पोखरा २७ असोज । कास्कीको मादी गाउँपालिका– ३ याङजाकोट गाउँको बीचमा रहेको प्राचीन ऐतिहासिक झयाली पोखरीको पुनःनिर्माण गरिएको छ ।
गाउँपालिकाको आयोजना र पहलमा सो पोखरीको पुनःनिर्माण गरी पोखराको बीचमा भगवान बुद्धको मूर्ति स्थापना गरिएको छ भने पोखरीको चारैतिर तारबारले घेरेर संरक्षण गरिएको छ ।
यसरी पुनःनिर्माण गरी संरक्षण गरिएको पोखरीको आइतवार एक कार्यक्रमका बीच मादी गाउँपालिका अध्यक्ष वेदबहादुर गुरुङ (श्याम)ले उद्घाटन गरे । सो अवसरमा बोल्दै उनले आफूहरुको योजनामा गाउँलेहरुले पनि साथ दिएकाले योजना तोकिएकै समयमा सम्पन्न भएको बताए ।
कतिपय अवस्थामा योजना र पैसा मात्रै भएर काम सम्पन्न नहुने भन्दै यसलाई सम्पन्न गर्न नेतृत्व गर्न व्यक्तिहरुको पनि त्यतिकै ठूलो भूमिका रहने बताए ।अबदेखि याङजाकोटमा बुद्ध जयन्ती मेला लाग्दा पोखरीको बुद्ध मूर्तिमा पूजा गरेर मेला सुरु गर्न सकिने समेत उनले बताए ।
पोखरी वरिपरिबाटो ढलान गर्ने, फूल रोप्ने बत्ती जडान गर्ने लगायतको धेरै काम बाँकी नै रहेको र पोखरीलाई अझै सुन्दर बनाउने योजनामा आफूहरु रहेको उनले बताए ।
गाउँपालिकाको केन्द्र याङजाकोटमा राख्ने निर्णय राजपत्रमा प्रकाशित भईसकेको भन्दै यसलाई अब कसैले परिवर्तन गर्न नमिल्ने बताए । आफूहरुले गाउँपालिकाको भवन बनाउन बजेट छुटाउनेदेखि भवनको डिपिआर तयार गर्ने र नक्सा बनाउने सबै काम सकेर निर्माणको लागि तयारी भएर बसेको भन्दै अब स्थानीय जनताले गाउँपालिकाको नाममा जग्गा पास गरिदिनुपर्ने भएकोले यसको लागि सहयोग गर्न सबै जनतासँग आग्रह गरे ।
मादी गाउँपालिकामा अहिले १० वटा मोटेरेबल पुल निर्माणको चरणमा रहेको भन्दै यसमा करोडौ लगानी भईरहेको जानकारी उनले दिए । यस्तै सिक्लेसको बाटो पिच हुने काम अघि बढी सकेको र याङजाकोटको बाटोको लागि पहिलो चरणको टेन्डररद्ध भएकोले अब छिटै दोस्रो चरणको टेन्डर आवहन गरेर पिचको प्रक्रिया अघि बढाउने बताए ।
ज्याउदु दोबाटो मोटर बाटोको स्तर उन्नतिको लागि केन्द्रीय सरकारको बजेट परेको भन्दै अब त्यसको काम छिटै सुरु हुने बताए । कार्यक्रममा वडा नं ४ का वडा अध्यक्ष सत्यराज सापकोटा, ११ का अध्यक्ष मित्र गुरुङ, ३ का अध्यक्ष मनबहादुर गुरुङ, वडा सदस्य धनमाया गुरुङ, याङजाकोट तमू समाज पोखराका अध्यक्ष सु.चन्द्रबहादुर गुरुङ, मादी गाउँपालिकाका कार्यकारी अधिकृत युवराज अधिकारी लगायतले बोलेका थिए ।
झयाली पोखरी निर्माण उपभोक्त समितिका अध्यक्ष सूर्य गुरुङको अध्यक्षतामा सम्पन्न कार्यक्रमको सञ्चालन सचिव नन्दजंग गुरुङले गरेका थिए । कोषाध्यक्ष जुनकुमारी गुरुङले स्वागत मन्तव्य राखेका थिए ।
Related News
सम्बन्धित समाचार
मुख्यमन्त्री अधिकारीविरुद्धको रिट खारेज
गण्डकी प्रदेश प्रहरी दुर्गा सिंहले सम्हालिन जिम्मेवारी
गण्डकीका ४ सय ६७ स्थानमा डढेलो
बझाङ प्रदेशसभा–१ मा एमालेका भण्डारी विजयी
बिपिसीले ल्यायो विद्युत् महसुल बढाउने प्रस्ताव
hero news full width
मुख्य समाचार
कक्षा १२ को प्रश्नपत्र आउट गर्ने २ जना पक्राउ
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१