तनहुँ । चाडवाड नजिकिएपनि खसीबोका विक्री नभएपछि तनहुँका किसान चिन्तित बनेका छन् । गाउँगाउँबाट सदरमुकाम दमौली ल्याईएका खसीबोका विक्रि नभएको हो । कोरोना भाइरस संक्रमणले दमौली सुनसान छ । विगतमा दशैं आउनुभन्दा अघि नै खसीबोका खरिदबिक्रीका लागि भीड लाग्ने दमौली बजार यो वर्ष भने सुनसान देखिएको ऋषिङ गाउँपालिका–४ भिरकोटका किसान निमबहादुर सुनारले बताए । गत वर्षको दशैंँमा खसीबोका बेचेर राम्रो आम्दानी गरेका सुनारले यसपाली बिक्री नभएको बताए ।
‘यो समय सबैभन्दा धेरै खसीबोका बिक्री हुने बेला हो,’ उनले भने, ‘बिक्री नहुँदा पालेका पशु कता लैजाने ?’ विगतका वर्षमा खसीबोका किन्ने मान्छे गाउँमै पुग्ने गरेपनि यो वर्ष बिक्री नभएर शहर झरेको व्यवसायी कृष्णबहादुर रानाभाटले बताए । ‘सहरमै झारेपनि विक्रि भएका छैनन्,’ उनले भने । ब्यास नगरपालिकाको कार्यालयले खसीबोका बिक्री गर्न पुरानो प्रशासन कार्यालय अघि ठाउँ दिएको छ । दैनिक एक दर्जन बढी किसान तथा व्यवसायीले खसीबोका बिक्रीका लागि ल्याउने गरेका छन् । गत वर्ष तनहुँमा सात लाखको बिक्री गरेपनि यो वर्ष ५० प्रतिशत कम हुने अनुमान छ ।
अहिले होटल रेष्टुरेण्ट खुलेका छैनन् भने भोजभतेरका कार्यक्रममा बन्देज लगाईएको छ । होमस्टेमा पनि पाहुना नजाँदा मासुको खपत न्युन छ । आम्दानी कम भएकाले दिनदिनै र हप्तैपिच्छे मासु खाने पनि खर्च कटाउन थालेकाले मासु किनबेच घटेको ब्यवसायीहरु बताउँछन् ।
किसानलाई खसीबोका बिक्री नभएर समस्या परेपनि दमौली बजारमा मासुको व्यवसाय गर्नेलाई भने फाइदा भएको छ । गाउँकै मूल्यमा बजारमा खसीबोका खरिद गर्न पाउँदा सजिलो भएको दमौलीका मासु व्यवसायीले बताए । सस्तो मूल्यमा सदरमुकाममै खसीबोका पाउन थालेको केसी मासु पसलका सञ्चालक कृष्ण केसीले बताए । भन्छन्, ‘खसीबोका खोज्न गाउँ–गाउँ डुल्नुपथ्र्यो । अहिले किसानले पसलमै गाउँको मूल्यमा ल्याइदिएपछि व्यवसाय गर्न सजिलो भएको छ ।’
Related News
सम्बन्धित समाचार
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
गण्डकी मेडिकल कलेजमा वित्तीय साक्षरता
hero news full width
मुख्य समाचार
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१