१. नेपाली साहित्यका लेखक तथा अन्वेषक कृष्णप्रसाद पराजुलीको ७८ वर्षको उमेरमा निधन भयो। उनी लामो समयदेखि मधुमेह र मृगौलासम्बन्धी रोगबाट पीडित थिए। उनी निमोनिया र स्वास प्रस्वाससम्बन्धी रोगबाट च्याँपेपछि त्रिवि शिक्षण अस्पताल भर्ना गरिएको थियो। उनको त्यहाँ उपचार गर्दार्गर्दै बिहीबार निधन भयो।

२. दिवंगत पराजुली अत्यन्त अध्ययनशील थिए। उनले नेपाली साहित्यको कुन विधामा कलम चलाउने भनी खूब सोच्दथे। उनले बाल साहित्यको अभाव देखेपछि २०२२ सालमा रमाइलो नानी बालकविता लेखे। उनले कथा, कविता, गीत गरी करिब चार दर्जन जति कृति प्रकाशित छन्।

३. उनको राम्रो रचना मीठो नेपाली बाल साहित्य अत्याधिक लोकप्रिय रह्यो। उनको कृति तीसौ संस्करणसम्म प्रकाशित भएर एउटा रेर्कर्ड राखेका थियो। उनको लोक गीतका आलोक, हिमाली डाँफे, शिखर यात्रा पनि उत्तिकै चर्चित कृतिहरू हुन्। उनले ती कृति लेख्नको लागि आफ्नो ज्ञानको भण्डार फराकिलो बनाउन पूर्व, पश्चिम पहाड र तराईको क्षेत्र चाहारेका थिए।

४. उनका कृतिहरू यत्ति महत्त्वका छन् कि ती कृतिहरू त्रिभुवन विश्वविद्यालय, पश्चिम बंगाल र बनारस हिन्दू विश्वविद्यालयलगायत धेरै शिक्षण संस्थाले आफ्नो पाठ्यक्रममा समावेश गरेका छन्। उनका कृतिहरू साना नानीदेखि बयोवृद्धहरूले पनि अत्याधिक रुचिका साथ पढ्ने गर्दथे।

५. उनी साहित्यकार मात्र होइनन्, उनी गुरु पनि हुन्।उनले त्रिभुव विश्वविद्यालयमा पनि पढाए। उनी पढाउनमा पनि उत्तिकै सिपालु थिए। उनमा विद्यार्थीहरूलाई बुझाउने सक्ने अद्भूत खुबी थियो। उनका त्यही असाधारण क्षमताको पहिचान गरी विश्वविद्यालयका नीति निर्माताहरूले उनलाई प्राध्यापन गर्न निम्त्याएका थिए।

६. उनी राम्रो गीतकार पनि थिए। उनका गीत प्रसिद्ध गीतकार उदितनारायण झाले पनि गाएका छन्। उनी चौतर्फी प्रतिभाका धनी थिए। त्यसैबेला उनले हिमाली डाँफे कृतिबाट उत्कृष्ट बाल साहित्य पुरस्कार पाएका थिए भने सुनौला तीन कुरा एशियाली उत्कृष्ट बाल कथामा छानिएको थियो।

७.उनको योगदानको कदर गरेर उनलाई छिन्नलता गीत पुरस्कार, साझा पुरस्कार, जगदम्बा पुरस्कार लगायतका पुरस्कार प्रदान गरिएको थियो। नेपाली भाषा र साहित्यको उन्नयनमा उनले आफ्नो सम्पूर्ण जीवन अर्पण गरे। खास गरेर बाल साहित्यमा उनको योगदान अविस्मरणीय छ। उनको निधनले यस क्षेत्रमा अपूरणीय क्षति भएको छ।