नेपालकै लामो पुल शिलान्यास

आदर्श समाज सम्वाददाता
चैत्र ९, २०७५
images

बागलुङ, ९ चैत । झोलुङ्गे पुलको धनी जिल्ला मानिने बागलुङ सदरमुकाम र पर्वत जिल्लाको पाङ जोड्ने नेपालकै सबैभन्दा लामो झोलुङ्गेपुल निर्माण हुने भएको छ ।

कालिगण्डकी माथि वन्न लागेको उक्त झोलुङ्गे पुलको एक कार्यक्रम बीच राष्ट्रिय सभा अध्यक्ष गणेश प्रसाद तिमिल्सिनाले शनिवार शिलान्यास गरेका छन् ।

बागलुङ र पर्वत जोड्ने नेपाल कै सबैभन्दा लामो पुल बनाउन आफुले महत्वपूर्ण भूमिका निभाएको अध्यक्ष तिमिल्सिनाले बताए । नेपालमा प्रबिधि नभएको बेला बिदेशबाट नयाँ प्रविधि ल्याएर काम गर्ने जुन उत्साह आएको छ, उनले भने –निर्माण ब्यबसायीलाई सबैले काम गर्ने वातावरण मिलाईदिन उनले आग्रह गरे ।

प्रहरी, प्रमुख जिल्ला अधिकारी लगायत कसैले पनि निर्माण व्यवसायीसँग चन्दा माग्ने गाडीमा तेल राखिदिनु प¥यो भनेर माग्ने काम नगर्न समेत उनले निर्देशन दिएका छन् । ५६७ मिटर लामो पुल निर्माण गर्न सस्पेन्सन पुल बिभाग मार्फत भएको बोलपत्र अनुसार कामको जिम्मेवारी थानी रबिएलटि रहिमशिखर जेभी निर्माण कम्पनीले संयुक्तरूपमा पाएपछि काम अगाडि बढेको बागलुङ नगरपालिकाले जनाएको छ ।

६ करोड ९१ लाख रूपैयाँ लागतमा निर्माण हुने पुल २०७७ साल असार मसान्तसम्ममा सक्नुपर्ने सम्झौतामा उल्लेख गरिएको छ ।नेपालमा अहिलेसम्म धेरै पुलहरू निर्माण भए पनि ३ सय ६० मिटर भन्दा लामो बनेको छैन ।सस्पेण्डेड पुल पहिलोपटक बागलुङ र पर्वत जोड्ने गरि बन्न लागेको हो ।

यो पुल एशियामा नै पहिलो पुल भएको सस्पेन्सन पुल बिभागका इन्जिनियर टोप बहादुर बानियाँले बताए ।चीन बाट लठ्ठा तान्ने बिइन्च मेशीन खरिदको प्रक्रिया अर्थ मन्त्रालय मार्फत अगाडि बढाइएको छ ।

बागलुङ नगरपालिका वडा नम्बर १ सहिद पार्क र कुश्मा नगरपालिका वडा नम्बर १ पाङ अदुवावारी जोड्नेगरी निर्माण गरिएको पुल ५६७ मिटर लामो र १६० मिटर अग्लो हुनेछ ।

२०५९ सालदेखि नै बागलुङ र पर्वतको पाङ जोड्ने पुल निर्माणकार्यको लागि पटकपटक प्रयास भए पनि पुल लामो दुरीको भएको कारण लठ्ठा तान्ने प्रविधि नेपालमा नभएका कारण रोकिन पुगेको थियो ।

Related News

सम्बन्धित समाचार

  • ६० निवर्तमान सांसद पराजित

    आदर्श समाज सम्वाददाता मंसिर ११, २०७९
    काठमाडौं । अघिल्लो प्रतिनिधिसभामा रहेका ६० भन्दा बढी निवर्तमान सांसद प्रतिनिधिसभा सदस्य निर्वाचनमा पराजित भएका छन् । संसदीय राजनीतिमा लामो…
  • टुक्रे योजना कार्यान्वयनमा समस्या

    आदर्श समाज सम्वाददाता मंसिर ११, २०७९
    पोखरा । गण्डकी प्रदेश भौतिक पूर्वाधार, सहरी विकास तथा यातायात व्यवस्था मन्त्रालयको मन्त्रालयस्तरीय समस्या समाधान समितिको बैठक एवं प्रथम चौमासिक…
  • राष्ट्रिय स्वतन्त्र पार्टीको चितवनस्थित सम्पर्क कार्यालयमा आगलागी

    आदर्श समाज सम्वाददाता मंसिर ११, २०७९
    पोखरा । रवि लामिछाने नेतृत्वको राष्ट्रिय स्वतन्त्र पार्टीको चितवनस्थित सम्पर्क कार्यालयमा आगलागी भएको छ । भरतपुर ११, भोजाडस्थित कार्यालयमा गएराति…
  • ‘आधा शिर उचालेर’ को चर्चा

    आदर्श समाज सम्वाददाता मंसिर ११, २०७९
    पोखरा । कवि ज्योति जंगलको कविता कृति ‘आधा शिर उचालेर’ माथि पोखरामा शनिबार परिचर्चा गरिएको छ । कविता क्लब नेपालको…
  • अम्बिका माविमा सहयोग

    आदर्श समाज सम्वाददाता मंसिर ११, २०७९
    पोखरा । जनहितैषी फाउन्डेसन, नेपाली चिल्डे«न तथा हिमालय परियोजनाले संयुक्त रुपमा सुइँखेतस्थित अम्बिका माविमा सहयोग गरेका छन् । ती संस्थाले…

hero news full width