१. आज विश्वको सबभन्दा ठूलो प्रजातान्त्रिक देश भारतका नवनियुक्त प्रधानमन्त्री नरेन्द्र मोदीको शपथ ग्रहणको दिन। एउटा राष्ट्रको एकजना प्रधानमन्त्रीको शपथग्रहण हुनु सामान्य तथा त्यत्ति ठूलो कुरा होइन। तर भारतका प्रधानमन्त्री मोदीको शपथग्रहण समारोह जे जसरी आयोजना गरिँदैछ, त्यो उल्लेखनीय छ।
२. त्यो शपथ ग्रहण समारोहमा भारतले सार्क राष्ट्रका सरकार प्रमुखहरूलाई पनि निम्तो दिएर जे जसरी समारोहलाई मान्यता प्रदान गर्दैछ, त्यसले एउटा इतिहास कोरेको छ। भारतले सहयोगको हात बढाए अनुसार सार्क राष्ट्रका सरकारहरूले पनि आफ्ना सरकार प्रमुखहरूलाई समारोहमा पठाएर सहयोगीको भूमिका निभाएका छन्।
३. भारत सार्क क्षेत्रको सबभन्दा ठूलो देश हो। त्यसको प्रभाव सार्कमा महत्त्वपूर्ण छ। भारतका प्रधानमन्त्री मोदीको शपथग्रहण समारोहको यो भेलाले सार्क राष्ट्रहरूबीच समझदारी बढ्ने, भारत र अन्य दुर्इ देशबीच रहेको मनमुटाव हट्ने र जम्मामा सार्क क्षेत्रमा स्थायी शान्ति आउने अपेक्षा गरिएको छ।
४. छोटो समयको निमन्त्रणामा पनि सार्क राष्ट्रका सरकार प्रमुखहरूले भारतका प्रधानमन्त्री मोदीको शपथग्रहण समारोहलाई जे जसरी महत्त्व दिएर सद्भाव व्यक्त गरेका छन्, त्यो ठूलो कुरा हो। यो सद्भाव र सद्व्यवहारको वातावरण अब कसैले पनि बिथोल्नुहुँदैन। यसलाई पछिसम्म निरन्तरता दिनुपर्दछ।
५. नेपालबाट प्रधानमन्त्री सुशील कोइरालाले सहभागिता जनाउने भएका छन्। नेपालमा संविधान लेख्ने महत्त्वपूर्ण काम छोडेर विदेश जानु ठूलो कुरा हो। नेपालले त्यो शपथग्रहण समारोह र भारतको निमन्त्रणालाई के कति महत्त्वको सम्झेको छ भन्ने यो एक राम्रो प्रमाण हो।
६. भारतको नयाँ सरकारलाई सबैले महत्त्व दिएका छन् र सबैले सद्भाव र शुभकामना व्यक्त गरेका छन्। मोदी शासनको बेला दुर्इ देशको सम्बन्ध सुमधुर र शुद्ध हुने सबैले अनुमान गरेका छन्। नेपालले पनि नयाँ सरकारबाट धेरै आशा अपेक्षा गरेको छ। सबभन्दा ठूलो कुरा अब हस्तक्षेप बन्द हुने अपेक्षा गरिएको छ।
७. भारतको नयाँ सरकारले विश्वमा प्रजातन्त्र शुद्ध गर्ने कार्यमा, भारतसँग रहेको दुर्इ देशको समस्या समाधान गर्नमा र विकास र निर्माण कार्यमा सहयोगको हात बढाएर उल्लेखनीय कार्य गर्ने छ। नेपालजस्तो देशको लागि त्यसको भूमिका अरु सकारात्मक र सहयोगी किसिमको हुनेछ भनेर अपेक्षा गरिएको छ। त्यसो भएमा मोदी सरकार छिमेकी देशको लागि पनि ऐतिहासिक हुनेछ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१