हेमजा । मुकुन्दशरण वाङ्मय परिषद नेपाल पोखरा २५ कास्कीको तेस्रो अधिवेशन आइतबार हेमजामा भएको छ । अधिवेशनले कृष्णप्रसाद पौडेलको अध्यक्षतामा नयाँ कार्य समिति चयन गरेको छ ।

परिषद नेपालको उपाध्यक्ष लोकमणि पौडेल, महासचिवमा बलराम पौडेल, सचिव देबु गौतम, कोषाध्यक्षमा भुवनेश्वर शर्मा र सहसचिव कालिचरण पराजुली छन् । त्यस्तै अन्य सदस्यमा कृष्णशरण उपाध्याय, गायत्री घिमिरे, पुष्पा केसी, प्रेमराज पहारी र मोहनराज पौडेल छन् ।

महाकाव्यकार जनार्दन त्रिपाठीको प्रमुख आतिथ्यतामा भएको कार्यक्रममा हेमजा सहित्य प्रतिष्ठानका अध्यक्ष छन्दमणि त्रिपाठीले बोलेका थिए । कार्यक्रममा कोषाध्यक्ष शिव त्रिपाठीले आर्थिक प्रतिवेदन प्रस्तुत गरेका थिए ।

परिषद नेपालका अध्यक्ष नारायणप्रसाद अधिकारीको अध्यक्षतामा भएको कार्यक्रममा उपाध्यक्ष देवुकृष्ण काफ्लेले स्वागत र सञ्चालन महासचिव डा. बलराम अधिकारीले गरेका थिए ।