दमौली । रामलाल श्रेष्ठले यसरी एकमाथि अर्को बज्रपात होला भन्ने जीवनमा सोचेकै थिएनन् । तर विधिको विडम्बना, भैदियो त्यस्तै । गत बुधबार व्यास–४ को श्रेष्ठ परिवारमा दुःखको सन्देश बोकेर आयो । र, निभ्यो आशाको दीयो ।
वर्ल्ड लिंकको नेटलाइन जडान गर्ने क्रममा व्यास–४ का ३० वर्षीय सुवास श्रेष्ठको मृत्यु भएको हो । व्यास–१, भादगाउँका पिताम्बरको घरमा नेटलाइन जोड्ने क्रममा करेन्ट लागेर उनको मृत्यु भएको थियो ।
१८ महिनादेखि दुवै मृगौलामा समस्या आएर बुबा रामलाल थलिएपछि यसै पनि श्रेष्ठ परिवार पीडामै थियो । तैपनि परिवारका सदस्यले हिम्मत हारेका थिएनन् । श्रेष्ठ परिवार ऋणधन गरेरै रामलालको उपचारमा जुटिरह्यो । अपेक्षाकृत स्वास्थ्यमा सुधार नहुँदा श्रेष्ठ परिवार निराश थियो ।
यता, जागिर गरेर बिहान–बेलुका रोजीरोटी व्यवस्था गर्दै आएका छोरा गुमाउन पुगेपछि परिवार पाल्ने आशाको दीयो निभेको आमा यशोधा श्रेष्ठले बिलौना छ । ‘कमाई गरी पाल्ने त्यही छोरो थियो, आँसु पुछ्दै उनले भनिन्, ‘अब घरपरिवार कसरी चलाउने ?’
घरको मुली नै बिरामी भएपछि श्रेष्ठ परिवारको सम्पूर्ण दायित्व सुवासको काँधमा आइपरेको थियो । बुबाको उपचारदेखि परिवारका अन्य सदस्यको पालनपोषणको लागि सुवासले दिनरात नभनी खटेर काम गर्दै आएका थिए । केही समयदेखि वर्ल्ड लिंकमा जागिर खान थालेका श्रेष्ठ मिलनसार, कर्मठ र इमान्दार कर्मचारीको रुपमा चिनिन्थे । उनका २ भाइ छन् । १ भाइ अपाङ्गता भएका छन् भने अर्का सानै उमेरका छन् ।
आर्थिक अवस्था नाजुक रहेको उनको परिवार उनकै तलब भरमा चल्दै आएको थियो । सुवासको निधनसँगै मृगौलापीडित बाबु र परिवारका अन्य सदस्यको भविष्य अन्यौल बनेको छ, यतिबेला । एकमाथि अर्को पीडा थपिएको श्रेष्ठ परिवारलाई चौतर्फीबाट सहयोगको आवश्यक रहेको स्थानीय बताउँछन् ।
यसैबीच, सुवासको परिवारलाई वर्ल्ड लिंकले रोजगारी दिने प्रतिबद्धता व्यक्त गरेको छ । मृतककी पत्नीले जागिर खान चाहेमा वल्र्ड लिंकले प्राथमिकता दिने दमौली शाखाका म्यानेजर मनोज श्रेष्ठले बताए । उनले भने, ‘यदि मृतककी पत्नीले जागिर खान नचाहेमा घरपरिवारका कुनै १ सदस्यलाई सो अवसर दिइनेछ ।’
यस्तै, काम गर्ने सिलसिलामा ज्यान गुमाएका सुवासको परिवारलाई वर्ल्ड लिङ्कतर्फबाट क्षतिपूर्ति र बिमावापत साढे १७ लाख रुपैयाँ दिने सहमति भएको व्यास–४ का वडा अध्यक्ष विश्व न्यौपानेले जानकारी दिए । सो विषयमा पीडित परिवार र कम्पनीलाई राखेर सहमति गराइएको उनले बताए ।
Related News
सम्बन्धित समाचार
फेवाको मापदण्ड घटाउन सर्वोच्चमा रिट
गण्डकीमा थुप्रिए रुग्ण र समस्याग्रस्त योजना
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
लोकतान्त्रिक आन्दोलनका जिउँदा सहिद खगेन्द्र सर
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
hero news full width
मुख्य समाचार
एचआइभी संक्रमणले पढाइबाट वञ्चित
उषा र प्रकाश पोखरा साइकल दौड च्याम्पियन
जेठ ५, २०८१पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१