पोखरा । निशुल्क प्रवेशसहित खुला सडकमा बुधबारबाट लेकसाइडमा आयोजना हुने १७ औं फेवा नववर्ष महोत्सव २०७९ को सम्पूर्ण तयारी पूरा भएको छ । आयोजक होटल संघ पोखराले मंगलबार पत्रकार सम्मेलनको आयोजना गरी महोत्सवमा सहभागी भई नयाँ वर्षलाई स्वागत गर्न आह्वान गरेको छ । दुई दिने महोत्सव वैशाख १ गतेसम्म चल्नेछ ।
नेपाली संस्कृतिको संरक्षण र परम्परागत नेपाली खानाको प्रवद्र्धन गर्ने मुख्य उद्देश्यसहित पर्यटन, संस्कृति र खानालाई विशेष जोड दिएर महोत्सव सञ्चालन गर्न लागिएको महोत्सव संयोजक एवं आयोजक संघका अध्यक्ष लक्ष्मण सुवेदीले जानकारी दिए । स्थानीय फिस्टेल गेटदेखि हल्लनचोक बीचको ३ किलोमिटर लामो सडकमा यो महोत्सव सञ्चालन हुनेछ । पर्यटन प्रबद्र्धन गर्दै कोभिड– १९ बाट थला परेको पर्यटनलाई पुनरुत्थान गर्ने उद्देश्य पनि महोत्सवले लिएको छ । कोभिडकै कारण लगातार २ वर्ष स्थगित महोत्सवलाई पुन निरन्तरता दिन लागिएको हो ।
नेपालका मुख्य सहरमा अंग्रेजी नयाँ वर्ष धुमधामका साथ मनाउने गरिएकोमा नेपाली नयाँ वर्र्ष पनि उत्तिकै उल्लासका साथ मनाउन यसको प्रचारप्रसार गरी आफ्नो मौलिक संस्कृतिको रक्षा गर्ने अभिप्राय पनि महोत्सवले लिएको छ । महोत्सवमा गीत संगीतअन्तर्गत चैत ३० गते ख्यातिप्राप्त कलाकारहरु प्रजापति पराजुली, पुरुषोत्तम न्यौपाने, प्रीति आले, शिवहरि ढुंगाना, सुरेन्द्र गुरुङ, सरला पाण्डे, गंगा पौडेल र सुमीना क्षेत्रीको प्रस्तुति रहनेछ ।
यसैगरी लाइभ ब्यान्डतर्फ दिनेश ढकालद्वारा गायन साथै स्थानीय कलाकारको प्रस्तुति रहने बताइएको छ । नयाँ वर्षको दिन वैशाख १ गते प्रकाश दुतराज, सम्झना भण्डारी, तारापति सुवेदी, रामजी पौडेल, राजन कार्की, जीवन सिग्देल, टेक क्षेत्री, माया गुरुङ, लक्ष्मी नेपाली र तुलसा क्षेत्रीले मनोरञ्जन प्रदान गर्ने कार्यक्रम रहेको छ । यस दिन पनि लाइभ ब्यान्डको प्रस्तुति रहनेछ । महोत्सव उद्घाटनसँगै दोहोरी र अन्य कार्यक्रम सञ्चालन हुने र साँझपछि राति १२ बजेसम्म पप कन्सर्टका कार्यक्रम समेट्ने योजना संघको छ । दोस्रो तथा अन्तिम दिन पनि त्यसैगरी कार्यक्रम अगाडि बढ्नेछन् ।
महोत्सवका अवसरमा अम्बोट र सेन्टर प्वाइन्टमा स्टेज निर्माण गरी कार्यक्रमहरु सञ्चालन गरिने संघले जनाएको छ । महोत्सवको उद्घाटन अघि ड्यामसाइड र खहरेबाट सांस्कृतिक झाँकीसहितको ¥याली निकालिने छ । अन्नपूर्ण केबलकार प्रालि र गोर्खा ब्रुअरी महोत्सवको मुख्य प्रायोजक रहेका छन् भने नेपाल पर्यटन बोर्ड प्रवद्र्धक रहेको छ ।
पत्रकार सम्मेलनमा संघका अध्यक्ष सुवेदीले पोखरामा आन्तरिक तथा बाह्य पर्यटकको आगमन बिस्तारै बढ्न थालेको जानकारी दिए । होटलमा हाल २५ प्रतिशत हाराहारीको अकुपेन्सी रहेको र नयाँ वर्ष लक्षित होटलको बुकिङ ५० प्रतिशत पुगेको पनि उनले बताए । होटलको ट्यारिफमा ३० प्रतिशत छुटको घोषणा संघले यस अघि नै गरिसकेको छ । महोत्सवका अवसरमा रात्रिकालीन बस तथा ट्याक्सी सेवा उपलब्ध हुने जानकारी पनि संघले दिएको छ । संघका निवर्तमान अध्यक्ष विकल तुलाचनले पर्यटनमा बिस्तारै सुधार हुँदै गएको र गण्डकी प्रदेशका पोखरा बाहेक अन्य क्षेत्रमा समेत पर्यटकहरु पुग्ने क्रम देखिएको जानकारी दिए । कार्यक्रमको सञ्चालन संघका महासचिव राजेन्द्र ढकालले गरेका थिए ।
Related News
सम्बन्धित समाचार
होमस्टे महासंघ गण्डकीको प्रशिक्षण
पर्यटनकर्मीलाई ‘पर्यटकमैत्री सेवा’ सम्बन्धी तालिम
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
पोखरा भिलेज अब चारतारे
ढोरपाटन सिकार आरक्ष आसपासमा तीस घरबास सञ्चालन गरिने
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१