पोखरा, १० चैत । विश्व महामारी कोरोना भाइरसको संक्रमण काठमाडौंमा पनि भेटिएको छ । टेकु अस्पतालमा एक जना नेपालीमा भाइरस संक्रमणको पोजिटिभ रिपोर्ट आएको स्वास्थ्यमन्त्री भानुभक्त ढकालले जानकारी दिएका हुन्।
ती व्यक्ति फ्रान्सबाट आएको १९ वर्षीया युवती रहेको स्वास्थ्यमन्त्री ढकालले स्वास्थ्य मन्त्रालयमा पत्रकार सम्मेलनमा बताए। उनी विद्यार्थी रहेको मन्त्री ढकालको भनाइ छ । ‘हिजो बेलुका आएको रिपोर्टमा फ्रान्सबाट आएका एक जनामा कोरोना पोजिटिभ देखियो’, मन्त्री ढकालले भने ।ती संक्रमित विद्यार्थीको परिवारलाई पनि आइसोलेसनमा राख्ने तयारी गरिएको उनले जानकारी दिए। मन्त्री ढकालले भने, ‘उनीसँगै आएका साथीहरुको बारेमा पनि जानकारी लिने काम जारी छ।’
ती विद्यार्थी यही चैत ४ गते कतारको दोहा हुँदै काठमाडौं आएका थिए। कोरोनाको संक्रमण नपाइएपछि उनी होम क्वारेन्टिनमा बसेकामा परीक्षणका क्रममा रिपोर्ट पोजेटिभ देखिएको मन्त्रालयले जनाएको छ। हाल टेकुको अस्पतालमा दश शय्याको आइसियु निर्माण जारी रहेको र सामान खरिद प्रक्रिया अघि बढाइएको पत्रकार सम्मेलनमा जानकारी दिइयो ।
पत्रकार सम्मेलनमा दिइएको जानकारीअनुसार परीक्षणको दायरा बढाउँदै ६० वर्ष माथिकाको पनि परीक्षण गरिनेछ। फ्रान्स कोरोना भाइरसबाट सबैभन्दा प्रभावित राष्ट्रमध्ये एक हो। त्यहाँ १६ हजार १८ जना कोरोनाबाट संक्रमित छन्। ६ सय ७४ को मृत्यु भइसकेको छ।
Related News
सम्बन्धित समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
hero news full width
मुख्य समाचार
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१