पोखरा । पर्वतारोही तथा चट्टान आरोहीलाई नेपाल पर्वतारोहण संघ (एनएमए) गण्डकी प्रदेश समितिले पुनर्ताजगी तालिम प्रदान गरेको छ । पोखराको खहरेमा रहेको विस स्पोर्ट्स इन्डोर हबमा २ दिनसम्म बोल्डरिङ तथा वाल क्लाइम्बिङ तालिम भएको हो ।
गत माघमा मुस्ताङको धम्पुस पिक (६,०१२ मि.) आरोहण गरेका र तनहुँ विमलनगरमा रक क्लाइबिङमा भाग लिएका गरी १५ जना तालिममा सहभागी थिए । सहभागीलाई अन्तर्राष्ट्रिय मान्यताप्राप्त माउन्टेन गाइड प्रशिक्षक प्रेम गुरुङ र सहायक प्रशिक्षक राम गुरुङले अप्ठ्यारा पहाड, खोंच र हिमालमा अपनाउनुपर्ने सुरक्षा सतर्कताबारे तालिम दिएका हुन् । तालिमस्थलमा रहेको कृत्रिम पर्खालमा डोरीबिना चढ्ने, डोरी सहायतामा झर्ने, आरोहणक्रममा अप्ठ्यारोमा फसेकाको उद्धार गर्ने लगायत विधि सिकाइएको थियो ।
शुक्रबार सहभागीलाई प्रमाणपत्र वितरण गर्दै पोखरा पर्यटन परिषद् अध्यक्ष गोपीबहादुर भट्टराईले पर्यटकलाई सुरक्षित महसुस गराउन र पर्वतारोही स्वयंको सुरक्षामा तालिम लाभदायी हुने बताए ।
एनएमए गण्डकी अध्यक्ष शेषकान्त शर्माले सैद्धान्तिकमात्र नभइ, व्यवहारिक रुपमा समेत सीपयुक्त बनाउन तालिम आयोजना गरेको प्रष्ट पारे । ‘गण्डकी प्रदेशका हिमाल आरोहण प्याकेज अहिले काठमाडौंले बेचिरहेको छ,’ उनले भने, ‘पोखरामै तालिम केन्द्र बन्न सके यहींका व्यवसायी, गाइड र मजदुरले लाभ लिन सक्ने छन् ।’
एनएमए गण्डकी सचिव सुदीप गौतमले हिमाल चढ्न आउने पर्यटक जस्तोसुकै महामारीमा पनि आउने भएकोले पर्वतीय पर्यटनमा जोड दिनुपर्ने बताए ।
यसअघि तालिम उद्घाटन अवसरमा पोखरा पर्यटन परिषद् उपाध्यक्ष पोमनारायण श्रेष्ठले आन्तरिक पर्यटक भित्र्याउने अभियानमा एनएमएसँग सहकार्य गर्ने बताए । स्वदेशी पर्यटकलाई हिमाल चढ्न प्रोत्साहन गर्ने वातावरण बनाउनुपर्नेमा उनको जोड थियो । तत्कालीन एनएमए अन्नपूर्ण च्याप्टर पूर्व अध्यक्ष जीवनराज सापकोटाले गण्डकी प्रदेशमा रहेका हिमालको विस्तृत ‘पिक प्रोफाइल’ बनाउनुपर्ने औंल्याए ।
अन्तर्राष्ट्रिय पर्वतीय संग्रहालय कार्यकारी निर्देशक निर्मला न्यौपानेले पर्वतीय पर्यटन प्रवद्र्धन र जनशक्ति उत्पादनमा हातेमालो गर्ने बताइन् ।
टान पश्चिमाञ्चल क्षेत्रीय संघ अध्यक्ष सुशीलराज पौडेलले पर्यटनलाई चलायमान बनाउन ट्रेकिङ र पर्वतारोहणलाई सँगसँगै लैजाउनुपर्ने सुझाए । तालिम संयोजक कृपाकुमार गुरुङले प्रवद्र्धनात्मक हिमाल आरोहणमा सहभागी हुनेलाई तालिम फलदायी हुने बताए ।
Related News
सम्बन्धित समाचार
होमस्टे महासंघ गण्डकीको प्रशिक्षण
पर्यटनकर्मीलाई ‘पर्यटकमैत्री सेवा’ सम्बन्धी तालिम
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
पोखरा भिलेज अब चारतारे
ढोरपाटन सिकार आरक्ष आसपासमा तीस घरबास सञ्चालन गरिने
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१