लमजुङ, ३० असार । नेपाल कम्युनिष्ट पार्टी (नेकपा)का स्थायी कमिटीका सदस्य एवम् सांसद योगेश भट्टराईले नेपालको नगदेबालीको रूपमा स्थापित अलैंची खेतीको प्रवद्र्धन कार्यमा सारकारले ध्यान दिनुपर्ने बताएका छन् । उनले नेपाल अलैंची व्यवसायी महासंघ लमजुङको दोश्रो जिल्ला अधिवेशनको उदघाटन गर्दै यस्तो बताएका हुन् ।
नेता भट्टराईले नेपालमा उत्पादित अलैँचीले अन्तर्राष्ट्रिय बजारमा प्रतिस्पर्धा गर्न नसक्नुका कारणको विश्लेषण गर्दै अवैज्ञानिक कृषि पद्धति, मुलुकको अस्पष्ट कृषि नीति र प्रष्ट जमिनको उपयोगिताको नीति नहुँदा कृषकहरूलाई मर्का परेको बताए । उनले दुर्ई प्रतिशत कृषिमा आधारित जनसंख्या रहेको अमेरिकाले आत्म निर्भर भई विदेशमा निकासी गर्छ हामी कहाँ ६५ प्रतिशत जनसंख्या कृषिमा निर्भर हुँदा पनि आयात गर्नु पर्ने स्थिति किन भएको छ यसतर्फ ध्यान दिन अब ढिला गर्नु हुँदैन भने ।
उनले किसानले पनि उत्पादनको गुणस्तरीयतामा ध्यान दिन आवश्यक रहेको र राज्यकातर्फबाट प्राविधिक सहयोग सहित बजारको सुनिश्चित हुने वातावरण सिर्जना गर्नु पर्छ भने । उनले नेकपाको सरकारले तेस्रो मुलुकमा सिधै अलैंची निर्यात हुने वतावरण बनाउने कार्यमा सघाउने प्रतिवद्धता व्यक्त गरे ।
राज्यले व्यवसायिक कृषिका लागि लगानी गर्नुपर्ने आवश्यकता रहेको उनको धारणा थियो । नेता भट्टराईले भने, जुन राज्यले कृषिमा उचित लगानी गर्न सक्दैन त्यसले आर्थिक समृद्धि गर्न नसक्ने र कुनै समयमा भोकमरीको समस्या समेत भोग्नु पर्ने चेतावनी दिए । स्थानीय तहले अलैंचीको विषयलाई पाठ्यक्रममा समेत समावेश गर्न आवश्यक रहेको औल्याएका थिए ।
कार्यक्रममा नेपाल अलैंची व्यावसायी महासंघका केन्द्रीय अध्यक्ष राजकुमार कार्कीले अलैंचीको मूल्य उतारचढाव हुँदा किसानहरू मर्कामा परेको बताए ।
उनले नेपालमा उत्पादन हुने अलैंचीको मूल्य भारतले तोक्ने प्रवृत्तिको अन्त्य गर्न सरकारको ध्यानाकर्षण गरेका थिए । उनले भने, नेपालबाट बाहिरी मुलुकमा प्रत्येक वर्ष ६ अर्वको अलैंची निर्यात हुँदै आएको छ । तर त्यसले अलैँचीका व्यवसायी किसानलाई सन्तुष्ट बनाउने सकेको छैन, यसको कारण खोजिनु पर्छ उनले भने ।
नेपाल अलैंची व्यावसायी महासंघ गण्डकी प्रदेशका संयोजक अजय तामाङले नेपालको ४२ जिल्लामा अलैंची खेती गरिएको जानकारी दिए । उनका अनुसार लमजुङका साविकका ४० गाविसमा लगाइएको अलैंची खेतीबाट यस वर्ष ७ सय ५० क्विन्टल अलैंची उत्पादन भएको छ ।
कार्यक्रममा नेपाल कम्युनिष्ट पार्टी (नेकपा) लमजुङका प्रतिनिधि कृष्णप्रसाद अधिकारी, नेपाली कांग्रेसका जिल्ला सचिव हरि बराल, बेसीशहर नगरप्रमुख गुमानसिंह अर्याल, अलैंची व्यवसायी महासंघका केन्द्रीय सदस्य सुष्मा पौडेल, पत्रकार महासंघ केन्द्रीय सदस्य नवीनराज कुँइकेल लगायतले शुभकामना मन्तव्य राखेका थिए ।
फोटो छ ।
Related News
सम्बन्धित समाचार
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१