पोखरा । १३ औं दक्षिण एसियाली खेलकुद (साग) मा पदक विजेता नेपाली खेलाडीलाई सरकारले घोषणा गरेको पुरस्कार रकम प्रदान गर्न शुरु गरेको छ ।
युवा तथा खेलकुद मन्त्रालयले मंगलबारदेखि खेलाडीको बैंक खातामा पुरस्कार रकम पठाउन थालेको हो । गत मंसिरको १५ देखि २४ गतेसम्म काठमाडौं, पोखरा र जनकपुरमा साग खेलकुदको आयोजना गरिएको थियो ।
साग सकिएको भोलिपल्टै प्रधानमन्त्री केपी शर्मा ओलीले पदक विजेता खेलाडीहरुलाई बालुवाटारमा बोलाएर पुरस्कार रकमको घोषणा गरेका थिए । पदक विजेता खेलाडीले ५ महिनापछि पुरस्कार पाउन थालेका हुन् ।
युवा तथा खेलकुद मन्त्रालयले पहिलो दिन १ सय ७९ जना खेलाडीको बैंक खातामा पैसा पठाएको छ । मन्त्रालयले सिस्टम ह्याक भएको कारण सबै खेलाडीको रकम पठाउन नसकिएको भन्दै बुधबार सबै खेलाडी र प्रशिक्षकको पुरस्कार रकम ब्यक्तिगत खातामा गइसक्ने पनि जनाएको छ । मन्त्रालयले खेलाडी र प्रशिक्षक गरी ६ सय २८ जनाको खाता पुरस्कार रकम पठाउनेछ ।
सरकारले १३ औं सागको व्यक्तिगत स्पर्धामा स्वर्ण पदक विजेतालाई ९ लाख, रजत विजेतालाई ६ लाख र कांस्य विजेतालाई ३ लाख रुपैयाँ तथा एक भन्दा बढी स्वर्ण जित्नेलाई ११ लाख रुपैयाँका दरले पुरस्कारको घोषणा गरेको थियो ।
यसैगरी, सरकारले टिम स्पर्धामा स्वर्ण पदक विजेतालाई ६ लाख, रजत विजेतालाई ४ लाख र कांस्य विजेतालाई २ लाख रुपैयाँ प्रदान गर्ने घोषणा गरेको छ ।
सरकारले स्वर्ण जिताउने मुख्य प्रशिक्षकलाई जनही ५ लाख, रजतलाई ३ लाख र कांस्यलाई २ लाख, सहायक प्रशिक्षकलाई स्वर्णको ३, रजतको २ र कांस्यको १ लाख रुपैयाँ प्रदान गरेको छ । सरकारले टिम गेम र प्रशिक्षकलाई पछि कार्यविधि बनाएर पुरस्कार प्रदान गरेको हो ।
घरेलु भूमिमा तेस्रो पटक आयोजित सागमा नेपाल पदक तालिकाका भारतपछि दोस्रो भएको थियो । सागमा नेपालले ५१ स्वर्ण, ६० रजत र ९५ कांस्य गरी कूल २ सय ६ पदक जितेको थियो । गौरिका सिंहले पौडीमा सर्वाधिक ४ स्वर्ण, २ रजत र ३ कांस्य जित्दै इतिहास रचेकी थिइन् ।
Related News
सम्बन्धित समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
पोखराको अमरसिंहको बिजुली पसलमा आगलागी, १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
hero news full width
मुख्य समाचार
नारायणगढ–बुटवल सडक ३३ किमी कालोपत्रे
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१