रुपनारायण ढकाल : पोखरा, १ चैत । बाग्लुङ जिल्लाको गलकोट नगरपालिका–२ स्थित तोरीखोलामा संचालित सामुदायिक होमस्टेले पछिल्ला महिनाहरुमा लोकप्रियता हाँसिल गर्न थालेको संचालकहरुले बताएका छन् । गलकोट स्थित मध्यपहाडी लोकमार्गसँगैको नरेठाँटीबाट सवारी साधनमा केही मिनटमा नै पुग्न सकिने भएर पनि गाउँ सम्मको पहुँच सहज रहेको छ ।
पछिल्लो समयमा आफूहरुले संचालन गरेको होमस्टेमा पाहुनाहरु समेत आउने क्रम बढेर गएको तोरिखोला सामुदायिक होमस्टेका संचालक कुमार पुनले जानकारी दिए । गाउँकै उत्पादनमा रमाउन चाहने पाहुनाहरु यो होमस्टेमा पुग्ने गरेको उनले सुनाए । कोदोको सेल रोटी, दही, मकै, भट्ट, सिन्की, मुला र गेडागुडीको अचार पनि यहाँ खान पाइन्छ । गाउँ नजिकैको मध्यपहाडी लोकमार्ग हुँदै चर्चित शिकार आरक्ष ढोरपाटन जाने मार्ग नजिक भएर पनि तोरिखोलाले होमस्टेमा लोकप्रियता पाउन थालेको स्थानीयको बुझाई छ । चिटिक्क परेका घर भएको यो गाउँका पाँच घरमा होमस्टे सुविधा उपलब्ध छ ।
सामुदायिक भवनमा सत्कारसहित ‘सगुन’ खुवाउने कार्यक्रमपछि पाहुना घरवासमा बाँड्ने गरिन्छ । होमस्टेमा कम्तीमा २५ जना पाहुनाको क्षमता छ । कूल ६३ घरधुरी रहेको तोरीखोला गाउँमा अधिकांश मगरहरुको बसोबास रहेको छ । मगर संस्कृतिमा आधारित नाचगान देखाएर पर्यटकलाई स्वागत गर्ने गरिएको छ । मारुनी, थाली लगायतका स्थानीय नाचहरु समेत पाहुनालाई देखाउने गरिएको छ ।
होमस्टे सेवासँगै गाउँको माथिपट्टि रहेको कालीलेक धुरीलाई पनि पर्यटकीय स्थलका रुपमा विकास गर्ने लक्ष्य रहेको पुनले सुनाए । तोरीखोलाबाट करिब डेढ घण्टाको उकालो चढेपछि पुगिने कालि लेकबाट देखिने सुन्दर दृष्यमा पनि पाहुनाहरु मोहित हुने गरेका छन् । यो डाँडा समुन्द्र सतहबाट दुई हजार तीन सय मिटर उचाई सम्म आकाशिएको छ । राष्ट्रिय फूल गुराँस, धवलागिरिलगायतका हिमशृङ्खलासहित बाग्लुङका गलकोट, ताराखोला लगायतका विभिन्न स्थानको दृश्य पनि यहाँबाट देख्न सकिन्छ ।
गाउँ परापुर्व कालदेखि नै तोरीको उर्वर स्थल भएका कारण नाम नै तोरिखोला रहन पुगेको गाउँले बताउँछन् । यसैगरी गाउँहूँदै तोरीखोला समेत बग्ने गरेको छ । तोरीकै कारण गाउँको नाम रहने पनि केही दशक यता अन्य खेति समेत यहाँ गर्ने गरिएको छ । सुन्दर गाउँ तथा प्राकृतिक र सांस्कृतिक रुपमा पनि संभावनायुक्त भएर तोरिखोलामा होमस्टे सुरु गरिएको गलकोट नगरपालिका वडा नं २ का वडा अध्यक्ष हिम बहादुर भण्डारीले सुनाए ।
सो गाउँपालिका मात्र चार वटा होमस्टे संचालनमा रहेको अध्यक्ष भण्डारीले जानकारी दिए । केही दिन अघि वडामा संचालित होमस्टे तालिममा तोरिखोलबाट समेत सहभागिता रहेको जानकारी दिंदै उनले सरसफाईका तरिका, गाउँले उत्पादनको बजारिकरण र पाहुना सेवा लगायतका तरिका सिक्ने अवसरमा सो तालिमले प्रदान गरेको जानकारी दिए ।
गाउँ पर्यटन प्रबद्र्धन मञ्च (भिटोफ) नेपाल गण्डकी प्रदेशका अध्यक्ष नवराज अधिकारीले तोरिखोला होमस्टेको सत्कारबाट आफू समेत प्रभावित भएको भन्दै भिटोफ गण्डकीको अगुवाईमा हालै मात्र गलकोटमा सामुदायिक होमस्टे तालिम समेत सम्पन्न गरिएको जानकारी दिए । जिल्लामा संचालित दुई दर्जन बढी होमस्टेका पाँच दर्जन सहभागिले सो अवसरमा तालिम लिएको उनले सुनाए ।
भिटोफ बाग्लुङका अध्यक्ष चुडामणि छन्त्यालले जिल्लामा संचालित होमस्टेले स्थानीयको जीवनस्तर उकास्न केही रुपमा भने पनि मद्दत पु-याउने विश्वास व्यक्त गरे । हरेक गाउँ, पर्यटकीय ठाउँ भन्ने अभियानलाई सार्थक रुप दिन भिटोफले होमस्ट प्रबर्धन र सो सम्बन्धी तालिम संचालन गर्दै आएको भिटोफ गण्डकीका संस्थापक अध्यक्ष तारानाथ पहारीले बताए ।
Related News
सम्बन्धित समाचार
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
गण्डकीका ४ सय ६७ स्थानमा डढेलो
hero news full width
मुख्य समाचार
बझाङ प्रदेशसभा–१ मा एमालेका भण्डारी विजयी
अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१यस्तो छ लगानी सम्मेलनको कार्यतालिका
वैशाख १६, २०८१