लेखनाथ । १७ औं लेखनाथ महोत्सव मंगलबार १५ हजार दर्शकले अवलोकन गरेका छन् । यस्तै, २७ लाख रुपैयाँको कारोबार भएको छ । प्रचार उपसमिति संयोजक गोपीचन्द्र बास्तोलाका अनुसार आधा दर्जन गीत संगीतमा प्रस्तुति दिएका चर्चित लोकदोहोरी गायक पशुपति शर्मा दर्शकबीच अझै लोकप्रिय बने । उनले लुट्न सके लुट कान्छा, लुट्न सके लुट भन्ने गीत प्रस्तुत गर्दा दर्शकले समर्थनमा हुटिङ गरेका थिए । उनले आफ्ना चर्चित आधा दर्जन गीतबाट महोत्सवका दर्शकलाई मनोरञ्जन दिलाएका थिए ।
गायक शर्मा र लोकदोहोरी गायिका प्रीति आलेबीच केही समय दोहोरी व्याटल समेत भएको थियो । शर्मा र आलेसँगै गायिका सरस्वती लामिछाने र बालचन्द्र बरालले समेत मनोरञ्जन दिलाएका थिए ।
महोत्सवमा डायमण्ड मावि र लेकसिटी एकेडेमी एन्ड मन्टेसरीका विद्यार्थीले सामूहिक नृत्य प्रस्तुत गरेका थिए भने शिशुवा सत्संगको टोलीले सांस्कृतिक कार्यक्रम प्रस्तुत गरेका थिए ।
महोत्सवको अर्को आकर्षणको रुपमा रहेको रत्यौलीमा विश्वकर्मा आमा समूह पोखरा २८ र नमूना कृषक आमा समूह पोखरा २६ को प्रस्तुति थियो ।
महोत्सवमा राखिएका प्रायः सबै स्टलबाट सन्तोषजनक व्यापार भएको संघका अध्यक्ष एवं महोत्सव मूल आयोजक समिति संयोजक छत्रधर आत्रेयले जानकारी दिए । महोत्सवमा फेन्सी, गार्मेन्ट तथा भाडाका स्टलहरुमा उल्लेख्य व्यापार भएको व्यवसायीले बताएका छन् । होटल तथा रेष्टुरेन्टमा पनि सन्तोषजनक व्यापार भएको रेष्टुरेन्टवालाले बताए ।
महोत्सव आधाआधितर्फ उन्मुख भइरहँदा प्रतिकूल अवस्था बावजुद दर्शकको उत्साहजनक उपस्थिति रहेको अध्यक्ष आत्रेयको भनाइ रहेको छ ।
महोत्सव कोभिडविरुद्धको भ्याक्सिनेसनस्थल समेत बनेको छ । मंगलबारसम्म १ सय ३७ जनाले कोभिडविरुद्धको भ्याक्सिन लगाएका छन् । महोत्सवको बुधबारको आकर्षणमा प्रमोद खरेल रहेका छन् । यसैगरी लोकदोहोरीतर्फ प्रजापति पराजुली, राजन गुरुङ, शीला आले र मीना नेपालीलाई आयोजकले स्टेजमा उतार्ने तयारी गरेका छन् । महोत्सवमा कृषिजन्य स्थानीय उत्पादनदेखि अटो, सूचना प्रविधि, खाद्य, लत्ताकपडा, सेवा सूचना लगायतका ३ सयभन्दा बढी स्टल रहेका छन् । महोत्सव चैत्र ७ सम्म संचालन हुनेछ ।
Related News
सम्बन्धित समाचार
वेगनास तालको प्रवद्र्धन गर्दै स्थानीय
पोखरा सिँगार्न दिनहुँ श्रमदानमा खटिन्छन् सीताराम
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जग्गाधनीले रोके रुपाताल परियोजनाको काम
सफलको चिनीरहित दही बजारमा
hero news full width
मुख्य समाचार
एचआइभी संक्रमणले पढाइबाट वञ्चित
उषा र प्रकाश पोखरा साइकल दौड च्याम्पियन
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१