पोखरा । पुम्दीकोट विशाल महादेव मूर्ति तथा मन्दिर निर्माणको काम पूरा गर्न पुम्दिकोट विकास समितिले शिवमहापुराण आयोजना गर्ने भएको छ । समितिले अधुरा कार्य पूरा गर्न आर्थिक संकलनार्थ फेरि महापुराण गर्न लागेको हो । निर्माण सुरुआत अघि पनि त्यस ठाउँमा ज्ञानमहायज्ञ भएको थियो ।
समितिले पोखरामा बुधबार पत्रकार सम्मेलन गरी मन्दिरको थप योजनासमेत सार्वजनिक गरेको छ । मूर्ति तथा मन्दिर निर्माणलगायत बृहत कार्ययोजना सम्पन्न गर्न सुरुआतमा २० करोड लाग्ने अनुमान गरिएकोमा हाल लागत बढेर दोब्बर पुगेको छ । बृहत् कार्ययोजनाअन्तर्गत हालसम्म ५० प्रतिशत सकिएकोमा सुमेरु पर्वत निर्माण, गणेश परिक्रमा, मोनोरेल निर्माणलगायत कार्यक्रम जोड्दा लागत बढेर ४० करोड पुगेको पुम्दिकोट विकास समितिका अध्यक्ष चन्द्रकान्त बरालले बताए । उनले बाँकी काम पूरा गर्न र अझै केही संरचना बनाउन रकम अपुग भएकोले आगामी माघ ८ देखि १८ सम्म शिवमहापुराण आयोजना गर्न लागिएको बताए । मन्दिर निर्माण तथा विशाल महादेवको मूर्ति स्थापना गर्दा लागेको ऋण तिर्न र अन्य भौतिक संरचना निर्माण गर्न फेरि महायज्ञ सञ्चालन गर्न लागिएको उनले स्पष्ट पारे । निर्माणक्रममा हालसम्म २० करोड खर्च भइसकेकोमा त्यसमध्ये पौने ४ करोड भुक्तानी दिन बाँकी रहेको बताइएको छ ।
हाल सो स्थानमा ५१ फिट अग्लो महादेवको मूर्ति, ३१ फिट उचाइको डमरु निर्माण गरिएको छ । यस्तै महादेवको विशाल क्षेत्र कुण्ड, तेस्रो आँखा, १ सय ८ धारा जडानसहित शिव ताण्डव नृत्य तथा अन्तर्राष्ट्रिय ध्यान केन्द्र पनि निर्माण गरिएको छ । यसैगरी, २ सय १६ शिवलिंग, १ सय ८ स्वर्गद्वारी सिंढी, प्रशासकीय भवन, सुविधासम्पन्न शौचालय, फूलमाला बिक्री कक्षका ४१ सटर, मूर्ति परिसरमा कम्पाउड वाल, २ सय मिटर पहुँचको पक्की मार्ग र मानोरेलद्वारा गणेश परिक्रमा समेत निर्माण गरिएको अध्यक्ष बरालले जानकारी दिए । सुमेरु पर्वत नामकरण गरी कुमार–पार्वतीको मूर्ति, भूमेस्वर महादेवदेखि सुमेरु पर्वतसम्म पहुँचको लागि विद्युतीय चियर कार, ग्रिनरी पार्क, पार्किङस्थल, मूल मूर्ति लगायत कार्य बाँकी छन् ।
बृहत् कार्ययोजनाका लागि सुरुआतमा २० करोडको अनुमान गरिएकोमा लागत बढेर ४० करोड पुगेको छ
महायज्ञका लागि समिति अध्यक्ष चन्द्रकान्त बरालको संयोजकत्वमा १ हजार ८ सदस्यीय मूल आयोजक समिति तथा ३८ उपसमिति गठन गरिएको छ । कथावाचन भागवत्भास्कर पं कमलनयन गौतमले गर्ने छन् । यसअघि २०७३ फागुन ३ देखि १३ सम्म पहिलो शिवमहापुराणलगायत विविध धार्मिक कार्यक्रम भएको थियो ।
समितिले पुम्दीकोट विशाल महादेव मूर्ति अवलोकन उद्घाटनसँगै महायज्ञ लगाउने तयारी गरेको हो । उद्घाटनपछि मन्दिरमा प्रवेश शुल्कको निर्धारण गर्ने र वातावरण जोगाउन शुल्क लिइने समितिले जनाएको छ । पोखरा २२, पुम्दीकोटमा महादेवको मूर्ति निर्माणसँगै पर्यटकको भिड लाग्ने गरेको छ ।
Related News
सम्बन्धित समाचार
वेगनास तालको प्रवद्र्धन गर्दै स्थानीय
पोखरा सिँगार्न दिनहुँ श्रमदानमा खटिन्छन् सीताराम
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जग्गाधनीले रोके रुपाताल परियोजनाको काम
सफलको चिनीरहित दही बजारमा
hero news full width
मुख्य समाचार
एमाले मुस्ताङको अध्यक्षमा दीपक लालचन
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जेठ ६, २०८१एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१