पोखरा ।अली मियाँ लोकवाङ्मय प्रतिभा पुरस्कार पोखराकी साहित्यकार एवं गायिक अम्बिका भण्डारीलाई प्रदान गरिएको छ ।लोककवि अली मियाँको १०२ औं जन्मजयन्ती अवसरमा अली मियाँ लोकवाङ्मय प्रतिष्ठानले बिहीबार उनलाई सो पुरस्कार प्रदान गरेको हो ।
प्रमुख अतिथि गण्डकी प्रदेशसभा सदस्य मनबहादुर गुरुङ र प्रतिष्ठान अध्यक्ष हनिफ मियाँले उनलाई सो पुरस्कारबाट पुरस्कृत गरेका थिए । पुरस्कार राशि २० हजारसहित दोसल्ला र सम्मानपत्र रहेको छ ।
करीब डेढ दशकदेखि साहित्य क्षेत्रमा पुर्याएको योगदानको कदर गर्दै उनलाई पुरस्कार प्रदान गरिएको हो ।कार्यक्रममा सांसद गुरुङले साहित्य, कला र संस्कृतिको माध्यमबाट पनि मुलुक विकास गर्न सकिने बताए । गण्डकी प्रदेश प्राकृतिकरुपमा सुन्दर तथा संस्कृति र ज्ञानमा पनि धनी रहेको उनको धारणा थियो ।
स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोलाले निरन्तर साधनामा लाग्ने नै सफल हुने उल्लेख गरे ।प्रतिष्ठान सल्लाहकार डा तारा बरालले लोकवाङ्मय क्षेत्र माथि उठाउन प्रतिष्ठान लागिपरेको बताए । पुरस्कृत व्यक्तित्व भण्डारीले धेरै संघर्ष गर्न बाँकी रहेको भन्दै पुरस्कारले आफूलाई हौसला थपेको बताइन् । अन्तर्राष्ट्रिय नेपाली साहित्य समाज (अनेसास), गण्डकी अध्यक्ष दुर्गाबहादुर शाह ‘बाबा’ले साहित्य सृजना गर्ने काम सजिलो नभएको बताए ।
साहित्यकार डा बाबुराम अधिकारीले लोककवि अली मियाँले साहित्यमार्फत् सामाजिक चेतना बढाएको बताए ।सञ्चारकर्मी आरजु विष्ट सल्यानीले लोककवि अली मियाँका लागि मुलुकले धेरै गर्न बाँकी रहेको बताए ।
कार्यक्रममा अली मियाँ लोकवाङ्मय प्रतिष्ठानका सचिव पदमराज ढकाल, प्रतिष्ठान पूर्व सचिव अम्बिकाप्रसाद भट्टराई र लोककविकी छोरी बसिरा मियाँले गीत गाएका थिए ।प्रतिष्ठान कोषाध्यक्ष फणीन्द्र अकिञ्चनले पुरस्कृत स्रष्टाको परिचय दिएका थिए ।प्रतिष्ठान अध्यक्ष हनिफ मियाँको अध्यक्षतामा भएको कार्यक्रममा सदस्य रवीन्द्र माकाजुले स्वागत र सचिव पदमराज ढकालले सञ्चालन गरेका थिए ।
Related News
सम्बन्धित समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
पोखराको अमरसिंहको बिजुली पसलमा आगलागी, १ करोडको क्षति
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१