पोखरा । गुरुङ (तमु) लामा बौद्ध धर्म समाजको आयोजनामा पोखरामा प्रथम विश्व शान्ति कांग्युर (त्रिपिटक) वाचन महापूजा हुने भएको छ । समाजले शनिबार पोखरामा पत्रकार सम्मेलन गरी महापूजाको तयारी तीव्र पारिएको जानकारी दिएको छ ।
चैत १३ देखि १८ सम्म तमु धिं नेपालमा हुने महापूजाको तयारी अन्तिम चरणमा पुगेको गुरुङ (तमु) लामा बौद्ध धर्म समाजका संस्थापक एवं केन्द्रीय अध्यक्ष धर्म गुरु खेम्पो शिर लामा तमुले जानकारी दिए । कोरोना भाइरसको महामारीका कारण मृत्युवरण गर्नेहरुको आत्मा शान्तिका लागि नेपालमै पहिलो पटक कांग्युर वाचन महापूजा आयोजना गर्न लागेको बताए । उनका अनुसार १ सय ३ ठेलीको ग्रन्थ ६ दिनमा सकिने लक्ष्य राखिएको छ ।
उनले हरेक दिन धर्म देशना, ग्रहशान्ति, र पितृपूजा हुने बताउँदै बौद्धमार्गी मात्रै नभइ अन्य धर्मावलम्वीहरु समेत पूजामा भाग लिन सक्ने बताए । ‘हामै देशमा जन्मेका बुद्ध दर्शनको महत्व देशमा भन्दा अन्य मुलुकमा छ, उनले भने, ‘त्यसैले बुद्ध दर्शनबारे जानकारी दिने हाम्रो कार्यक्रमको उद्देश्य छ ।’ उनले बुद्ध दर्शनको कमी कै कारण मुलुकमा हत्या तथा हिंसा भैरहेको धारणा राखे ।
आइतबार बिहान ८ बजे सुरु हुने सो महापूजा उद्घाटन गण्डकी प्रदेशका प्रदेश प्रमुख पृथ्वीमान गुरुङले गर्ने छन् । ६ दिन सञ्चालन हुने सो पूजामा करिब १५ लाख खर्च हुने अनुमान गरिएको छ । खर्चको स्रोत भक्तजनले दिने दान रहेको आयोजकले जानकारी दिएको छ । आयोजकका अनुसार घाटा भएमा समाजले ब्यहोर्ने र नाफा भएमा नाफा रकम त्रिपिटक वाचकको गुठी बनाएर विकट ठाउँहरुमा खर्च गर्नेछ । गण्डकी प्रदेशबाट सुरु भएको महापुजा निकट भविष्यमै अन्य प्रदेशमा गर्दै जाने धर्म गुरु खेम्पो शिर लामाले जानकारी दिए । महापूजामा नेपालका विभिन्न स्थानमा रहेका बौद्ध धर्मगुरुको उपस्थिति रहने जनाइएको छ ।
Related News
सम्बन्धित समाचार
वेगनास तालको प्रवद्र्धन गर्दै स्थानीय
पोखरा सिँगार्न दिनहुँ श्रमदानमा खटिन्छन् सीताराम
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जग्गाधनीले रोके रुपाताल परियोजनाको काम
सफलको चिनीरहित दही बजारमा
hero news full width
मुख्य समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१