पोखरा । कोरोना भाइरस (कोभिड–१०) महामारीका कारण यतिखेर सिंगो विश्वजगत नै लकडाउनमा छ । नेपाल पनि त्यसबाट अछुतो रहेन । सरकारले गत ११ चैतदेखि शुरु गरेको लकडाउन ५२ औं दिन पुगिसकेको छ । लकडाउन आफैमा असहज अवस्था हो । मजदुर तथा गरीब वर्गले खानै नपाएर कठिन अवस्था भोगेका छन् । साथै देशमा उत्पादन र आयमूलक कामहरु ठप्प छन् । जसका कारण न्यून आय भएका यहाँका विपन्न व्यक्ति, श्रमजीवी र मजदुर वर्ग सिधैँ प्रभावित बनेका छन् ।
लकडाउनले उनीहरुको जीवन गुजारामा कठिन अवस्था आएको छ । दिनभरी काम गरेर बिहानबेलुकी परिवारको छाकको गर्जो टार्दै आएका गरीब विपन्न र श्रमजीवी वर्ग यतिबेला कठिन स्थितिमा छन् ।
सो अवस्था मध्यनजर गरी पोखरा–३, नदीपुरस्थित नदीपुर युनाइटेड क्लब यतिखेर प्याकिङ तयारी निःशुल्क खाना लिएर गरीब र श्रमजीवी वर्गहरुको बस्ती–बस्तीमा पुगेको छ ।
सामाजिक दायित्वअन्तर्गत मानवीय सेवालाई क्लबले वैशाख १० देखि स्वतः स्फूर्त रुपमा शुरु गरेको हो । शुरुवातमा २ सय जनालाई खाना खुवाएर मानवीय सेवा शुरु गरेको क्लबले हाल दैनिक २ हजार जनालाई निःशुल्क खाना वितरण गर्दै आएको छ । हालसम्म करिब ३० हजार जनालाई निःशुल्क खाना खुवाएको क्लबले दाबी गरेको छ ।
खानाका लागि क्लब, क्लबका पदाधिकारी तथा सदस्यले आफ्नो श्रम र समय लगाएका छन् । स्थानीय साहू, व्यापारी र व्यवसायीहरुले खाद्यान्न सामग्री र जिन्सी नगद सहयोग गरेका छन् । मानवीय सेवाका लागि स्थानीय आमा समूह, सामाजिक संघसंस्थाका व्यक्तिहरु र दिदीबहिनीहरुले स्वयंसेवी भूमिका निर्वाह गरेका छन् ।
क्लबले भात, दाल, तरकारी र अचारसहितको खाना पकाएर विपन्न व्यक्तिहरुलाई वितरण गर्दै आएको हो । पोषणलाई ध्यानमा राखेर कहिलेकाहीँ त क्लबले पुलाउ, मासु, अण्डाकरी समेत पकाएर दैनिक २ हजार जनालाई खाना खुवाउँदै आएको छ ।
नदीपुर कोपिलढ्ङ्गास्थित सेतो गुराँस बालबिकास केन्द्रको भवनमा खाना पकाउनेदेखि प्याकिङ व्यवस्थापन गरिँदैआएको छ ।
सो खाना वितरणमा वडा कार्यालय, गण्डकी हस्पिटल, अमरसिंहचोक, चाउथे, विजयपुरखोला, पार्दी, बिरौटा, रामकृष्ण टोल, तेर्सापट्टी, नालामुख, बागलुङ बसपार्क, अँधेरीकुना, सराङ्कोट, हरिचोक, लामाचौर, बाटुलेचौर, जोगीमुढी र बगरलाई हालसम्म मुख्य केन्द्र बनाइयो । यद्यपि जेठ १ देखि भने लकडाउन कडा भएकोले वडाभित्रमात्र सीमित गरिएको छ । खाना समस्या भएकाले क्लबमा फोन गरे सो ठाउँमै पनि पुर्याइएको थियो । खाना वितरणमा दैनिक ५ वटा मोटर, भ्यान प्रयोगमा ल्याइ रुट तय थिए ।
क्लबले हालसम्म करिब ३० हजार जना व्यक्तिहरुलाई प्याकिङ खाना निःशुल्क वितरण गरिसकेको क्लब अध्यक्ष नवीन आलेमगरले बताए । दैनिक २ हजारको घरघरमै पुगेर नियमित रुपमा खाना वितरण गर्दै आएकोे उनले बताए । खाना पकाउनेदेखि वितरणमा क्लब आबद्ध पदाधिकारी तथा सदस्य, राजनीतिक दल र तिनका भातृसंस्थाका स्थानीय कार्यकर्ता, सामाजिक संघसंस्था, आमा समूह, व्यवसायीहरु सबैको साथ मिलेको आलेले उल्लेख गरे ।
सो कार्य व्यवस्थापनका लागि महेन्द्र ‘भाञ्जा’ पुनलाई संयोजक तोकिएको छ । तरुण दल पोखरा महानगरका अध्यक्ष समेत रहेका पुनले पोखरा महानगरको यस वडाको एउटा सामान्य युवा क्लबले उदाहरणीय मानवीय सेवा गरेकोमा आफूहरुले समेत सहयोग गर्न पाउँदा गर्व गरेको सुनाए ।
वडाध्यक्ष रवीन्द्रबहादुर प्रजूले मानवीय सेवामा जुटेको क्लबको उच्च मूल्यांकन गर्दै क्लब, क्लबका पदाधिकारी तथा सदस्य र क्लबलाई सहयोग पुर्याउनेप्रति धन्यवाद व्यक्त गरे ।
क्लब संस्थापक सचिव विकास पुनले अफ्ठ्यारो परेकाहरुलाई निःशुल्क खाना खुवाउन पाउँदा सन्तुष्टि मिलेको बताए । पोखरा–३ वडा कार्यलयका कर्मचारी एवं स्थानीयवासी समेत रहेका पुनले निःशुल्क तयारी खानाका लागि दैनिक २०÷२५ हजार रुपैयाँसम्म खर्च भएको उल्लेख गरे । यो कार्य लकडाउन अवधिभर हुने जनाइएको छ ।
खाना व्यवस्थापनमा नेपाली काँग्रेसनेतृ शारदा पौडेल समेत खाना प्याकिङ गर्ने कार्यमा सक्रिय देखिन्थिन् । पौडेलले क्लबले गरेको निःशुल्क खाना वितरणको कार्यलाई असल कार्यको संज्ञा दिइन् ।
Related News
सम्बन्धित समाचार
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
पोखराको अमरसिंहको बिजुली पसलमा आगलागी, १ करोडको क्षति
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१