१.देशको आर्थिक वृद्धिदर बढ्दै गएकोमा जताततै सन्तोष छाएको छ। विभिन्न स्रोतले आ-आफ्नै किसिमले प्रगतिको मूल्याङ्कन गरेर आर्थिक वृद्धि दर नाप्ने गर्दछन्। त्यसरी नाप्नेहरुले सकारात्मक सन्देश दिएका छन्। केन्द्रीय गतिविधिका आधारमा यस वर्ष छ दशमलव ९४ प्रतिशतले आर्दिक वृद्धि हासिल हुने प्रक्षेपण गरेको छ।
२. चालु आर्थिक वर्षको बजेटमा सरकारले छ दशमलव पाँच प्रतिशत वृद्धिको लक्ष्य निर्धारण गरेको थियो। त्यसबेला त्यो लक्ष्य अत्यधिक राखिएको भनेर आलोचना पनि भएको थियो। नौ महिनाको देशको आर्थिक गतिविधिले त्यो लक्ष्यलाई पार गरेर अघि बढ्ने सम्बन्धित सबैको अनुमान छ।
३. नेपालको आर्थिक अवस्थालाई प्रभाव पार्ने मुख्य त हाम्रो कृषि क्षेत्र हो। कृषिमा पनि धानबालीको योगदान सबभन्दा धेरै हुन्छ। यसपटक समयमा पानी परेकोले कृषि बाली राम्रो भयो। महँगी नियन्त्रणमा रह्यो। देशका अन्य आर्थिक क्षेत्रले राम्रो परिणाम दियो, जसको परिणाम यो उत्साहजनक वातावरण बनेको हो।
४. यो उत्साहजनक वातावरण बन्नुमा अर्को महत्वपूर्ण पक्ष हो-देशको बन्द हड्ताल घटनामा कमी आउनु। राजनीतिक क्षेत्रका नेताहरुले यो बुझ्नु आवश्यक छ कि उनीहरुले बन्द हड्तालमात्र नगरे पनि स्थिति सुध्रने रहेछ। यसलाई मूलमन्त्र सम्झेर आगामी दिनमा बन्द हड्तालको आहृवानमा रोक लगाइदिए भने देशको लागि त्यो ठूलो कुरा हुनेछ।
५. लोडसेडिङमा आएको सुधार पनि आर्थिक वृद्धिको अर्को पक्ष हो। बिजुलीको नियमिताले उद्योगधन्दामा लागेकाहरुले आफ्नो उत्पादन बढाउन थालेका छन्। उत्पादन बढेअनुसार बजारको मूल्यवृद्धि नियन्त्रणमा आएको छ। एक दुर्इ वस्तुमा बाहेक अन्यमा मूल्य आकासियो भन्ने अवस्था यस वर्ष रहेन।
६. संविधान बनेपछि राजनीतिक गतिविधिमा सुधार आएको छ। राजनीतिक गतिविधिमा सुधार भएअनुसार लगानीकर्ताहरु लगानी गर्न अग्रसर भएका छन् भने सरकारले भूकम्पपीडित परिवारका लागि पुनःनिर्माणको लागि वितरण गरेको आर्थिक सहयोगले पनि यस क्षेत्रमा सकारात्मक टेवा पुर्याएको छ।
७. सरकारले एक दुर्इ क्षेत्रमा बाहेक अरुमा राम्रो काम गरेको छैन। यो आर्थिक वृद्धि भएको मुख्यतः मौसम अनुकूल भएकोले हो। अर्को बन्द हड्ताल नभएकोले हो। हाम्रो राजनीति सुधारोन्मुख छ। निर्वाचनद्वारा संविधान कार्यान्वयन गर्ने प्रयास भएको छ। यो एक राम्रो प्रयास हो। यो राम्रो प्रयासतिर राजनीतिक नेताहरु अग्रसर भएकोले हाम्रो भविष्य आजभन्दा भोलि अरु राम्रो हुने अपेक्षा गर्न सकिन्छ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१