म्याग्दी, १२ असोज । गण्डकी प्रदेशमा यस वर्ष हुने नवौैं राष्ट्रिय खेलकुद प्रतियोगिताको तयारी थालिएको छ । राष्ट्रिय खेलकुद परिषद् (राखेप) ले आगामी फागुनमा प्रतियोगिता सञ्चालन गर्ने प्रतियोगिताका लागि आवश्यक पूर्वाधार निर्माण, खेल प्रशिक्षण र व्यवस्थापकीय काम सुरु गरेको हो ।
परिषद्का बोर्ड सदस्य राजेशकुमार गुरुङले पहिलो चरणमा खेल पूर्वाधार, प्रशिक्षक, रेफ्री लगायत जनशक्तिको अवस्थाको स्थलगत अध्ययन सुरु गरेको जानकारी दिए ।
उनीसहित गण्डकी प्रदेश खेलकुद परिषद् उपाध्यक्ष भोजबहादुर गुरुङसहितको टोलीले मंगलबार म्याग्दी, बागलुङ, पर्वतका खेलमैदान र कवर्ड हलको निरीक्षण, जिल्ला खेलकुद विकास समिति र खेल संघका पदाधिकारीसँग छलफल गरेको छ । कुन जिल्लामा कुन खेल सञ्चालन गर्न उपयुक्त हुन्छ ? भन्ने पहिचानका लागि राष्ट्रिय रेफ्री, खेल संघका पदाधिकारी र प्राविधिक टोलीसहित यसअघि लमजुङ, गोरखा र तनहुँमा टोलीले सम्भाव्यता अध्ययन गरिसकेकोे छ ।
साथै टोलीले बेनीको कालीपुलमा रहेको बास्केटबल, खुलामञ्च र चुत्रेनीको खेलमैदान निरीक्षण गरेको छ । गत वर्ष फागुन २१ देखि सञ्चालन गर्ने तय भएको नवौं राष्ट्रिय खेलकुद प्रतियोगिता कोरोना भाइरस महामारीका कारण स्थगित भएको थियो ।
आगामी फागुन ६ देखि १६ सम्म आयोजना गर्न खेलकुद मन्त्रालयलाई राखेपले प्रस्ताव गरेको सदस्य गुरुङले बताए । कोरोना संक्रमणको दर घटेको, पूर्वाधार तयार भएको, कोरोनाविरुद्धको खोपको पहुँच बढेको र अर्थ मन्त्रालयले बजेटको व्यवस्था गरेकाले फागुनसम्म प्रतियोगिता गर्न सकिने उनको भनाइ छ ।
खेलकुद मन्त्री नियुक्त हुने वित्तिकै समय घोषणा गरेर पालिका, जिल्ला र प्रदेशस्तरीय छनौट प्रतियोगिताको काम अघि बढाउने भएकाले तयारी गर्न खेलाडीलाई सदस्य गुरुङको आग्रह छ ।
राखेपले गण्डकीका ११ वटै जिल्लामा विभिन्न खेल आयोजना गर्ने योजना बनाएको छ । यद्यपि अधिकांश खेल प्रदेश राजधानी पोखरा महानगरभित्रै हुने छन् । पौडीको पूर्वाधार तयार भएको र सुटिङका लागि पनि पूर्वाधार निर्माण प्रक्रिया अघि बढेको सदस्य गुरुङले बताए । मुख्य खेलस्थल रुपमा रहने कास्कीको पोखरा रंगशाला निर्माण सकिएको छ ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१