पोखरा । सहिद स्मारक ‘ए’ डिभिजन लिग फुटबलमा च्यासल युथ क्लबले ब्रिगेड ब्वाइज क्लबलाई हराएको छ ।
दशरथ रंगशालामा शुक्रबार भएको खेलमा च्यासलले ब्रिगेडलाई १–० गोलले हरायो । च्यासलको जितमा कप्तान सन्तोष साहुखलले निर्णायक गोल गरेका थिए ।
सन्तोषले इन्जुरी समयमा गोल गर्दै च्यासललाई महत्वपूर्ण ३ अंकको योगदान दिए । डिबक्सभित्र ब्रिगेडका रक्षकको कमजोरीको फाइदा उठाउँदै सन्तोषले उत्कृष्ट गोल गरेका थिए । च्यासलले दोस्रो हाफमा थप गोलको अवसर गुमाएको थियो । पहिलो हाफको औसत प्रदर्शन गरेको ब्रिगेड दोस्रो हाफमा कमजोर देखियो ।
च्यासलका जापानी खेलाडी नाकामुरा ‘म्यान अफ दी म्याच’ बने । नाकामुराले १० हजार रुपैयाँ पुरस्कार पाए । जितसँगै च्यासल लिगको आठौं स्थानमा उक्लिएको छ । च्यासलले ८ खेलबाट ९ अंक बनाएको छ । समान खेलबाट ८ अंक बनाएको ब्रिगेड लिगको १० औं स्थानमा छ ।
यस्तै, लिग फुटबलमा साविक विजेता मनाङ मस्र्याङ्दी क्लबले कठिन जित निकालेको छ । दशरथ रंगशालामा शुक्रबार भएको खेलमा मनाङले रेलिगेसनको पीडामा रहेको सरस्वती युथ क्लबलाई १–० गोलले हरायो ।
मनाङको जितमा विमल रानाले निर्णायक गोल गरे । विमलले ४६ औं मिनेटमा गोल गरेका थिए । जितसँगै मनाङ तेस्रो स्थानमा उक्लिएको छ । मनाङले ८ खेलबाट ४ जित ४ बराबरीसँगै १६ अंक बटुलेको छ ।
Related News
सम्बन्धित समाचार
जिभिपी युके लण्डनले जित्यो क्लबस्तरीय भलिबल उपाधि
उषा र प्रकाश पोखरा साइकल दौड च्याम्पियन
क्लबस्तरीय पुरुष भलिबल, जनकल्याण पोखरा–११ फाइनलमा
पोखरामा शनिबार राष्ट्रिय साइकल दौड प्रतियोगिता
फिस्टेल एसइई कप २०८१ को तयारी
hero news full width
मुख्य समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
जेठ ५, २०८१पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१