बुटवल २९ असार । प्रदेश ५ का मुख्यमन्त्री शंकर पोखरेलले गौतमबुद्ध अन्तर्राष्ट्रिय विमानस्थलसंग चीनको छेङ्दु अन्तर्राष्ट्रिय विमानस्थल जोड्ने कुरामा चीन सकारात्मक रहेको बताएका छन् ।
चीनियाँ कम्युनिष्ट पार्टी विदेश विभागको निमन्त्रणामा १० दिने चीन भ्रमण सकेर स्वदेश फिर्ता भएका मुख्यमन्त्री पोखरेलले बुटवलमा पत्रकारहरुसंग कुराकानी गर्दै गौतमबुद्ध विमानस्थललाई नेपालबाट वेइजिङसंग जोड्ने ट्राञ्जिट प्वाइन्टका रुपमा हेरिने गरेको बताए । उनले केरुङ काठमाण्डौं रेलवेलाई लुम्बिनीसंग जोड्न सकिने बताए ।
गौतमबुद्ध अन्तर्राष्ट्रिय विमानस्थलसंग चीनको छेङ्दु अन्तर्राष्ट्रिय विमानस्थल जोड्ने प्रस्ताव आफुले राख्दा उनीहरु अत्यन्त सकारात्मक भएको बताए । खास गरी विमानस्थल निर्माणमा चीनियांपक्षको संलग्नता भएका कारण सिचंवान प्रान्तले गौतमबुद्ध अन्तर्राष्ट्रिय बिमानस्थल सफल होस् भन्ने चाहेको पोखरेलले बताए ।
पोखरेलले चीनियाहरुको पूँजी निर्माणमा उल्लेखीय क्षमता रहेको बताए । –‘हिजोका दिनमा उनीहरु बाहिरको पूँजी आफ्नो मुलुकमा भित्र्याउन चाहन्थे तर अब उनीहरु मुलुकको पुूँजी बाहिर लगाउन चाहन्छन’–मुख्यमन्त्री पोखरेलले भने ।शिक्षा, स्वास्थ्य, कृषिको आधुनिकीकरण, पर्यटनको विकासको सन्दर्भमा चीनियांहरुको अनुभव अत्यन्तै समृद्ध रहेको र त्यहांबाट सिकेर विकासको सन्दर्भमा नेपालमा प्रयोग गर्न सकिने उनले बताए । भ्रमण कसैले दिने र कसैले लिने नभइ सम्बन्ध कायम गर्ने उद्धेश्य रहेको उनले बताए । केवल दुई देशका प्रदेशबीचको सरोकार नभइ यो दुई राष्ट्रकै सरोकारको विषय भएको मुख्यमन्त्री पोखरेलले बताए । ‘दुईको देशको संस्कृति, सम्पदा र बुद्धिजमले पनि हामीलाई एकआपसमा जोडेको छ,’–उनले भने ।
प्रदेश ५ ले नेपालको विकासमा गरेको कामबारे चीनको सिचंवान प्रदेशले नजिकबाट मुल्यांकन गरेको उनले बताए । सकारात्मक बाटोमा सम्बन्ध कायम गर्ने र दुई पक्षीय सम्बन्धलाई निरन्तरता दिने कुरा आएको उनको भनाई छ । पोखरेलले भ्रमणका क्रममा प्रदेश नम्बर ५ र सिचंवान प्रान्त, सिचंवान प्रान्तको यान सिटी र दाङको घोराही उपमहानगरपालिका तथा बर्दियाको ठाकुरबाबा नगरपालिका र क्वैचौ प्रान्तको ल्यापान्स्यु सिटीबीच भगिनी सम्बन्ध कायम भएको बताए ।
भ्रमणले दुई प्रदेश, पालिका र जनताबीचको सम्बन्ध अझ बलियो हुने र दुई देशबीचको सम्बन्धलाई थप मजबुत बनाउन बल पुग्ने विश्वास पोखरेलले व्यक्त गरे । भ्रमणमा प्रदेश ५ का मुख्यमन्त्री सहित संघीय सांसद, प्रदेशसभा सदस्य, स्थानीय तहका प्रमुख, पत्रकार लगायतको सहभागिता रहेको थियो ।
Related News
सम्बन्धित समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
उषा र प्रकाश पोखरा साइकल दौड च्याम्पियन
पोखरा सिँगार्न दिनहुँ श्रमदानमा खटिन्छन् सीताराम
मुग्लिन–पोखरा सडक पूर्वी खण्डको म्याद थपियो
hero news full width
मुख्य समाचार
फेवाको मापदण्ड घटाउन सर्वोच्चमा रिट
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१