उठेर बसेको सानो निधार । बांगिएको नाकको डाँडी । कालो र खस्रो छाला । साना चिमरिएका आँखा । घर छाडेर भाग्न लागेजस्ता दन्त लहर । ठूला ठूला ओठ अनि त्यसभित्रका काला काला दनेसा । अनुहारभरि झुस्स परेका रौंहरू । साना साना कान । गुन्द्रुकजस्तै कपाल । होचो कद । लम्बाई नमिलाई कुँदिएका हात र गोडाका औंलाहरू । ऐना हेर्छु पटक पटक मेरो के राम्रो छ भनेर । ऐनालाई घुमाइघुमाई हेर्छु तर ऐनामा नदेखिने बाहेक केही पनि राम्रो पाउँदिनँ । जे राम्रो छ, त्यो ऐनामा देखिँदैन ,जे देखिन्छ त्यो राम्रो छैन सायद ।
पाँच वर्ष भयो जीवनको नयाँ परिचयको सुरुआत भएको । जीवनका अनेक आकांक्षा र सपनाहरू दुविधामा छन् । एउटाको हातमा सुम्पिएको जीवन, जीवनभर हत्केलामा मात्रै रहने हो कि मन मुटुभित्र ? जवानीका चाहनाहरू गुमनाम हुन थालिसके । प्रतीक्षाको घडीका सुईहरू बटारेर गन्तव्यमा पु¥याइदिउँ कि जस्तो लागिसक्यो । भगवानको अगाडि बसेर प्रार्थना गर्ने यी दुई हातहरूले आफ्नै काखमा भगवानको प्रतिबिम्ब चाहिसके । यो अहंकारी मनले मातृवात्सल्यको पुकारा गरिसक्यो । शरीरका प्रत्येक अवयवलाई मातृत्वको भोक जागिसक्यो ।
श्रीमान्को आगमन श्रीमतीका लागि अति नै स्वागतयोग्य । तरंगित मनहरू, छताछुल्ल आशाहरू ..,कौतुहल भरोसाहरू ..,ठेगान लाउँछन् कि अब ..। बन्द कोठामा दुइटा ..। चाहनाको थुप्रो एकातिर ,बासना आउने हिमालयन तेल अर्कोतिर । शिरदेखि पाउसम्मको हलुका मालिस.. । जाँगर चलाउने मीठा मीठा किस्साहरू ..। ओछ्यानको छेवैमा टेबलमा मनतातो पानी ..। सफा, मगमग वासना आउने सरफमा धोइएका कपडाहरू ..। सबैभन्दा बढी चञ्चल र आतुर मन । शरीरका प्रत्येक अवयवहरूको भोक । डिम लाइटको उज्ज्यालोमा टल्किएका आँखाका भाकामा उत्साहहरू । भित्तामा टासिएका प्रेमिल तस्बिहरू । झ्यालका चरहरूबाट छिरेको बतासको स्पर्श । रोमाञ्चकारी परिवेश ..एउटा युगल जोडीका लागि ..।
तर अफसोच ..म जे देखिन्थेँ, त्यो थिइनँ ,जे थिएँ त्यो देखिएको थिएन । मेरो निश्चल मन, समर्पित प्रेम अनि कोमल हृदयको चञ्चलता किन देखाउँदैन ऐना । किन देखाउँछ नमिलेको चेहरामात्र । मेरो सोचाइ, मेरो मन, मेरो भावना सबै कुरालाई बाहिरी आवरणसँग तुलना गरियो सायद । मेरा लागि परिवेश तयार भएर पनि तयार हुन सकेन पात्र । मनमा कस्सिएका गाँठा फुकाउन खोज्दा खोज्दै झनै कसिएछन् । आँखाका उत्साह सेलाउँदै गए । पश्चातापले झापड हानेर गयो । त्यो चिसो बतासले गिज्याएर भाग्यो । विचलित भएँ, म भित्रभित्रै त्यो अचल शरीर र कठोर मनका कारण । के अब धैर्यताको सीमांकनलाई बिस्तार गर्ने साहस मभित्र रहला ? म परिपक्व बनेंँ, व्यावहारिक बनेँ, सामाजिक बनेँ तर बन्न सकिनँ आमा । मेरो मातृत्वको हरण हुनुमा के मेरो कुरुपता दोषी हो ?
Related News
सम्बन्धित समाचार
कास्की कांग्रेसको शिखर पुरूषको अवसान
जून ओर्लेको रात र त्यसको आलोक
नयाँ बिहानी: आदर्श समाजको २९ औं वर्ष
गण्डकी प्रदेश प्रशिक्षण प्रतिष्ठानका ४ वर्ष र आगामी कार्यदिशा
राणा कालमै हलो जोत्ने क्रान्तिकारी पं. मुक्तिनाथ
hero news full width
मुख्य समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१