वालिङ, २३ चैत । वालिङ नगरपालिकाले स्थापना गरेको वालिङ कोभिड–१९ राहत कोषमा वालिङ उद्योग वाणिज्य संघले दुई लाख बढी आर्थिक सहयोग गरेको छ । वालिङ नगरपालिकाले राहत वितरण कार्यलाई आँफुखुशी वितरणमा रोक लगाउँदै एकद्वार प्रणालीबाट वितरण गर्ने कार्यलाई कार्यान्वयन गरेसँगै विभिन्न संघसंस्था तथा ब्यक्तिहरुले नगरपालिकाको राहत कोषमा रकम जम्मा गरेका नगर प्रमुख दिलीपप्रताप खाँणले बताए ।
वालिङ नगरपालिकाले स्थापना गरेको ‘वालिङ नगरपालिका कोभिड–१९ राहत कोष’ मा आइतबार वालिङ उद्योग वाणिज्य संघले दुई लाख बाइस हजार २ सय २२ को चेक नगर प्रमुख खाँणलाई हस्तान्तरण गरेको हो । वालिङ नगरभित्रका १४ वटै वडामा कोभिड १९ को संक्रमणबाट गुज्रिरहेको अवस्थामा नपाको प्रभावित नागरिकहरु सिमान्तकृत, गरीब, दैनिक ज्यालादारी, गुजारा ब्यवसाय र सडक जीवन बिताइरहेकालाई खाद्यान्न तथा राहत उपलब्ध गराउने उद्देश्यले कोष स्थापना गरिएको नगर प्रमुख खाँणले बताए ।
अहिलेको विषम परिस्थतिमा आउन सक्ने परिस्थितिसँग जुध्नका लागि संस्थामार्फत नगद सहयोग गरिएको वालिङ उद्योग वाणिज्य संघका अध्यक्ष शोभाकान्त पौडेलले बताए ।“संस्थामार्फत नगरपालिकाले स्थापना गरेको राहत कोषमा रकम जम्मा गरेका छौं” संस्थाका अध्यक्ष पौडेलले भने, “आगामी दिनमा पनि नगरपालिकासँगै सहकार्य गर्दै अगाडि बढ्ने र आवश्यक परेको खण्डमा क्वारेन्टाईन तथा आईसोलेशन सेन्टर बनाउनका लागि सिटीहल उपलब्ध गराउने निर्णय गरेका छौं ।”
संकलन भएको र प्रदेशबाट आएको रकममा नगरपालिकाबाट पनि थप गरी राहत वितरण गर्ने तयारीमा रहेको प्रमुख प्रशासकीय अधिकृत बाबुराम सापकोटाले बताए ।नगरपालिकामार्फत राहत वितरण गर्नका लागि गण्डकी प्रदेश सरकारबाट दश लाख प्राप्त भएको अधिकृत सापकोटाले बताए । राहत संकलन कार्यलाई अझै केही दिन जारी राख्ने नगरपालिकाले जनाएको छ ।संघसंस्था तथा ब्यक्तिले आँफूखुशी राहत वितरण गर्दा कसैले दोहोरो राहत पाउने कसैले पाउँदै नपाउने संभावना हुने भएकाले जोकोहीले पनि राहत वितरण गर्ने ईच्छा भएमा नगरपालिकामार्फत वितरण गर्न पाउने ब्यवस्था मिलाएको छ ।
Related News
सम्बन्धित समाचार
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१