वालिङ, १९ साउन । शान्तिका लागि विशाल बोलबम यात्रीलाई आइतबार वालिङबाट विदाई गरिएको छ । वालिङ बोलबम समितिको आयोजनामा प्रत्येक वर्ष आयोजना गरिने बोलबम यात्रा १५ पटकको हो । १५ औं पटक वालिङदेखि मनाङको तिलिचो तालसम्मको यात्रातय गरिएको वालिङ बोलबम समितिका प्रवक्ता युवराज गौतमले बताए ।

बोलबम समितिको अगुवाइमा सहभागी यात्रीहरुलाई आइतबार वालिङ खेलमैदानबाट बिदाई गरिएको हो । उनले बोलबम समितिले देशका विभिन्न भागमा गएर धार्मिक एवं आन्तरिक पर्यटन प्रवद्र्धनमा महत्वपूर्ण टेवा पुर्याएको दाबी गरिन् ।

कार्यक्रममा वालिङ नगरपालिकाका प्रमुख प्रशासकीय अधिकृत गुरुदत्त सुबेदी, वालिङ नगर प्रवक्ता केदार काफ्ले, वालिङ उद्योग वाणिज्य संघका अध्यक्ष शोभाकान्त पौडेल लगायतले यात्राको सफलताको शुभकामना ब्यक्त गरेका थिए ।

वालिङ बोलबम समितिका उपाध्यक्ष चन्द्रमान श्रेष्ठको स्वागतसँगै शुरु भएको कार्यक्रम संस्थाका अध्यक्ष दीपेन्द्र तिवारीको अध्यक्षतामा सम्पन्न भएको थियो भने सञ्चालन सचिव राजु तिवारीले गरेका थिए ।शान्तिका लागि विशाल बोलबोम यात्रा झण्डै एकसाताको हुने बताइएको छ । बोलबम यात्रामा झण्डै एकसय जनाको सहभागिता रहेको छ ।