पोखरा । एसियन सिनियर सेन्ट्रल जोन महिला भलिबल च्यालेन्ज कपको उपाधि जित्न सफल नेपाली टोलीका ४ खेलाडीलाई गण्डकी प्रदेश सरकारले नगदसहित सम्मान गरेको छ ।
गण्डकी प्रदेश युवा तथा खेलकुद मन्त्रालयमा सोमबार आयोजित समारोहमा प्रदेशका ४ जना खेलाडीलाई ५० हजार नगद तथा प्रशंसापत्रसहित सम्मान गरिएको हो । नेपाली राष्ट्रिय महिला भलिबल टोलीमा गण्डकीबाट प्रतिनिधित्व गरी नेपालको नाम राख्न सफल भएकोमा उनीहरुलाई सम्मान गरिएको प्रदेश खेलकुद परिषद्, गण्डकीका सदस्य सचिव तेजबहादुर गुरुङले जानकारी दिए ।
समारोहमा युवा तथा खेलकुदमन्त्री राजीव गुरुङ, प्रदेश खेलकुद परिषद्का उपाध्यक्ष धोजकुमार गुरुङ र परिषद्का सदस्य सचिव तेजबहादुर गुरुङ, मन्त्रालयका निमित्त सचिव तेजप्रसाद काफ्लेले खेलाडीहरुलाई नगद, प्रशंसापत्र प्रदान गरेका थिए ।
सम्मानित हुनेमा राष्ट्रिय टोलीका कप्तान अरुणा शाही (म्याग्दी),सोफिया पुन (बाग्लुङ), उषा भण्डारी (तनहुँ) र शान्तिकुमारी थारु (नवलपुर) हुन् । साथै नेपाल भलिबल संघका कार्यवाहक अध्यक्ष एवं टोली नेता यामबहादुर गुरुङलाई पनि प्रशंसापत्रबाट सम्मान गरिएको थियो ।
गत साता बंगलादेशमा सम्पन्न प्रतियोगिताको फाइनलमा उज्वेकिस्तानलाई पराजित गर्दै नेपाली टोलीले उपाधि रक्षा गरेको थियो । यसअघि सन् २०१९ मा नेपाली टोलीले उपाधि जितेको थियो ।
गण्डकीका ४ जना महिला खेलाडीलाई जनही ५० हजारसहित सम्मान गरिएको हो
कार्यक्रममा मन्त्री गुरुङले खेल क्षेत्र र खेलाडीको महत्वबारे मुख्यमन्त्री र अर्थमन्त्रीले बुझ्न आवश्यक रहेको बताए । खेलाडीको वृत्ति विकासका लागि राज्यले धेरै काम गर्न बाँकी रहेको उनको भनाइ थियो । मन्त्रालयमा बजेट थोरै हुँदा आफूले सोचेअनुरुप काम गर्न नसकेको उनले बताए । खेलाडीहरुलाई स्वरोजगार बनाउनुपर्ने उनको जोड थियो । उनले खेलाडी प्रोत्साहन, क्षमता विकास, प्रशिक्षण लगायतका कार्यक्रमका लागि मन्त्रालयमा बजेट अभाव रहे पनि सीमित साधन स्रोतका साथ मन्त्रालय खेलकुद विकासमा अघि बढेको दोहो¥याए ।
सम्मान समारोहमा प्रदेश खेलकुद परिषद्का उपाध्यक्ष धोजकुमार गुरुङ, मन्त्रालय निमित्त सचिव तेजप्रसाद काफ्ले, परिषद्का सदस्य सचिव तेजबहादुर गुरुङले खेलाडीको हौसला बढाउन र प्रोत्साहनका लागि सम्मानले योगदान पुग्ने विश्वास व्यक्त गरे ।
टोली कप्तान अरुण शाहीले भलिबल खेलाडीको लागि राज्यले जति गर्नुपर्ने हो, त्यति गर्न नसकेको गुनासो गरिन् । उनले गण्डकीबाट राम्रा खेलाडी उत्पादन भएपनि लामो समयसम्म संरक्षण हुन नसकेको उनको भनाइ थियो । उनले खेल जीवनपछि पनि खेलाडीको रक्षाका लागि राज्यले पहल गर्नुपर्ने बताइन् ।
Related News
सम्बन्धित समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
विश्वासको मतअघि अधिकारी सरकारले वितरण गर्यो ५० लाख आर्थिक सहायता
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
hero news full width
मुख्य समाचार
पोखरा देशभरकै प्रदूषित सहर
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१