पोखरा । पोखरामा निर्माणाधीन अन्नपूर्ण केबलकार सञ्चालनको अन्तिम तयारीमा छ । हालसम्म ९० प्रतिशत निर्माण सम्पन्न भएको छ । सर्वाेच्चमा मुद्दा समेत खेपेको अन्नपूर्ण केबलकार प्रालिले पीडित पक्षसँगको सहमतिपछि केबलकारलाई पुनः सञ्चालनमा ल्याउन निर्माण तीव्र पारेको हो ।
आगामी वैशाखदेखि केबलकार सञ्चालनमा ल्याउने लक्ष्य साथ तीव्रगतिमा काम अघि बढेको सञ्चालक तीर्थराज त्रिपाठीले बताउँछन् । ‘केबलकारको लागि साइटमा सम्पूर्ण प्राविधिक सामान आइसकेका छन्,’ त्रिपाठी भन्छन्, ‘हामी अहिले लठ्ठा तान्ने प्रक्रियामा सामान जुटाउँदै छौं ।’‘लठ्ठा तान्नेक्रममा वरपर कोही बस्न नमिल्ने हुँदा सबै काम सकाएर लठ्ठाको काम अघि बढाउने योजना रहेको त्रिपाठीले जानकारी दिए । नेपालमा प्राविधिक सामान उपलब्ध नहुने हुँदा सम्पूर्ण सामान जापानबाट ल्याइएको छ ।
त्रिपाठी भन्छन्, ‘केबलकारका लागि जुन ठाउँबाट सामान ल्याएको थियौं, उनीहरुकै उपस्थितिमा जडानको काम गर्नुपर्ने गरी कन्ट्रयाक गरिएको छ । त्यसकारण गण्डोला जडान गर्नसमेत जापानबाट ३ जना प्राविधिक आउनेछन् ।’प्राविधिक टोलीले सूपरभिजन गरेरमात्र केबलकार वैशाखदेखि सञ्चालनमा आउनेछ,’ त्रिपाठी भन्छन्, ‘जापानीज प्राविधिकको सहकार्यमा लठ्ठा तानी गण्डोला फिटिङ गरेपछि परीक्षणका लागि तयार हुनेछाँै ।’
उनका अनुसार परीक्षण कार्य ४÷५ महिनासम्मै हुनेछ ।’ जापानीज प्राविधिकले परीक्षण गरी यात्रु चढाउन सक्छौं भनेपछि मात्र हामी व्यावसायिक रुपमा अघि जानेछौं,’ आशावादी हुँदै त्रिपाठीले भने ।माथिल्लो र तल्लो स्टेशन गरी हालसम्म झण्डै ९० प्रतिशत बढी काम सम्पन्न भइसकेको छ । ३४ वटा गण्डोलाको क्षमताको केबलकारमा शुरुवातमा १८ वटामात्र प्रयोग हुनेछ । ‘शुरुवातमा १८ वटा गण्डोला राख्ने छौं पछि यात्रुको चाप बढेसँगै भीआईपी गण्डोलासमेत थप्ने छौं,’ उनले भने ।
एक अर्ब ३५ करोड रुपैयाँ लागतमा निर्माण हुन लागेको केबलकारले प्रतिघण्टा १ हजार ५ सय यात्रुहरुले सेवा लिन सक्नेछन् । केबलकार सञ्चालन आएपछि फेवातालको किनारा सेदीबगरबाट ८ देखि ९ मिनेटमा नै सराङ्कोट पुग्न सकिनेछ ।माथिल्लो स्टेशनमा भवनसहित स्काई हेवन बेलुन रेष्टुरेण्ट, भ्यू टावर निर्माण हुनेछ भने तल्लो स्टेशनमा पार्किङ, गार्डेन सहितको संरचना बन्ने छन् । स्टेशनमात्र निर्माण गर्ने उद्देश्य भए पनि पछि आरसीसी मोडलमा केबलकारको निर्माण भएकोले लागत बढ्न गएको त्रिपाठी बताउँछन् ।पोखराको चुलीमा रहेको सराङ्कोट एउटा महत्वपूर्ण दृश्यावलोकन गर्ने स्थान हो । केबलकारबाट यात्रा गर्दा हिमाल, फेवाताल, हरियो वनजंगल साथै पोखराको मनोरम दृश्य समेत अवलोकन गर्न सकिने हुँदा यहाँ आन्तरिक एवं बाह्य पर्यटक बढ्ने विश्वास छ ।
Related News
सम्बन्धित समाचार
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
गण्डकीका ४ सय ६७ स्थानमा डढेलो
hero news full width
मुख्य समाचार
बझाङ प्रदेशसभा–१ मा एमालेका भण्डारी विजयी
अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१यस्तो छ लगानी सम्मेलनको कार्यतालिका
वैशाख १६, २०८१