१. नेपाली काँग्रेसमा एकपछि अको विवाद थपिदै छन्। संस्थापन देउवा पक्ष र पौडेल पक्षको जुहारी एक-एक गरी बाहिर आउन थालेका छन्। निर्वाचन पछि सबै विवाद टु·न्िछ भन्ने जुन आशा अपेक्षा गरिएको थियो, त्यो आशा अपेक्षा गरेजस्तो भएन। विवाद हिजो भन्दा आज चुलिदै गएको छ।

२. गिरिजाप्रसाद कोइरालाको पालामा पार्टीा दुर्इवटा गुट थियो भने यो निर्वाचनले तीनवटा गुट बनाएको छ। त्यसमध्ये देउवा र पोडेल गुटको विवाद बराबर बाहिर आउने गरेको छ। गुटबन्दीको कारण सभापति देउवाले कार्यसमितिलाई पूर्णता दिन पनि सकेका छैनन्। पदाधिकारी तोक्न पनि सकेका छैनन्।

३. निर्वाचित सभापति आफै निरीह जस्तै भएका छन्। सभापति देउवाले महत्वपूर्ण कुराहरुमा आफूसँग परामर्श नगरेको र कार्यसमितिमा राखी निर्णय नगराएकामा पौडेल पक्षले असन्तुष्ट जाहेर गरेको छ। एकातिरको स्थिति यस्तो छ भने अकोर्तिर सभापति देउवाले गरेका कतिपय काम कुराहरु सच्याउनु पर्ने भएका छन्।

४. सभापति देउवाले यसबीच गरेका कतिपय निर्णयहरु विवादास्पद भएका छन्। ती विवादास्पद निर्णयहरुले काँग्रेसी नेताहरुले शिर निहुराउन पर्ने अवस्था पनि आएको छ। आÇना समकक्षी नेताहरुको परामर्शमा त्यस्तो निर्णय या सिफारिश गरेको भए सायद यस्तो अवस्था आउने थिएन।

५. प्रजातन्त्रमा महत्वपूर्ण निर्णयमा छलफल गरिन्छ। निर्णयमा पुग्ने पनि विधिविधान हुन्छ। ती विधि विधान अनुसार गर्न गराउन केही समय लाग्छ। प्रोसेस लामो हुन्छ, तर त्यो राम्रो हुन्छ। प्रजातन्त्रको सुन्दर पक्ष भनेको सबैसँग सोध्ने र सबैसँग राय लिने, परि आए भोटि· गर्ने हो। तर सत्तामा पुगेकाहरु त्यो प्रोसेसको उल्लंघन गर्दछन् र विवाद आउने गर्दछ।

६. नेपाली काँग्रेस पहिलेदेखि नै प्रजातन्त्रमा आधारित पार्टीहो। प्रजातन्त्रमा आधारित पार्टीभएकोले यसका पदाधिकारीहरुले प्रजातान्त्रिक विधि विधान अनुसार काम कुरा गर्नुपर्दछ। जसले त्यो विधि विधान मिच्दछ, उसले विवाद निम्त्याउँछ र विवादमा फस्दछ। पार्टीा विगतका घटनाहरुले पनि यो कुरा प्रष्ट रुपले देखाएको छ।

७. काँग्रेसले विगतबाट पाठ सिक्नु पर्दछ। विवादलाई बढाउने होइन, समय मै समाधान गर्नुपर्दछ। यस्तोमा संस्थापन पक्ष उदार हुनु पर्दछ। लचिलो हुनुपर्दछ र अल्पमतको कदर गर्नुपर्दछ। त्यस्तो गर्नु प्रजातान्त्रिक संस्कार हो। संस्थापन पक्षले त्यो संस्कार अपनाउँदै गयो भने असन्तुष्टहरु आफै सेलाएर जान्छन्। विवाद हराउँदै जान्छन्।