पोखरा, फागुन २७, नयाँ गाउँमा रहेको सिद्ध पब्लिक कलेजले विद्यार्थीका लागि शेयर बजार सम्बन्धि एक दिने अभिमुखिकरण कार्यक्रम सञ्चालन गरेको छ । स्नातक तहमा अध्यनरत व्यवस्थापन संकायका विद्यार्थीहरूका लागि अभिमुखिकरण कार्यक्रम गरिएको कलेजका उपप्राध्यापक दिनेश आचार्यले बताए । कार्यक्रममा नेपाल स्टक हाउस ब्रोकर नम्बर १४ शाखाका प्रमुख गोकुल रिमालले प्रशिक्षकका रूपमा सहभागी विद्यार्थीहरूलाई शेयर बजार सम्बन्धि जानकारी गराएका थिए । कार्यक्रममा शेयर बजारका विभिन्न सुचकहरूका बारेमा जानकारी गराउनुका साथै यसको राष्ट्रिय र अन्तर्राष्ट्रिय बजारमा हुने प्रभावसँगै कुनैपनि देशको विकास, त्यहाँका जनताको क्रयशक्ति तथा लगानीको क्षेत्रमा यसले पार्ने प्रभावका बारेमा जानकारी गराइएको थियो ।

कार्यक्रममा सहभागी सिद्ध पब्लिक कलेज व्यवस्थापन संकाय अन्तरगतको चौंथो बर्षमा अध्ययनरत विद्यार्थी एलिसा विकले यस्ता किसिमको अभिमुखिकरण कार्यक्रमले कक्षाकोठामा पढ्दै आएको शेयर बजारमा बारेमा व्यवहारिक रूपमै कसरी कारोबार हुनेरहेछ र वास्तविक शेयरका बारेमा आफुलाई लागेका विज्ञासाहरू मेटाउन पाएकोमा आफू लगायत सहभागी साथीहरू कलेजले आयोजना गरेको यस्तो प्रकारको कार्यक्रमले अत्यन्तै खुसी लागेको बताइन् । उक्त कार्यक्रममा सहजकर्ता रूपमा आफ्नो निर्वाह गरेका कलेजका अर्का उपप्राध्यापक पवित्रमणी भण्डारीको विशेष पहल तथा पोखरा स्टक हाउसको विशेष सहयोगमा कार्यक्रमको आयोजना भएको थियो ।

कार्यक्रममा सहभागी विद्यार्थी, शिक्षक तथा प्रशिक्षक लगायत उपस्थित सम्पूर्णलाई धन्यवाद दिंदै क्याम्पस प्रमुख पुनले सिद्ध पब्लिक कलेजले विद्यार्थीहरूलाई किताबी ज्ञान मात्रै भन्दापनि व्यवहारिक  हिसाबले दक्ष बनाउनका लागि यस्ता किसिमका कार्यक्रमहरू आयोजना गर्दै आइरहेको  बताए  । क्याम्पस प्रमुख पुनले विगतमा जस्तै आउँदा दिनहरूमा पनि विद्यार्थीहरूका लागि शेयर बजार, भाषा शिक्षा, ट्राफिक सचेतना, लागू औषध  दुव्र्यसन सम्बन्धि सचेतना लगायत सीप विकासका अन्य कार्यक्रममा समेत कलेजले विद्यार्थीहरूलाई सहभागी गराउँदै लैजाने बताए ।