विज्ञानमा महिला पुरस्कारका लागि आवेदन खुला

आदर्श समाज सम्वाददाता
माघ २४, २०७५
naso

पोखरा, २३ माघ। नेपाल एस्ट्रोनोमिकल सोसाइटी (नासो) ले हरेक वर्ष वितरण गर्दै नासो विज्ञानमा महिला पुरस्कार २०१९ का लागि आवेदन खुला गरेको छ।

नासोले हरेक वर्ष दुई विधामा पुरस्कार वितरण गर्दै आएको छ।

उक्त पुरस्कारका लागि सहभागी हुन चाहने ईच्छुक व्यक्तिले यही फागुन १५, २०७५ सम्म अनलाइनमार्फत् आफ्नो पूर्ण विवरणसहितकोआवेदन दर्ता गर्न सक्ने नासोका अध्यक्ष सुरेश भट्टराईले जानकारी दिए।

दुई विधामा प्रदान गरिने उक्त पुरस्कारमा व्यवसायिकतर्फ २५ हजार नगद्, प्रमाणपत्र तथा ट्रफी प्रदान रहेको छ।

यसैगरी, विधार्थीतर्फ १५ हजार नगद, प्रमाणपत्र तथा ट्रफी रहेको संस्थाले जनाएको छ।

संस्थाले सन् २०१७ बाट वार्षिक रुपमा पुरस्कार वितरण गर्दै आएकोमा यसभन्दा अगाडि नासो विज्ञानमा महिला पुरस्कार–२०१७ बाट विद्यार्थीतर्फ दिव्या घिमिरे र व्यावसायिकतर्फ प्रेणिता कार्की पुरस्कृत भइसकेका छन्। यस्तै, २०१८ मा विद्यार्थीतर्फ श्रीति श्रेष्ठ र व्यावसायिकतर्फ प्रोमिशा मिश्र पुरस्कृत भइसकेका छन्।

विज्ञानमा महिलालाई प्रोत्साहन गर्ने उद्देश्यले नेपाल एस्ट्रोनोमिकल सोसाइटी अन्तर्गत रहेको ‘वुमन इन एस्ट्रोनोमी नेपाल’को अग्रसरतामा उक्त पुरस्कार सञ्चालन हुदै आइरहेको पुरस्कारका संस्थापक तथा कार्यक्रम को–अर्डिनेटर मनिषा द्वाले जानकारी दिइन्।

उक्त पुरस्कारका लागि आवेदन दर्ता गर्न वेवसाइटको लिंकबाट प्रकृया अगाडि बढाउन सक्ने द्वाले बताइन्। साथै, पुरस्कारबारेथप जानकारी चाहेमा संस्थाको वेवसाइट डब्लुडब्लुडब्लु डट नेपालएस्ट्रोनोमिकलसोसाइटी डट ओआरजी (www.nepalastronomicalsciety.orog) मा उपलब्ध हुने जनाइएको छ।

Related News

सम्बन्धित समाचार

  • विद्यालय जाँदा आउँदा दैनिक ६ घण्टा

    रासस मंसिर १२, २०७९
    बझाङ । दोगडाकेदार गाउँपालिका–१ बैतडीका प्रकाश विष्ट भर्खर किशोरावस्थामा प्रवेश गर्नुभयो । गोरङ घर भएका उहाँलाई विद्यालय जान ‘निल्नु न…
  • चुनावी परिणाम : मुलुक अस्थिरतामा धकेलिने चिन्ता

    आदर्श समाज सम्वाददाता मंसिर १२, २०७९
    पोखरा । प्रतिनिधि सभा तथा प्रदेश सभाको हालै सम्पन्न निर्वाचनको परिणामले दलहरु सम्भावित सत्ताको खेलमा लाग्दा मुलुक अस्थिरतामा धकेलिन सक्ने…
  • संसदमा स्वतन्त्रको निरन्तरता

    रासस मंसिर ११, २०७९
    काठमाडौं । मुलुकका प्रमुख राजनीतिक शक्ति निर्वाचनको परिणाम आफ्नो पक्षमा ल्याउन गठबन्धन गरे तापनि केही निर्वाचन क्षेत्रमा गठबन्धनलाई पछि पार्दै…
  • महिला सहभागितामा समानुपातिककै भर

    धनबहादुर गुरुङ मंसिर ११, २०७९
    पोखरा । गण्डकी प्रदेशसभामा ६० सिट कायम छ । संविधानले व्यवस्था बमोजिम प्रदेश संसदमा ३३ प्रतिशत महिला सहभागिता पुर्‍याउन कम्तीमा…
  • मतदानमा सहभागी हुन मुख्यमन्त्रीको आग्रह

    आदर्श समाज सम्वाददाता मंसिर ३, २०७९
    पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले निर्वाचन आचारसंहिताको पूर्ण पालना गर्दै स्वतन्त्ररुपमा योग्य उम्मेदवारको छनौटका लागि मतदानमा संलग्न…

hero news full width