पोखरा । नियमानुसार सडकमा पार्किङ गर्न पाइँदैन । पोखरा महानगरपालिकाले वर्षौंदेखि सडकमै ढाट तेस्र्याएर अवैध रुपमा शुल्क असुलिरहेको छ । ठेक्का प्रक्रियामा विवाद र कोभिडका कारण केही समय रोकिएको यहाँको पार्किङ ठेक्का पुनःसम्झौता भएको छ । महानगरले आइतबारदेखि लागू हुने गरी पार्किङ ठेक्का लगाएको हो ।
आगामी २ वर्षका लागि पोखराको पार्किङको जिम्मा फेवा÷सावित्री जेभीले पाएको छ । सो अवधिसम्म ३ करोड १६ लाखमा ठेक्का दिइएको महानगरका राजस्व शाखा प्रमुख गणेश पाण्डेले बताए । ‘अघिल्लै वर्ष ठेक्का परेको हो । कोभिडका कारण सम्झौता हुन सकेन,’ उनले भने, ‘अहिले सम्झौता गरेर पार्किङ जिम्मा दिइएको हो ।’ आर्थिक ऐनअनुसार ठेक्कासम्झौता भएकोले अहिले शुल्क संशोधन गर्न नसकिने उनको भनाइ छ । २०७९ मंसिर २७ गतेसम्म यही कम्पनीले पार्किङ व्यवस्थापन र शुल्क संकलन गर्ने छ ।
आर्थिक ऐन देखाएर उपभोक्ताको ढाड सेक्ने गरी शुल्क लिन थालिएको छ । अघिल्ला वर्षमा दैनिक १० रुपैयाँ लिने शुल्क बढाएर घण्टामै १० रुपैयाँ बनाइएको छ । ‘सडकमा हुने पार्किङलाई न्यूनीकरण गर्न शुल्क बढाइएको हो । सार्वजनिक गाडीलाई संस्थागत शुल्क तोकिने छ,’ उनले भने, ‘बिहान ६ बजेदेखि बेलुकीसम्म सडकमा गाडी छोडेर निस्किन्छन् मान्छे । त्यसले यातायात सञ्चालनमा समस्या भयो । शुल्क बढी हुँदा त्यो रोकिन सक्छ ।’ पार्किङ शुल्कमा विरोध बढेपछि महानगरले सरोकारवालासँग बैठक बस्ने बताएको छ । ‘ऐन बनाएर कार्यान्वयन गरिएको हो । केही समस्या भए समाधान हुन्छ,’ मेयर जिसीले भने, ‘अहिले त ट्रायल गरेको हो ।’
निजी कार, ट्याक्सी, जीप र भ्यानको शुल्क प्रतिघण्टा २० रुपैयाँ तोकिएको छ भने मोटरसाइकलको १० रुपैयाँ छ । यो निर्णयले मोटरसाइकल चढ्नेले प्रत्येक महिना कम्तीमा ३ हजार पार्किङ शुल्क महानगरलाई तिर्नुपर्छ । ‘पार्किङको व्यवस्था सम्बन्धित व्यवसायीले नै गर्नुपर्छ । यहाँ त व्यापारीले दिनभरि सडक कब्जा गरेका छन् । उपभोक्ताले त्यो उपभोग गर्न पाएनन्,’ प्रमुख प्रशासकीय अधिकृत महेश बरालले भने, ‘अव्यवस्थित पार्किङलाई व्यवस्थापन गर्न यो शुल्क तोकिएको होला । तर आर्थिक ऐन म आउनुअघि नै बनेको हो । सम्झौतामात्रै मेरो कार्यकालमा भयो ।’ पार्किङका लागि नगरका विभिन्न ठाउँ तोकिएको छ ।
उपभोक्ता हित संरक्षण मञ्च अध्यक्ष कपिलनाथ कोइरालाले सार्वजनिक ठाउँमा पार्किङ गरेर शुल्क लिन नपाइने बताए । ‘कुन अधिकार प्रयोग गरेर सडक ठेक्का दियो ? सडकमा पार्किङ गर्ने र पैसा उठाउने अधिकार कसले दियो ?,’ उनले भने, ‘पैसाको आवश्यकताभन्दा पनि आन्तरिक प्रपञ्चजस्तो छ । आफूलाई मात्रै फाइदा हुने काम भयो । जनपक्षीय काम भएन । उपभोक्ता यो निर्णयविरुद्ध उत्रिनुपर्छ ।’
ठेकेदार कम्पनीका उदिम गुरुङले महानगरकै निर्णयअनुसार शुल्क उठाएको बताए । ‘हामीले तोकेको होइन । महानगरकै निर्णय हो,’ उनले भने । कम्पनीले १ सय ४० भन्दा बढी कर्मचारी खटाएको छ । साविकको पोखरा उपमहानगरभरि शुल्क उठाउने गरी ठेक्का पाएको उनले बताए । कम्पनीले पोखराभित्र गुड्ने नगरबस र ट्याक्सीको शुल्क भने पहिलो दिन उठाएको छैन । ‘नगरबसलाई मासिक १ हजार ५ सय दरले लिने भनिएको छ । ट्याक्सीसँग मासिक १ हजार लिने सहमति भएको छ,’ उनले भने, ‘संस्थागत सम्झौता नभएकोले पहिलो दिन लिएनौं ।’ गण्डकी प्रदेशमा दर्ता भएका ठूला गाडीले प्रतिघण्टा ३० रुपैयाँ पार्किङ शुल्क तिर्नुपर्छ । यो शुल्कको अहिले चौतर्फी विरोध भइरहेको छ ।
Related News
सम्बन्धित समाचार
पोखरा विश्वविद्यालय शिक्षण अस्पताल उद्घाटन
दमौली आगलागी अपडेट : क्षतिको विवरण संकलन गरिँदै
प्रधानमन्त्री प्रचण्डलाई चाैथोपटक विश्वासको मत
प्रधानमन्त्री दाहालले आज चाैथोपटक विश्वासको मत लिँदै
दमौलीको मुख्यचोकका सटरमा मध्यरातमा आगलागी, ३ घण्टापछि नियन्त्रणमा
hero news full width
मुख्य समाचार
एकातिर खोला, अर्कैतिर पुल
ढुंगाबालुवा चोरी निकासीमा संलग्न ५ गाडी नियन्त्रण
जेठ ६, २०८१एमाले मुस्ताङको अध्यक्षमा दीपक लालचन
जेठ ६, २०८१काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जेठ ६, २०८१एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१