पोखरा, १५ असोज । माओत्से गुरुङको निर्देशनमा निर्माण हुन लागेको ‘छुट्नलाई पो रैछ क्यारे’ म्यूजिक भिडियोको छायांकन पोखरामा हुँदैछ ।
लामो समयको लकडाउनपछि आफ्नो कर्म पुनः चलायमान गर्न पाउँदा खुसी लागेको भन्दै निर्देशक गुरुङले भिडियोलाई उत्कृष्ट बनाउन निकै मेहनत गरेको बताए ।
थानेश्वर गौतम र शान्तिश्री परियारको स्वरको सो गीतले प्रेममा शारीरिक तथा भौतिक रुपमा एक हुन नसकेपनि माया गर्न छोडिँदैन भन्ने खालको भाव बोकेको छ । गीतको भाव मन छुने भएकाले पनि आफू निर्देशनका लागि तयार भएको गुरुङले बताए ।
उक्त भिडियोको छायांकन पोखराको केही रमणीय स्थल र गन्धर्व नाटकघरमा गरिएको छ । यतिमात्र नभई नाटक घरका कलाकारलाई समेत म्यूजिक भिडियोमा समावेश गरिएको छ ।
सिनेमा, म्यूजिक भिडियोको लागि काठमाडाैमा मात्र सिमित हुनुपर्छ जस्तो नलाग्ने उनी बताउँछन् । ‘मैले काठमाडाै पहिल्यै त्यागेको हो, म पोखरामा नै बसेर रंगकर्म र चलचित्र क्षेत्रमा लागिरहेको छु । त्यो हिसाबले पनि हामीले पोखराबाट पनि गुणस्तरिय म्यूजिक भिडियो निर्माण गर्न सकिन्छ,’ उनले भने ।
‘वास्तवमा भन्नुपर्दा म फरक–फरक काम गर्न मन पराउँछु । त्यसमा पनि मलाई माओत्से दाईको अभिनय र कलाकारिता निकै मनपर्छ । उहाँसंग मेरो पहिलै देखिनै काम इच्छा थियो त्यो पुरा भएको छ,’ गायक थानेश्वर गौतमले बताए ।
करिब ६ लाख लगानीमा निर्माण हुन लागेको उक्त म्युजिक भिडियो अबको १० दिन भित्र सार्वजनिक गर्ने तयारी सहित काम भइरहेको गौतमले जानकारी दिए ।
गौतमले हालसम्म झण्डै ४ सयभन्दा बढी गीतहरुमा आफ्नो स्वर दिइसकेका छन् । जसमा प्रायः पुष्प खड्का नै हुने गरेको उनले बताए । ‘मेरो गीतहरुमा पुष्प खड्का धेरै रिपिट हुनु भएको छ, पुष्पसँग एक किसिमको ट्यूनिङ पनि मेल्छ । मेरो आवाजसँग उहाँको केहि न केहि कनेक्सन छ जस्तो लाग्छ,’ उनले भने ।
‘मैले झण्डै ५ सय भन्दा बढी म्युजिक भिडियोमा काम गरिसकेको छु । तर यो म्युजिक भिडियोमा म फरक क्यारेक्टरमा देखिएको छु । मैले खेलेको धेरै भिडियोहरुमा मेरो अधा चाहिन्छ, स्मार्ट देखिनुपर्छ, गुड लुकिङ देखिनुपर्छ तर यो म्युजिक भिडियोमा यस्तै कुनै पनि नोक–झोक छैन,’ अभिनेता पुष्प खड्काले भने । ‘उक्त म्युजिक भिडियोमा म एउटा गन्धर्वको छोरो हुँ। जसमा उसको प्रेमी कसैसँग गएसकेपछिको पीडा अभिनयमा उतारेको छु,’ उनले भने ।
यस्तै उक्त भिडियोबाट डेब्यू गरेकी मोडल जानु पोखरेलले पुष्प खड्कासँग अभिनय गर्ने अवसर पाउँदा निकै खुसी भएको बताएकी छिन् ।
भिडियोमा प्रकाश घिमिरे, पुष्प खड्का, जानु पोखरेल, नवराज गिरी, आशीष अधिकारी, आकृति पण्डित, सृष्टि केसी, उज्ज्वल ढकाल, राजन केसी, आभा पोखरेल, सशांक श्रेष्ठ लगायत कलाकारहरुको अभिनय हेर्न सकिन्छ । सिनेमेट्रोग्राफरमा खिमबहादुर गुरुङ, मेकअप आर्टिस आशीष गुरुङ र प्रोडक्सन म्यानेजरको जिम्मा डिबी गुरुङलाई दिइएको निर्देशक गुरुङले बताए ।
Related News
सम्बन्धित समाचार
स्मृतिहरु नै बेचिन थालेपछि…
‘मनसरा’ बाट आशावादी मिरुना
पाइन खबर साँझमा हरिदेवीका गीत
अभिनेता एकै किसिमको भूमिकामा सीमित हुनु हुँदैन : अभिनेता आचार्य
पृथक निर्देशन र छायांकनको ‘रंगेली’
hero news full width
मुख्य समाचार
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१