भारत र पाकिस्तान बीच तनाव

Avatar सम्पादक
फागुन १६, २०७५

१. भारत र पाकिस्तान बीच फेरि तनाव बढेको छ । केही दिन पहिले कस्मीरको फुलवामा भन्ने स्थानमा भारतीय सुरक्षाकर्मीहरुलाई लक्षित गरी आत्मघाती आक्रमण भएपछि भारतले त्यसको बदला लिने धम्की दिएको थियो । भारतले बदला लिने क्रममा पाकिस्तानको बालकोट स्थित जैस ए मुहम्मदको शिविरमा मङ्गलवार सवेरै हवाई हमला गरेको छ ।

२. हवाई हमलामा जैस ए मुहम्मदको शिविरमा के कति क्षति भयो र के कति हताहत भए त्यो प्रष्ट छैन । तर बदलास्वरुप गरिएको त्यस हमला पश्चात भारतमा खुसी छाएको छ । भारत सरकारले आफना लडाकू जहाजहरुले आतङ्ककारीको शिविर ध्वस्त पारेको र आतङकारीहरुको मृत्यु भएको जनाएको छ ।

३. भारत र पाकिस्तान स्वतन्त्र हुँदादेखि नै ती दुई देशको सम्बन्ध अधिकांश समय तनावग्रस्त हुने गरेको सर्वविदितै छ । तिनीहरुका बीच पटक पटक युद्ध पनि भएका हुन् । त्यस्तै युद्धहरुको परिणामस्वरुप पाकिस्तान टुक्रिएर बङ्गलादेश राष्ट्र बन्यो । बङ्गलादेश बनेपछि पनि तिनीहरुका बीच युद्ध भएको थियो ।

४. कस्मीर उनिहरुको पुरानो विवादको विषय बनेको छ ।कस्मीरको केही भाग पाकिस्तानको अधीनमा छ भने अर्को भारतको अधीनमा रहेको छ । स्वतन्त्र कस्मीरको नारा पनि बेलामौकामा निस्कने गर्दछ । त्यहाँ अधिकांश मुसलमानहरु छन् । उग्रवादी मुसलमानहरुले त्यहाँका हिन्दुहरुलाई लखेट्ने काम पनि गर्दछन् ।

५. अफगानिस्तानमा भएको लामो युद्धका क्रममा अफगानिस्तान , पाकिस्तानको केही भाग र कस्मीरको केही भाग आतङ्ककारीहरुको शिविर नै भएको छ । सोही ठाउँबाट तिनीहरुले सीमा वार पार आतङ्ककारी र आत्मघाती हमला गर्ने गर्दछन् । भारत त्यस्तो हमलाको बारम्बार शिकार हुने गरेको छ । दुई साता पहिले मात्र भारतका चार दर्जनजति सैनिकहरु आत्मघाती हमलाको शिकार भएका थिए ।

६. भारत त्यसै बेलादेखि त्यसको बदला लिने साइत हेर्दै थियो । मङ्गलवार विहानै पाकिस्तानको बालकोटमा जुन हवाइ हमला भयो त्यो त्यसैको परिणाम थियो । त्यस घटनाले तिनीहरुका बीच अरु तनाव बढेको छ । भारतले पाकिस्तानको भूभाग भित्र गएर हवाइ आक्रमण गरेको छ । त्यो घटनाबाट के कस्तो प्रतिक्रिया उत्पन्न हुन्छ त्यो भने हेर्न बाँकी नै छ

७. भारत र पाकिस्तान दुबै हाम्रा नजिकका मित्रराष्ट्रहरु हुन् । तिनीहरु सार्कका सदस्य पनि हुन् । तिनीहरुको विग्रदो सम्बन्धले सार्कको सम्मेलनसमेत हुन सकेको छैन । यो घटनाले सार्कको संगठनमा गहिरो चोट पारेको छ । यो दुई छिमेकी बीचको तनाव हो । यसलाई कुनै पनि हालतमा बढाउनु वा लम्ब्याउनु हँुदैन । दुबै पक्षले धैर्यधारण गरेर संयम अपनाउनु पर्दछ । अनुकूलको वातावरण बनाएर वार्ताको टेबलमा बस्नु पर्दछ र वार्ताबाटै समस्याको समाधान गर्नुपर्दछ ।

Related News

सम्बन्धित समाचार

    • प्रधानमन्त्रीको आपत्तिजनक अभिव्यक्ति

      Avatar सम्पादक फागुन १०, २०७७
      राजनीतिक पार्टीका नेताहरुले एकआपसमा आलोचना गर्ने गरेको धेरै भयो । तिनीहरुले त्यसरी आलोचना गर्दागर्दै एकले अर्काेलाई व्यक्तिगत लाञ्छना पनि लगाए…
    • नागरिक आन्दोलनको घोषणापत्र

      Avatar सम्पादक फागुन ९, २०७७
      काठमाण्डौमा चलिरहेको बृहत् नागरिक आन्दोलनले प्रधानमन्त्री के.पी शर्मा ओलीमा सर्वसत्तावादी चिन्तन र व्यवहार हावी भएको ठहर गर्दै प्रजातान्त्रका दिन घोषणापत्र…
    • सम्भावनाका ढोका खोलेको दिन

      Avatar सम्पादक फागुन ७, २०७७
      आज प्रजातन्त्र दिवस । २००७ साल फागुन ७ अर्थात आजकै दिन नेपालमा एकतन्त्रीय राणा शासनको अन्त्य भएको दिन हो ।…
    • पर्यटकीय गन्तव्यको छनोट

      Avatar सम्पादक फागुन २, २०७७
      सरकारले पर्यटन प्रवद्र्धनका लागि नयाँ पर्यटकीय गन्तव्य पहिचान गरेर तिनीहरुको विकास र बिस्तार गरी पर्यटकलाई गाउँ–गाउँसम्म पुर्‍याउने लक्ष्य राखेको छ…
    • बलात्कार र सामाजिक चिन्ता

      Avatar सम्पादक माघ ३०, २०७७
      बैतडीकी किशोरी भागरथी भट्टलाई बलात्कारपछि हत्या गरिएको घटना चर्किरहेको बेला मोरङ जिल्लाको जहदा गाउँपालिका–१ की १४ वर्षीया किशोरीको बलात्कार गरिएको…

    hero news full width