कोरोना [कोभिड-१९] ताजा अपडेट
यहाँ क्लिक गर्नुहोस्

प्रहरी कारवाही प्रभावकारी बनेसँगै लकडाउन उलंघन गर्नेको संख्या घट्यो

Avatar आदर्श समाज सम्वाददाता
चैत्र २६, २०७६

बागलुङ, २६ चैत । सरकारले कोरोना भाइरस कोभिड– १९ लाई लक्षित गरी लगाएको लकडाउन फितलो भएको गुनासोसँगै प्रहरी कडा रूपमा प्रस्तुत हुँदा बागलुङमा उलंघन गर्नेको संख्यामा कमी आएको छ ।

सरकाले लागु गरेको लकडाउन उलङ्घन गरी सडकमा छरपस्ट हिड्नेलाई धमाधम पक्राउ गरी कारवाही शुरु गर्न थालेपछि लकडाउन प्रभावकारी बन्दै गएको प्रहरीले जनाएको छ । तीनदिनयता ७ दर्जनभन्दा बढी ब्यक्ति प्रहरी कार्वाहीमा परेकोप्रहरीले जनाएको छ ।लकडाउन उलंघनगरी घरबाट बाहिर निस्केका ब्यक्तिलाई प्रहरीले पक्राउगर्दै भ्यानमा राखेर लानु सुरु गरेपछि अभियान प्रभावकारी बनेको हो । घर–घरमै सुरक्षित बस्नुपर्ने बेलामा अनावश्यक रूपमा घरबाट बाहिर निस्कन शुरू गरेको कारणले एक्सनमा उत्रिनु परेको जिल्ला प्रहरी कार्यालय बागलुङले जनाएको छ ।

प्रहरीले भाइकिङगरी घरवाहिर ननिस्कन आग्रह समेत गरिरहेको छ । जिल्ला प्रहरी कार्यालय बागलुङका प्रमुख नवराज भट्टले लकडाउनलाई प्रभावकारी बनाउन बिहानदेखि बेलुकासम्म जुनसुकै बेला प्रहरी सक्रिय भएर लागिरहेको भट्टले बताए ।