भेनेजुएला प्रकरणमा आफ्नो अडान कायमै रहेको सरकारको धारणा

Avatar एजेन्सी
माघ २२, २०७५
vanaju

पोखरा, २२ माघ । सत्तारुढ नेपाल कम्युनिस्ट पार्टी (नेकपा) ले भेनेजुएला प्रकरणमा आफ्नो अडान कायमै रहेको वताएको छ ।

सचिवालय सोमवार वसेको बैठकले कुनै पनि देशमा बाह्य हस्तक्षेप हुन नहुने र कुनै समस्या देखिए त्यहीँका जनताले शान्तिपूर्ण रुपमा समाधान खोज्नुपर्ने बताएको छ ।

राष्ट्रसंघको बडापत्र र पञ्चशीलको सिद्धान्तहरुप्रति सदा प्रतिवद्ध रहेको र हरेक देशको सार्वभौमसत्ता स्वतन्त्रता र भौगोलिक अखण्डतालाई सम्मान गर्ने नेकपाले बताएको छ ।

सचिवालय बैठकको निर्णय सुनाउँदै प्रवक्ता नारायणकाजी श्रेष्ठले भने ‘कुनै पनि देशको आन्तरिक मामिलामा बाह्य हस्तक्षेप हुन नहुने र कुनै पनि देशमा कुनै पनि प्रकारको समस्या पैदा भएमा त्यस देशका जनताले स्वतन्त्रतापूर्वक, शान्तिपूर्ण बाटोबाट समाधान गर्नुपर्छ भन्ने मान्यता राख्दछ ।’

यसअघि नेकपा अध्यक्ष पुष्पकमल दाहाल प्रचण्डले ११ गते माघमा विज्ञप्ति जारी गर्दै भेनेजुएलामा अमेरिकाको हस्तक्षेप भएको भन्दै विरोध जनाएका थिए ।

त्यसपछि अमेरिकाले भेनेजुलाएला प्रकरणमा नेपाल सरकारको आधिकारिक धारणा माग्यो । परराष्ट्र मन्त्रालयले कूटनीतिक भाषामा तर, प्रचण्डकै भावमा वक्तव्य जारी ग¥यो ।

कुनै पनि देशको आन्तरिक राजनीतिक समस्या त्यही देशको संवैधानिक प्रावधानअनुसार प्रजातान्त्रिक माध्यम र बाह्य हस्तक्षेपविना समाधान हुनुपर्ने सरकारको वक्तव्य थियो । लगतै सरकारले नेपालस्थित कूटनीतिक नियोगका प्रमुखहरुलाई बोलाएर ब्रिफिङ गरेको थियो । तर, अमेरिकी राजदूत आएनन् ।

विपक्षी नेपाली कांग्रेस लगायत विभिन्न क्षेत्रबाट भेनेजुएला प्रकरणमा नेकपा र सरकारको आलोचना भएको थियो । कांग्रेसले नेपाललाई अमेरिकाले आर्थिक सहयोग गर्दै आएकाले उसलाई चिढ्याउन नहुने तर्क गरेको छ ।

सत्तारुढ नेकपाले भने पार्टीको धारणा दोहो¥याउँदै सचिवालय बैठकबाटै वक्तव्य जारी गरेको छ । सचिवालय बैठकपछि प्रवक्ता श्रेष्ठले भने ‘यस पार्टीको विदेश नीति र अन्तर्रा्ष्ट्रिय सम्बन्धका प्रश्नमा कुनै अन्योल र द्विविधा छैन । यस सम्बन्धमा पार्टीको दृष्टिकोण र नीतिहरु स्पष्ट र स्थिर छ ।’

स्रोतका अनुसार बैठकमा प्रधानमन्त्री एवं पार्टी अध्यक्ष केपी शर्मा ओलीले सरकारको ब्रिफिङमा अमेरिकी राजदूत नआएको लगायतका विषयमा जानकारी गराएका थिए ।

Related News

सम्बन्धित समाचार

    • टिपरको ठक्करबाट नेपाली सेनाका प्युठको मृत्यु   

      Avatar आदर्श समाज सम्वाददाता वैशाख ३१, २०७८
      तनहुँ । टिपरको ठक्करबाट गए राति तनहुँमा नेपाली सेनाका प्युठ सुरज बुढाथोकीको मृत्यु भएको छ । दोलखा जिल्ला घर भई…
    • विवाहभोज खाएपछि सङ्क्रमण, एकै घरका तीनको मृत्यु   

      Avatar आदर्श समाज सम्वाददाता वैशाख ३१, २०७८
      बलेवा ।  बागलुङको बडिगाड गाउँपालिका–४ मा एकैघरका तीन जनाको कोरोना सङ्क्रमणबाट मृत्यु भएको छ । उनीहरूको एक हप्ताभित्रै मृत्यु भएको…
    • हात्तीको आक्रमणबाट मृत्यु

      rss रासस वैशाख ३१, २०७८
      नवलपुर । चितवन राष्ट्रिय निकुञ्जको कोर क्षेत्र बगाई माडी सेक्टरको इच्छानगरमा जङ्गली हात्तीले आक्रमण गर्दा एक जनाको मृत्यु भएको छ…
    • प्रधानमन्त्रीको शपथ आज

      rss रासस वैशाख ३१, २०७८
      काठमाडौं । नवनियुक्त प्रधानमन्त्री केपी शर्मा ओलीले आज पद तथा गोपनियताको शपथ लिनुहुनेछ । प्रतिनिधिसभामा रहेका दुई वा दुईभन्दा बढी…
    • आइसोलेशनका लागि चिकित्सक नियुक्त

      rss रासस वैशाख ३१, २०७८
      दमौली । तनहुँको व्यास नगरपालिकाले कृषि विकास बैंकको भवनमा सञ्चालन गरेको आइसोलेशनका लागि एमबिबीएस चिकित्सक नियुक्त गरेको छ । आइसोलेशनमा…

    hero news full width

    sanil ads

    wordlink ads

    trending post

    ट्रेन्डिङ्ग