पोखरा । नेपाली लेखक संघ, कास्कीले प्रदान गर्ने ‘लेखक कृति पुरस्कार–२०७७’ बाट नवलपरासीका स्रष्टा डा. मतिप्रसाद ढकाल पुरस्कृत भएका छन् । विसं २०७७ सालमा गण्डकी प्रदेशभित्रका स्रष्टाद्वारा लिखित पुस्तकमध्ये उनको ‘महाभारतमा के छ ?’ कृति उत्कृष्ट कृतिका रूपमा छनोट भएको थियो ।
शनिबार पोखरामा आयोजित एक समारोहमा ढकाललाई २५ हजार रुपैयाँ राशिको सो पुरस्कार अर्पण गरिएको हो । सोही अवसरमा नेपाली पत्रकारिता, शिक्षा र प्रजातान्त्रिक आन्दोलनमा विशिष्ट योगदान पु¥याएका व्यक्तित्व केशवराज पराजुलीलाई सम्मानसमेत गरिएको थियो ।
पुरस्कार अर्पण समारोहमा कवि तीर्थ श्रेष्ठले सिर्जनाको साधना हुलमुलमा नहुने कुरा उल्लेख गरे । उनले भने, ‘चहलपहलका आधारमा उठ्न खोज्नु लेखक बन्नु नभई लेखक बनेको भ्रम मात्र पाल्नु हो ।’ सिर्जना एकान्तमा हुर्कने उल्लेख गर्दै श्रेष्ठले मतिप्रसाद ढकालको लेखन एक ऋषिले गर्ने साधना झैं एकान्तमै हुर्केकाले उनको लेखन निकै उत्कृष्ट रहेको उल्लेख गरे ।
नेपाली लेखक संघका महासचिव डा.रत्नमणि नेपालले लेखक संघले सर्जकहरूलाई निरन्तर सिर्जनामा लाग्ने प्रेरणा दिन विभिन्न कार्यक्रम गर्ने कार्यमा सधैं जोड दिँदै आएको उल्लेख गरे । आगामी समयमा पनि केन्द्रदेखि जिल्लासम्म निरन्तर जागरणका कार्य गर्दै जाने कुरामा सचेत रहेको जनाए ।
पुरस्कृत व्यक्तित्व डा.मतिप्रसाद ढकालले पुरस्कारका पछाडि लागेर आफूले सिर्जना नगरेको बताउँदै आफ्ना लागि सिर्जना नै एक मात्र धर्म भएको उल्लेख गरे । आफ्नो जीवनको अंश चिन्नु, निरन्तर लेख्नु र स्वतन्त्र ढङ्गले लेखिरहनु नै एक सर्जकको दायित्व भएको बताउँदै उनले निरन्तरको साधना गर्नाले प्रतिफल अवश्य प्राप्त हुन्छ । पथभ्रष्ट हुँदै गएको समाजमा सत्पात्र र सत्मार्ग पहिल्याउन निकै गाह्रो हुने तर यसका लागि सर्जकहरूले निरन्तर आफूलाई परिष्कार गर्दै साधनामा लाग्नुपर्ने बताए । सम्मानित व्यक्तित्व केशवराज पराजुलीले समयले कसैलाई नपर्खने उल्लेख गर्दै समयसँगै हिँड्न प्रयास गर्नुपर्ने जनाए ।
सो अवसरमा पुरस्कृत र सम्मानित व्यक्तित्वका बारेमा परिचय प्रस्तुत गर्दै पुरस्कार छनोट समितिका संयोजक डा.ईश्वरमणि अधिकारीले पूर्वीय दर्शनको महŒवपूर्ण कृतिका रूपमा ‘महाभारतमा के छ ?’ र प्रजातान्त्रिक आन्दोलन र अभिव्यक्ति स्वतन्त्रताका प्रखर हिमायती व्यक्तित्वका रूपमा पराजुलीलाई छनोट गरिएको जानकारी दिए । ‘प्राप्त कृतिहरूको गहन अध्ययन गरी उत्कृष्ट कृतिका रूपमा पुस्तक छनोट गरिएको र पोखरेली परिवेशमा रहेर प्रेरणादायी जीवन बाँचेका पराजुलीलाई छानिएको हो,’ उनले भने । उनले लेखकको लेखकीय धरातल र सम्मानित स्रष्टाको जीवनका केही महत्वपूर्ण आयामलाई प्रष्ट पारेका थिए ।
लेखक संघका आजीवन सदस्यद्वय डा.ईश्वरमणि अधिकारी र डा.भूमिराज बस्ताकोटीलाई विद्यावारिधि उपाधि प्राप्त गर्न सफल भएकोमा थप प्राज्ञिक उचाइको कामना गर्दै दोसल्ला ओढाएर सम्मान गरिएको थियो ।
यसअघि सो पुरस्कार दीपाञ्जली उपन्यासका लागि स्याङ्जाली सर्जक सरोज अर्याललाई अर्पण गरिएको थियो । पुरस्कारका लागि ५ लाख रुपैयाँको अक्षयकोष स्थापना गरी संस्थाले पुरस्कार अर्पण गर्दै आएको छ । पुरस्कार स्थापनाका बारेमा निवर्तमान अध्यक्ष गणेश शर्माले जानकारी गराएका थिए । संस्थाका सचिव कमल पौडेल अथकले सञ्चालन गरेको कार्यक्रममा स्वागत उपाध्यक्ष रीता अधिकारीले गरेकी थिइन् । कार्यक्रम संस्थाका अध्यक्ष सञ्जीव पौडेलको सभापतित्वमा सम्पन्न भएको थियो ।
Related News
सम्बन्धित समाचार
डा. कालु शर्मा सुवेदीको अनुसन्धानात्मक उपन्यास ‘खोजीमा’
हेमजा साहित्य प्रतिष्ठानमा चूडामणि खनालको स्मरण
अक्षरयात्राको २१० औं शृंखला खास्टेतालमा
छन्द बचाऊँ वाचनकला पुरस्कारबाट त्रिपाठी सम्मानित
सबीको अपरिभाषित आभा लोकार्पित
hero news full width
मुख्य समाचार
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१