गोकुल जोशीको जन्मजयन्तीमा रचना वाचन

आदर्श समाज सम्वाददाता
जेठ ७, २०८१
Gakul News Photo

पोखरा । जनकवि गोकुल जोशीको ९५ औं जन्मजयन्ती कवि तथा साहित्यकारले रचना वाचन गरी मनाएका छन् । तनहुँ सम्पर्क समाज पोखरा आयोजना तथा मातृभूमि बचत तथा ऋण सहकारी संस्था लि.को सहयोगमा शनिबार पोखरामा रचना वाचन गरिएको हो ।

जनकवि जोशीको साहित्यिक योगदान, जीवनी र उनले साहित्य मार्फत समाजमा गरेको योगदानको विषयक परिचर्चा एवं रचना वाचन गरिएको हो ।
पोखरा प्रज्ञा प्रतिष्ठानका कुलपति पद्मराज ढकालले गोकुल जोशी साहित्यका माध्यमबाट जनताका आवाज बुलन्द पार्ने जनकविको रुपमा परिचित रहेको बताए । उनी धर्मराज थापा र अलि मियाँका समकक्षी साहित्यकार भएर पनि राज्यबाट उपेक्षित हुँदा छायामा परेको बताए । ढकालले जनकवि गोकुल जोशीका रचनालाई गीत र संगीतको माध्यमबाट प्रस्तुत गरेका थिए ।

कार्यक्रमका संयोजक समाजका निवर्तमान अध्यक्ष तथा साहित्यकार अम्बिकाप्रसाद भट्टराईले गोकुल जोशी खरानीभित्र लुकेर बसेको आगोको फिलि·ो भएको बताए । चेतनाको गीत गाउँदै गाउँवेशी गर्ने कवि गोकुल जोशी आफ्नो जन्मघर छोडेर देश तथा विदेशका विभिन्न भूभागमा परिभ्रमण गर्दै सामाजिक विभेदको विरुद्धमा आवाज बुलन्द पार्ने वास्तविक जनगायकको रुपमा परिचित रहेको बताए ।

जनकवि गोकुलका विषयमा गण्डकी साहित्य संगमका अध्यक्ष भीम रानाभाट, सदस्य शोभाकान्त गौडेल, सम्पर्क समाजका पूर्व अध्यक्ष भीमबहादुर गुरुङ, चन्द्रविक्रम अधिकारी विभिन्न साहित्यकार तथा कविले कविता वाचन गरेका थिए ।

समाजका उपाध्यक्ष जसबहादुर गुरुङको अध्यक्षतामा भएको कार्यक्रमको स्वागत महासचिव यामबहादुर सुर्खाली र सञ्चालन निवर्तमान अध्यक्ष अम्बिकाप्रसाद भट्टराईले गरेका थिए ।

Related News

सम्बन्धित समाचार

  • पूर्व बैंकर सञ्जीवको ‘छोटु’ सार्वजनिक

    आदर्श समाज सम्वाददाता असार ३, २०८१
    चितवन । कृषि विकास बैंकका सञ्चालक समिति सदस्य सञ्जीव पौडेलको संस्मरणात्मक कृति ‘छोटु’ सार्वजनिक भएको छ । निर्वाचन आयोगका प्रमुख…
  • एसइई डान्स च्याम्पियनसिप उपाधि सृष्टिलाई

    आदर्श समाज सम्वाददाता जेठ २६, २०८१
    पोखरा । गण्डकी प्रदेशस्तरीय एसइई डान्स च्याम्पियनसिप उपाधि सृष्टि गुरुङले जितेकी छन् । यस्तै, प्रतिष्ठा कार्की दोस्रो र नीलकसना श्रेष्ठ…
  • सुमिनाको ‘बागी स्त्रीको आत्मकथा’ बारे परिचर्चा

    आदर्श समाज सम्वाददाता जेठ २६, २०८१
    पोखरा । र्‍यान्डम रिडर्स सोसाइटीले शनिबार सुमिनाको कविता सङ्ग्रह ‘बागी स्त्रीको आत्मकथा’ बारे परिचर्चा गरेको छ । पत्रकार रीना थापा…
  • पुतलीबजारमा साहित्यिक गोष्ठी

    आदर्श समाज सम्वाददाता जेठ २२, २०८१
    स्याङ्जा । पुतलीबजार प्रज्ञा प्रतिष्ठान स्याङ्जाले साहित्यिक गोष्ठी सम्पन्न गरेको छ । सो अवसरमा गण्डकी प्रदेशस्तरीय कविता प्रतियोगितासहित स्रष्टा सम्मान…
  • मौलिकता बिर्सेर बनाइयो नमूना गन्धर्वघर   

    आदर्श समाज सम्वाददाता जेठ १८, २०८१
    गण्डकी ।  कुनै समय घुमाउने (गोलो घर) नै लोपोन्मुख गन्धर्व जातिको परम्परागत बासथलो थियो । ढुङ्गा, माटो र काठले ती…

hero news full width