स्याङ्जा । कृषि पेसामा आकर्षित गर्दै परम्परागत कृषि प्रणालीलाई यान्त्रीकरण र व्यावसायीकरण गर्ने उद्देश्यले आँधीखोला गाउँपालिकाले किसानलाई हातेट्याक्टर वितरण गरेको छ । उनीहरुलाई ५० प्रतिशत अनुदानमा ८० वटा हातेट्याक्टर वितरण गरिएको गाउँपालिकाले जनाएको छ ।
गाउँपालिका अध्यक्ष सुधीरकुमार पौडेलले किसानलाई खेती गर्न सहजहोस् भनेर हातेट्याक्टर प्रदान गरिएको बताए । ‘गाउँमा गोरु पाल्ने चलन हराइ सक्यो । काम गर्ने मान्छे पनि छैनन्,’ उनले भने, ‘कृषि सरल र सहज बनाउन किसानलाई ट्याक्टर दिएका हौं ।’ कृषिमा यान्त्रीकरण, व्यवसायीकरण र बजारीकरण गर्नुपर्ने भन्दै यसका लागि किसानलाई सहयोग गरिएको अध्यक्ष पौडेलले बताए ।
गाउँपालिका उपाध्यक्ष शर्मिलादेवी पौडेलले स्वदेशमै कृषि पेसा गरेर मनग्य आम्दानी गर्न सकिने भएकोले विदेशिएका युवालाई स्वदेशमा फर्कन आग्रह गरिन् । गाउँपालिकाले कृषिमा आत्मनिर्भर बनाउने योजनाका साथ नीति कार्यक्रम बनाइ काम गरिरहेको उनको भनाइ छ ।
दिनभर लाएर गोरुको सहायतामा खेतबारी जोत्नु परेकोमा अब १÷२ घन्टामै आफ्नो खेतबारी जोत्न सकिने किसान तोयानाथ पौडेलले बताउँछन् ।
प्रमुख प्रशासकीय अधिकृत शेषकान्त पौडेलले आव २०७७÷७८ को बजेटबाट कृषि र पशुपालनलाई प्राथमिकतामा राखेकोले युवालाई कृषि पेसामा लाग्न आग्रह गरे ।
प्रतिट्रयाक्टर ५५ हजारमध्ये किसानले २७ हजार ५ सय रुपैयाँ भुक्तानी गरेका छन् । किसानको अत्यधिक माग भएकोले गाउँपालिकाले बजेट थप गरी दोस्रो चरणमा थप २५ जना किसानलाई ट्रयाक्टर वितरण गर्ने जनाएको छ ।
Related News
सम्बन्धित समाचार
‘कुखुरा कल्याणमा केज प्रणाली अनुपयुक्त’
पशु स्वास्थ्य प्राविधिकलाई अभिमुखीकरण
माझठानाका कृषकलाई तालिम
कास्कीको मादीमा एउटै फार्मका दुई सय ८० बाख्रा मरेपछि…
फेदीखोलाको सर्केटारीमा प्रथम आलु प्रदर्शनी
hero news full width
मुख्य समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१