पाेखरा । गोरखाको पालुङटारमा आफ्नो पार्टीका मेयर उम्मेद्वार दीपक कँडेललाई जवरजस्ती उम्मेद्वारी फिर्ता लिन लगाएको भन्दै केन्द्रीय समिति विरुद्ध त्यहाँका सबै उम्मेद्वारले राजीनामा दिएका छन् । ५१ जना उम्मेद्वारले नगर समितिमा राजीनामा पत्र बुझाएका हुन् ।
त्यहाँ कांग्रेसले मेयर र उपमेयर सहित वडाध्यक्ष र सदस्यहरुमा उम्मेद्वारी दिएको थियो । १० वडा रहेको पालुङटारमा कांग्रेसकै ५२ उम्मेद्वार छन् । नगर समितिका सचिव कृष्ण गिरीले उनीहरुको पत्र पाएको र सोही अनुसार जिल्ला र केन्द्रमा पठाईसकेको जानकारी दिए । ‘राजीनामाको पत्र हस्ताक्षर सहित आएको छ । उहाँहरुले मेयर विना चुनाव लड्दिनँ भन्नुभएको छ,’ उनले भने, ‘त्यो पत्र सम्बन्धित ठाउँमा पठाएका छौं । रेस्पोन्स पाएको छैन ।’
उनले जनता समाजवादी पार्टीका संघीय परिषद् अध्यक्ष डा. बाबूराम भट्टराईको ढिपीको पछि लागेर कांग्रेसले आफ्नै कार्यकर्तालाई विछिप्त बनाएको गुनासो गरे । ‘अहिले पार्टी नै तितर वितर भएको छ । केन्द्रका नेताहरु कुरै नबुझी निर्णय गर्छन्, यहाँ कसरी कार्यान्वयन गराउने ?,’ उनले भने, ‘आफैलाई सिध्याउने गरी यसरी गठबन्धन गर्दा सकस परेको छ ।’ केन्द्रीय गठबन्धन अनुसार पालुङटारको मेयरमा जसपालाई सघाउने निर्णय थियो । तर कांग्रेसले आफ्ना उम्मेद्वार उठायो । केन्द्रीय सभापति शेरबहादुर देउवाले उम्मेद्वारी फिर्ताका लागि निर्वाचन कार्यालयमै पत्र पठाए । पत्र ढिलो भएका कारण कँडेलको नाम उम्मेद्वारको सूचीमा छ ।
केन्द्रले हस्तक्षेप गरेको भन्दै नेपाली काँग्रेसबाट उम्मेदवार बनेका १० वटै वडाका उम्मेदवारले सामूहिक राजिनामा दिएका हुन् । कँडेल भने अहिले काठमाडौं छन् । उनलाई शेरबहादुर देउवाले नै काठमाडौं बोलाएर उम्मेद्वारी फिर्ता लिने विज्ञप्ति लेख्न लगाएको बुझिएको छ । अहिले उनलाई आधिकारिक उम्मेद्वार जसपा हुने भएकोले सघाउन भन्दै विज्ञप्ती निकाल्न लगाईएको हो ।
तर कँडेलले आफ्नो उम्मेद्वारी फिर्ता नभएको बताएका छन् । ‘मैले उम्मेद्वारी छोडेको छैन । त्यहाँको उम्मेद्वार मै हुँ,’ उनले भने, ‘बाबुरामले गलत प्रचार गरे । त्यसको हिसाव चुनावमा हुनछ ।’ उनले उम्मेद्वारी फिर्ता लिएको भन्दै भट्टराईले फेसबुक पेजमा पत्र शेयर गरेका थिए । त्यसपछि पालिकामा उम्मेद्वार बनेका सबैले राजीनामा दिएका हुन् ।
Related News
सम्बन्धित समाचार
विश्वासको मतअघि अधिकारी सरकारले वितरण गर्यो ५० लाख आर्थिक सहायता
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१