पोखरा, १९ वैशाख । जन्ती र बेहुली पक्षबीच कुटाकुट हुदाँ गोरखामा जन्तीपक्षका एक युवाको ज्यान गएको छ ।

बेहुली लिएर फर्किदै गर्दा केटी जिस्क्याएको निहुँमा कुटाकुट भएको हो । केटी जिस्काएको निहुँमा बुधबार लमजुङको राइनास नगरपालिका– ४ अल्कटारबाट पुगेका जन्ती र गोरखा पालुङटार नगरपालिका– ४ कुमाल गाउँका माइती पक्षबीच कुटाकुट भएको थियो ।

कुटपिटबाट गम्भीर घाइते लमजुङ अल्कटारका ३४ वर्षीय विष्णुबहादुर कुमालको पोखराको गण्डकी मेडिकल कलेजमा उपचारको क्रममा मृत्यु भएको प्रहरीले जनाएको छ ।