पोखरा ।
‘म दुखीको जिन्दगीमा तिमी आएर
म जन्मेको सफल भयो, तिम्लाई पाएर ।
तिम्रै मायाले मलाई हास्न सिकायो,
तिम्रै मायाले मलाई बाँच्न सिकायो ।’
कालोकोट र कालै चस्मामा सजिएकी समीक्षा अधिकारी यो गीत गाउँदै स्टेज ओर्लेपछि पुसको सिरेठो एक्कासि गर्मायो । सबैको मनमुटुमा बस्न सफल सुमुधुर स्वरकी धनी समीक्षा सुन्न बिहानी २ घण्टादेखि नै विद्यार्थी आतुर थिए । गत वर्ष बजार आएको नरेश खातीको शब्द÷संगीतको यो गीतमा खासमा विक्रम राना, विशाखा शाहीको साथ रहे पनि त्यतिबेला भने विद्यार्थीले कस्केली चेलीलाई भरपूर साथ दिए ।
अनेरास्ववियु पृथ्वीनारायण क्याम्पसको २५ औं क्याम्पस कमिटी सम्मेलनको अवसरमा मंगलबार पिएन क्याम्पसमा आयोजित नवआगन्तुक विद्यार्थीको स्वागतमा आयोजकले आधा दर्जन बढी कलाकारलाई निम्तो दिए पनि अन्यको अनुपस्थितिमै पनि दर्शकको लागि समीक्षा काफी थिइन् । दर्शक आग्रहमा ४ पटकसम्म स्टेजबाट ओर्लेर उनीहरुसँगै गीत गाउन पुगेकी समीक्षाले आफ्नै गाउँठाउँमा गीत गाउन पाउँदा अत्यन्तै खुसी लागेको प्रतिक्रिया दिइन् । उनीसँग टिकटक बनाउन, फोटो सेसन गर्न मरिहत्ते गर्नेहरुको पनि उत्तिकै ठेलमठेल देखिन्थ्यो ।
टिन एजमै रहेकी लाहाचोककी समीक्षालाई ३ वर्षअघि देशविदेश चिनाएको नाइ नभन्नु लको ‘कहाँ आउँछ र घुमेर, बालापनको उमेर’ गीत हो । उनले सुरुआतमा ‘हेलो पोखरा’ भन्दै यही गीतबाट आफ्नो आधा दर्जन प्रस्तुतिको दैलो उघारेकी थिइन् । फ्यानको हुटिङ थाम्न उनले ‘तिम्रै मायाले मलाई हास्न सिकायो’ लाई ३ पटकसम्म गाउन बाध्य भइन् । त्यस्तै, ‘धनगढीको बसमा, आउँदा मलाई ल्याइदिनु चट्ट कालो चस्मा’, ‘हावा चिसो–चिसो’ ‘कि म तिम्रै हो भन’ लगायत गीत प्रस्तुत गरिन् । जाँदाजाँदै उनले आफूभन्दा ठूलो उमेरका दाइदिदीलाई ‘राम्रोसँग बस्नुहोला, राम्रोसँग पढ्नुहोला’ भन्ने सुझाव दिंदै बिदा भइन् ।
देशविदेशमा चर्चित गायिका समीक्षालाई यसरी आफ्नै गृहजिल्लामा ल्याएर दर्शकको मागबमोजिम मनोरञ्जन दिलाउन पाउँदा आफूहरुलाई पनि खुसी लागेको अनेरास्ववियु कास्कीका अध्यक्ष एवं केन्द्रीय सदस्य विजय पौडेलले बताए ।
आयोजकले प्रजापति पराजुली, पुरुषोत्तम न्यौपाने, जीवन दाहाल, तारापति सुवेदी, शंकरविरही गुरुङ, लक्ष्मी नेपालीलाई पनि निम्तो दिएको थियो । कार्यक्रममा विद्यार्थीहरुले २ दर्जन जति सांगीतिक प्रस्तुति राखेका थिए । कार्यक्रमको प्रमुख अतिथि एमाले उपमहासचिव प्रदीप ज्ञवाली थिए ।
Related News
सम्बन्धित समाचार
लालबहादुर चण्डेश्वरी संगीत पुरस्कार मीरा र ध्रुवेशचन्द्रलाई
स्मृति ग्रन्थमा सर्जक बुद्धि परियार
गजलकार एवं गीतकार प्रकट पगेनी गम्भीर बिरामी
पत्रकार पौडेलको ‘दिलमा रोप्यौ तिर’ सार्वजनिक
पाइन खबर साँझमा हरिदेवीका गीत
hero news full width
मुख्य समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१