप र एमक्यापमा नागरिकको स्वामित्व रहने गरी ऐन संशोधन गर्ने प्रधानमन्त्रीको प्रतिबद्धता
मौद्रिक नीतिमा पोखरेली व्यवसायीको मिश्रित प्रतिक्रिया
३४ पालिकामा फलफूलको विशेष परियोजना
बारा २ मा २२ जनाको उम्मेदवारी दर्ता
राष्ट्रपतिमा रामचन्द्र पौडेल विजयी
hero news full width
मुख्य समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१