पोखरा । सहारा क्लब पोखराको आयोजनामा शनिबारदेखि पोखरा रंगशालामा १९ औं संस्करणको आहारारा गोल्डकप फुटबल प्रतियोगिता सुरुआत भएको छ ।
प्रतियोगिताको उद्घाटन खेलमा नेपाल एपिएफ क्लबले आयोजक सहारा क्लब पोखरालाई हराउँदै विजयी सुरुवात गरेको छ ।
गोलरहित बराबरी खेलेको घरेलु टिम दोस्रो हाफको अन्त्यतिर सम्हालिन नसक्दा विभागीय टिमलाई जित सुम्पिन पुगेको हो । खेलको ८७ औं मिनेटमा आशीष लामाले सुन्दर गोल गर्दै यसपालि टिमलाई सेमिफाइनलमा पु¥याउन सफल भए । गत वर्ष एपिएफ दोस्रो क्वाटरफाइनलमा झापा–११ सँग टाइब्रेकरको शिकार बन्दै पहिलो चरणबाटै बाहिरिएको थियो ।
लामो समयको गोलको खडेरी तोड्न लामाको करिब २० यार्ड टाढाबाट हानेको प्रहार विपक्षी कीपर दीप कार्कीले ठम्याउनै सकेनन् । प्रदीप लामाले हानेको कर्नर बलमा म्यान अफ दी म्याच आशीषले गोल गर्न सकेका हुन् ।
आइतबारको खेल मच्छिन्द्र क्लब र क्यामरुनको अफ्रिकन रुट एसोसिएसनबीच हुने
जितपछि एपिएफका प्रशिक्षक सुदीप श्रेष्ठले अपेक्षा अनुसार गोल नआएपछि दोस्रो हाफपछि खेल परिवर्तन गर्नुपरेको बताए । पहिलो रोजाइको स्ट्राइकरबाट गोल नआएपछि स्ट्राइकर नै परिवर्तन गर्नुपरेको बताए ।
पोस्ट म्याच कन्फरेन्समा सहाराका प्रशिक्षक विष्णु गुरुङले आफूहरु एग्रेसिभ हुन नसकेको र चार्ज गर्न नसकेको बताए ।
जितसँगै एपिएफले पहिलो सेमिफाइनलमा संकटा र मनाङ मस्र्याङ्दीबीचको विजयीसँग चैत २५ मा प्रतिस्पर्धा गर्नेछ । आइतबारको खेल मच्छिन्द्र क्लब र क्यामरुनको अफ्रिकन रुट एसोसिएसनबीच हुने आयोजकले जनाएको छ ।
आगामी चैत २८ सम्म चल्ने प्रतियोगितामा कुल ८ टिमको सहभागिता छ । जसमा नेपाल आयल निगम मनाङ मस्र्याङदी क्लब, नेपाल पुलिस क्लब, रुस्लान थ्रिस्टार क्लब, नेपाल एपिएफ क्लब, संकटा क्लब, मछिन्द्र क्लब, अफ्रिकन रुट एसोसिएसन, क्यामरुन र आयोजक सहारा क्लब पोखरा रहेको क्लब अध्यक्ष केशवबहादुर थापाले जानकारी दिए । १८ औं संस्करणको विजेता मनाङ र उपविजेता नेपाल पुलिस क्लब हुन् ।
यस वर्षको ‘सर्वोत्कृष्ट राष्ट्रिय फुटबल खेलाडी–२०७७’ सम्मानबाट राष्ट्रिय टोलीका सदस्य अभिषेक रिजाललाई पुरस्कृत गरियो । राष्ट्रिय टोलीमा रहेर राष्ट्रिय तथा अन्तर्राष्ट्रिय फुटबल प्रतियोगितका माध्यमबाट देशको नाम चिनाउन सफल भएकामा उनलाई ३५ हजारसहित सम्मान गरिएको हो ।
विजेतालाई १० लाख र उपविजेतालाई ५ लाख पुरस्कार प्रदान गरिनेछ । यस वर्षदेखि सूर्यबहादुर केसीको स्मृतिमा उत्कुष्ट पाँच विधाको पुरस्कार जनही २५ हजार अर्पण गरिने जनाइएको छ । खेलबाट आम्दानी १ करोड २९ लाख र खर्च १ करोड १ लाख लाग्ने आयोजकको अनुमान छ । प्रतियोगिताको मुख्य प्रायोजक हिमश्री फुड्स प्रालिको उत्पादन रारा तयारी चाउचाउ हो ।
खेल उद्घाटन गर्दै राखेप सदस्य सचिव रमेशकुमार सिलवालले पोखराबाट खेल क्षेत्र अगाडि बढाउन सकिने प्रशस्त सम्भावना रहेको बताए ।
त्यस्तै, राखेप बोर्ड सदस्य राजेशकुमार गुरुङ, हिमश्री फुड्स प्रालिका निर्देशक प्रकाश केसी, सहारा क्लब अध्यक्ष केशवबहादुर थापा, उपाध्यक्ष हरेराम गुरुङ ‘सुरज’, महासचिव रामजीप्रसाद अधिकारी लगायतले बोलेका थिए ।
Related News
सम्बन्धित समाचार
ज्येष्ठ नागरिकमैत्री विविध सांस्कृतिक तथा भजन प्रतियोगिता तयारी पूरा
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
hero news full width
मुख्य समाचार
गण्डकीका ४ सय ६७ स्थानमा डढेलो
बझाङ प्रदेशसभा–१ मा एमालेका भण्डारी विजयी
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१