पोखरा । पत्रकार रवीन्द्रनाथ बास्तोला सयपत्री बचत तथा ऋण सहकारी संस्थाको अध्यक्षमा निर्वाचित भएका छन् ।
संस्थाको ११ औं साधारणसभामा अध्यक्षका अर्का प्रत्यासी देवेन्द्रकिशोर बास्तोलालाई पराजित गर्दै उनी निर्वाचित भएका हुन् । विश्वराज बास्तोलाले अध्यक्ष पदबाट राजीनामा दिएपछि नेतृत्व रिक्त थियो ।
निर्वाचित रवीन्द्रनाथले कुल खसेको ४ सय ५७ मतमा ३ सय ८९ प्राप्त गरेका थिए । अध्यक्षका प्रत्यासी देवेन्द्रकिशोरले ५८ मत प्राप्त गरेकोमा १० मत वदर भएको निर्वाचन समिति संयोजक अधिवक्ता रोहितराज बास्तोलाले बताए । निर्वाचन समितिमा शिवकुमार अधिकारी र गुरुप्रसाद बास्तोला सदस्य थिए ।
निर्वाचितपछि बास्तोलाले प्रजातान्त्रिक पद्दति पालना गर्दै निर्वाचनमा भाग लिने शेयर सदस्यलाई धन्यवाद दिए । संस्थापक अध्यक्षसमेत रहेका बास्तालाले आर्थिक पारदर्शितासँगै सामाजिक उत्तरदायित्वलाई पहिलो प्राथमिकतामा राख्ने बताए ।
भर्चुअल माध्यमबाट भएको साधारणसभामा भूमि व्यवस्था, कृषि तथा सहकारी मन्त्रालयका महाशाखा प्रमुख प्रेमप्रसाद ढकालले सयपत्री सहकारी कास्की जिल्लामै नमुना सहकारी भएको बताए । उनले मन्त्रालयबाट निर्देशित नीति र नियम पूर्णरुपमा पालना गर्न सुझाएका थिए ।
साधारणसभामा सहकारी सल्लाहकार माधवप्रसाद बास्तोला, पूर्व अध्यक्ष विश्वराज बास्तोलालगायतले बोलेका थिए ।
कावा अध्यक्ष भीमप्रसाद न्यौपानेको अध्यक्षतामा भएको कार्यक्रममा सचिव कृष्णप्रसाद आचार्यले सञ्चालन र कोषाध्यक्ष धर्मप्रसाद बास्तोलाले स्वागत गरेका गरेका थिए ।
सहकारीका प्रबन्धक विकास सुवेदीका अनुसार संस्थाको शेयर पुँजी १२ करोड २८ लाख छ । निक्षेप १ अर्ब २७ करोड ४० लाख, कर्जा लगानी १ अर्ब २१ करोड ५७ लाख छ । सहकारीमा १ अर्ब ६० करोड ४० लाख रुपैयाँ वासलात रहेको छ ।
Related News
सम्बन्धित समाचार
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
गण्डकी मेडिकल कलेजमा वित्तीय साक्षरता
hero news full width
मुख्य समाचार
धुँवा पुत्याउने गाडी फन्दामा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको चाउथेमा बिजुली पसलमा आगलागी हुँदा १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१