पाल्पा ११, साउन । स्वतन्त्र पत्रकार संघ पाल्पाका कार्यसमिति सदस्य कवि आर.वि.निश्चलको कविता कृति ‘किस्ताकिस्तामा जिन्दगी’को शनिबार सार्वजनिक भयो । प्रा.डा. हिरण्यलाल ज्ञवालीले धवल पुस्तकालयमा कविको कृति विमोचन गरेका हुन् ।
कार्यक्रममा उनले कृति विमोचन गर्दै कविको चेतना निर्भिक रूपमा आध्यात्मिक चिन्तनमा केन्द्रित रहेको र कविको सिजृनशील प्रतिभा परिष्कृत हुँदै गएको औंल्याए । डा. ज्ञवालीले ‘कविता भावनाको बौद्धिक उमंग हो’ भन्दै कविका कृतिमा जातीय विभेद, जीवनदर्शनका विषय ओजिलो रूपमा समेटिएको जनाए । समीक्षक डा. शंकर गैरेले लय, अनुप्रास र उपमा अलंकारको प्रयोगको दृष्टिकोणले कविता बलियो भएको जनाए । उनले कवितामा स्वच्छन्दतावादी प्रवृति, मानवजीवनका विकृति विसंगतिप्रतिको दृष्टिकोण र दार्शनिकतासँग नजिक रहेर कविले कविता सिर्जना गरेको जनाए ।
विशिष्ट अतिथि साहित्यकार चोलेश्वर शर्माले कविको सिर्जना सार्वजनिक भएपछि सवैको साझा सम्पत्ती हुने भन्दै कुशल शिल्पीको सिर्जना कविता सिर्जनामा हुनुपर्ने भन्दै कवितामा विषयवस्तुको सिलसिलाको राम्रो प्रबन्ध हुनुपर्नेमा जोड दिए । त्रिभूवन वहुमुखी क्याम्पस पाल्पाका क्याम्पस प्रमुख जीवनबहादुर थापाले साहित्य र्सिजनालाई प्रतिभा चाहिनेमा जोड दिदै कवि आर.वी.को कविता कृतिले सिंगो नेपाली वाङ्मयको क्षेत्रमा नयाँ इतिहास बनाउने आशा व्यक्त गरे ।
कार्यक्रममा शुभकामना मन्तव्य राख्दै समाजसेवी डुलबहादुर कुँवर, साहित्यकार नारायण अधिकारी, वरिष्ठ पत्रकार मेघराज शर्मा, कविका आफन्त तारा रसाइलीले कविता संग्रहमा समसामयिक र मानवता केन्द्रित विषयवस्तु समेटिएको औंल्याए ।
धवल पुस्तकालयका अध्यक्ष युवराज पौडेल, सञ्चालक राजेशकुमार अर्याल र कोषाध्यक्ष सन्तोष खनालले पनि सर्जक सहित कार्यक्रमका सहभागीलाई स्वागत सहित धन्यवाद ज्ञापन गरे । सर्जक आर.वि.ले २०७३ पौष ११ देखि २०७५ माघ ११ सम्म रचिएका ३८ वटा कविताहरू समेटेर कृति तयार पारेको भन्दै आफूलाई उत्साह भर्नेहरूलाई आभार व्यक्त गरे ।
पाल्पा पालुङ्गमैदानीका कवि रामबहादुर वि.क. (आर.वी.निश्चल) साहित्य कर्मका अलावा शिक्षण पेशामा पनि प्राध्यापकको भूमिकामा आवद्ध छन् । मञ्जरी पब्लिकेशनले बजारमा ल्याउको कविता संग्रह किस्ताकिस्तामा जिन्दगी कविको पाँचौ कृति हो ।
Related News
सम्बन्धित समाचार
बेलायतमा ‘प्रकट’ र ‘पारिजात’को स्मरण
७ श्रष्टालाई गण्डकी प्रज्ञा प्रतिष्ठानको सम्मान
नरहरिको उपन्यास ‘शान्ति’ लोकार्पण
‘क्यानभास’ मा धार्चेको कलासंस्कृति र भूगोल
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
hero news full width
मुख्य समाचार
एमाले मुस्ताङको अध्यक्षमा दीपक लालचन
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जेठ ६, २०८१एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१