पोखरा, १४ मंसिर । कास्की २ मा शनिबार (आज) शनिवार विहान ७.०० बजेदेखि मतदान शुरु भएको छ । मतदाताहरु विहानैदेखि मतदान केन्द्रमा लामवद्ध भएर मतदानमा सहभागी भएका छन् ।
निर्वाचन हुने सबै मतदान स्थल र मतदान केन्द्रमा सुरक्षा व्यवस्था कडा पारिएको छ भने धाँधली हुन्छ कि भनेर निगरानी राख्न राजनीतिक दलका नेता तथा कार्यकर्ता र पर्यवेक्षकको मतदान केन्द्रमा वाक्लो उपस्थिति छ ।
कास्की २ का ३२ मतदानस्थल र ८२ मतदान केन्द्रमा शान्तिपूर्ण रुपमा मतदान भइरहेको छ । केन्द्रमा मतदान अधिकृत र सहायक मतदान अधिकृत, कर्मचारी र सहयोगी गरी कुल ४ सय १० जना कर्मचारी कास्की २ मा खटिएका छन् । प्रत्येक मतदान केन्द्रमा ५ जना कर्मचारीका दरले ब्यवस्थापन मिलाईएको सहायक निर्वाचन अधिकृत रामचन्द्र उपाध्यायले जानकारी दिए ।
तत्कालीन संस्कृति, पर्यटन तथा नागरिक उड्ययन मन्त्री स्व रवीन्द्र अधिकारीको हेलिकोप्टर दुर्घटनामा परी निधन भएपछि कास्कीमा उपचुनाव भएको हो । ११ राजनीतिक दल र १० स्वतन्त्र गरी २१ जना चुनावी प्रर्तिस्पर्धामा छन् । ७१ हजार ८ सय ७१ जनाले यो क्षेत्रमा मतदान गरिरहेका छन् । अघिल्लो चुनावभन्दा अहिले १ हजार २ सय २० जना नयाँ मतदाता थपिएका छन् । चुनावका लागि यहाँका विद्यालयहरु बन्द गरिएका छन् भने शुक्रबार राति १२ बजेपछि सवारी साधन गुड्न समेत रोक लगाईएको छ ।
अघिल्लो चुनावमा ७० हजार ६ सय ५१ मतदातामध्ये प्रत्यक्षतर्फ प्रतिनिधिसभामा ४९ हजार ९ सय १३ मत खसेको थियो । प्रदेशसभा (क) मा २६ हजार ४ सय ३३ र (ख) मा २३ हजार ५ सय २० मत खसेको थियो । प्रत्यक्षमा भन्दा समानुपातिकर्फत ७ मत कम खसेको थियो । समानुपातिक तर्फ ४९ हजार ९ सय ६ मत खसेको थियो भने प्रदेशसभा (क) मा २६ हजार ४ सय ६ र प्रदेशसभा (ख) मा २३ हजार ५ सय मत खसेको थियो । यसपालि पनि ५० हजार हाराहारीमा मत खस्ने अनुमान छ ।कास्की २ मा पोखरा महानगरका ११ वटा वडा पर्दछन् । ४, ७, ८, ९, ११, १५, १६, १७, २०, २१ र ३३ नम्बर वडाका मतदान भइरहेको छ ।
कास्की २ मा उम्मेदवार बनेपनि अधिकांशले आफैलाई मतदान गर्न पाउने छैन् । ५ राजनीतिक दल र २ स्वतन्त्र उम्मेदवार बाहेक अरुले आफुलाई मत दिन पाउने छैनन । नेकपा उम्मेदवार विद्या भट्टराईले पोखरा ३३ बाट मतदान गर्नेछिन् भने साझा पार्टीका रजनी केसीले पोखरा ४ बाट मतदान गरेकी छन् । राप्रपाका रोमबहादुर भण्डारीले पनि आफैलाई मत दिन पाउनेछन् । उनले पोखरा १५ बाट मतदान गर्नेछन् । यस्तै, नेकपा मालेका टेकनाथ भण्डारी पनि आफैलाई मतदान गर्न पाउने भाग्यमानी हुन् । उनले पोखरा २१ बाट मतदान गर्ने छन् । राप्रपा संयुक्तकी गंगा मल्ल पोखरा ७ कि मतदाता हुन् ।
स्वतन्त्र उम्मेदवारी दिएका सुनिलबहादुर कोइराला र रनबहादुर दमैले पनि आफुलाई मतदान गर्न पाउने छन् । कोइरालाले पोखरा ४ र दमैले पोखरा १७ बाट मतदान गर्ने छन् । काँग्रेस उम्मेदवार खेमराज पौडेल कास्कीकै भएपनि उनी क्षेत्र नम्बर ३ का स्थायी बासिन्दा हुन् । काँग्रेस बीपीका चन्द्रबहादुर रानाभाट क्षेत्र नम्बर १, देशभक्त समाजका वीरबहादुर विक कास्की र समाजवादी पार्टीका धर्मराज गुरुङ कास्की ३ का स्थायी बासिन्दा हुन् । उनीहरुको मताधिकार समेत उतै छ ।स्वतन्त्र उम्मेदवार यज्ञप्रसाद पंंगेनी स्याङजाबाट आएका हुन् भने सुनिल भुषाल कपिलबस्तु, दीपक रेग्मी सुर्खेत र पुरुषोत्तम खनाल स्याङजाबाट आएर उम्मेदवारी दिएका हुन् ।
कास्कीकै भएपनि केही स्वतन्त्र उम्मेदवार फरक निर्वाचन क्षेत्रबाट आएका छन् । कमलजंग कुवँर, जमुना शर्मा, लक्ष्मी कुमारी भुजेल र उमनाथ गौतम कास्की ३ तथा नवराज बास्तोलाको कास्की १ मा मतदाता नामावली छ ।केही राजनीतिक दलले पनि आफ्ना उम्मेदवार बाहिरबाट झिकाएका छन् । जनमुक्ति पाटर्टीका पूर्णबहादुर राना तनहूँ रिसिङका स्थायी बासिन्दा हुन् भने मंगोल नेशनल अर्गनाइजेसनका रियाज गुरुङ पर्वतका हुन् ।
कास्की २ मा आधाभन्दा बढी मतदान स्थल संवेदनशीलको सूचीमा छन्न । नेकपा अध्यक्ष पुष्पकमल दाहाल प्रचण्ड सहभागी कार्यक्रम नजिकै बम विस्फोट भएपछि कास्कीका मतदाताहरुमा केही त्रास बढेको छ । यसले सुरक्षा चुनौति समेत बढाएको छ । त्यसको अघिल्लो दिन पनि पोखरा ३३ का वडाध्यक्षको गाडीमा बम विस्फोट भएको थियो । यद्यपी प्रहरीले यसलाई शक्तिशाली बम नभएको जनाएको छ । बम विस्फोटमा संलग्नलाई प्रहरीले पक्राउ गरेको जनाएको छ । कास्कीका ३२ मध्ये आधाभन्दा बढी मतदानस्थलहरुलाई अति संवेदनशीलको सूचीमा राखेर सुरक्षाकर्मी र कर्मचारीहरु परिचालन गरिएको कास्कीका प्रमुख जिल्ला अधिकारी रमेशकुमार केसीले जानकारी दिए । देशभरीमै भइरहेको उपनिर्वाचन मध्ये एक मात्रै प्रतिनिधिसभाको चुनाव भएकोले पनि यहाँ धेरैको ध्यान केन्द्रित छ ।
सबै मतदानस्थल र मतदान केन्द्रलाई अति संवेदनशील, संवेदनशील र सामान्य गरी तीन क्षेत्रमा बर्गीकरण गरिएको छ । पोखराको मुख्य शहरी क्षेत्रलाई कम सम्बेदनशील क्षेत्र, शहरोन्मुख ठाउँलाई संवेदनशील र ग्रामीण क्षेत्रका मतदानस्थलहरु अति संवेदनशीलको सूचीमा परेका छन् । सुरक्षा निकायको रिपोर्टिङ, भौगोलिक विकटता, दलहरुबीचको प्रतिष्पर्धा र चुनाव बिरोधी गतिविधि गर्ने समूहको गतिविधिलाई मुल्यांकन गरेर एक तिहाई मतदान स्थललाई अति संवेदनशीलको रुपमा पहिचान गरिएको छ । यहाँ ३२ मतदानस्थल र ८२ मतदान केन्द्र छन् ।
Related News
सम्बन्धित समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
मुग्लिन–पोखरा सडक पूर्वी खण्डको म्याद थपियो
hero news full width
मुख्य समाचार
फेवाको मापदण्ड घटाउन सर्वोच्चमा रिट
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१