इतिहासमै बढी पर्यटक भित्रिए

आदर्श समाज सम्वाददाता
मंसिर २८, २०७५

काठमाडौं, २७ मंसिर । नेपालको पर्यटन इतिहासकै सबैभन्दा बढी १० लाख विदेशी पर्यटकले नेपाल भ्रमण गरेका छन् ।

नेपाल पर्यटन बोर्डको तथ्यांकअनुसार सन् २०१८ को ११ महिनामै १० लाख एक हजार ९ सय ३० विदेशी पर्यटक नेपाल आएका छन् । यो जनवरीदेखि नोभेम्बरसम्मको जहाजबाट आएका पर्यटक आवागमन हो । जुन अघिल्लो वर्षको ११ महिनाको तुलनामा १७ प्रतिशतले बढेको देखिएको छ ।

छिमेकी मुलुक सबैभन्दा बढी भारतबाट दुर्इ लाख ६० हजार १ सय २४ पर्यटक आएका छन् भने चीनबाट एक लाख ३४ हजार ३ सय ६२ पर्यटकले नेपाल भ्रमण गरेका छन् ।

विवरणअनुसार नेपालमा सबैभन्दा बढी पर्यटक आउने मुलुक भारत र चीनपछि अमेरिका तेस्रो स्थानमा परेको छ ।

यो अवधिमा अमेरिकाबाट ८२ हजार ५ सय ५५ पर्यटक आएका छन् । बेलायतबाट ५७ र जर्मनीबाट ३४ हजार पर्यटक आएका छन् ।

पर्यटक आवागमन वृद्धि अहिलेसम्मकै ऐतिहासिक भएको र यसले नेपाली पर्यटनमा थप उत्साह जगाएको बोर्डका प्रमुख कार्यकारी अधिकृत दीपकराज जोशीले बताए ।

उनले भने, “पर्यटकको सङ्ख्या ऐतिहासिक रुपमा वृद्धि भएको छ, यसले सन् २०२० को नेपाल भ्रमण वर्षको लागि ढोका खोलिदिएको छ, पूर्वाधारमा प्रगति भएमा २० लाख पर्यटकको लक्ष्य भेट्न कुनै समस्या हुँदैन ।”

सन् २०१७ मा १० लाखको हाराहारीमा विदेशी पर्यटकले नेपाल भ्रमण गरेका थिए । सरकारले नेपाल भ्रमण वर्षलाई सफल बनाउने तयारी गरिरहँदा पर्यटक आवागमनको उत्साहजनक वृद्धिले नेपाली पर्यटन क्षेत्रमा सकारात्मक सन्देश प्रवाह गरेको छ।

सम्बन्धित समाचार

विजयादशमीको उत्तम साइत कात्तिक ७ गते बिहान ११ः०२ बजे

आदर्श समाज सम्वाददाता असाेज १६, २०८०

काठमाडौ‌ं । नेपाल पञ्चाङ्ग निर्णायक विकास समितिले यस वर्षको दसैँको साइत सार्वजनिक गरेको छ । जसअनुसार विजयादशमीको उत्तम साइत कात्तिक…
रात्रिकालीन व्यवसायमा आबद्ध महिलालाई प्रशिक्षण

आदर्श समाज सम्वाददाता असाेज १६, २०८०

पोखरा । रात्रिकालीन व्यवसायमा आबद्ध महिला कर्मचारीलाई प्रशिक्षण दिइएको छ । सामुदायिक सेवा एवं सामुदायिक प्रहरी सेवा जिल्ला समन्वय समिति…
मुक्तिनाथमा नेपाली सेनाले बनायो दर्शनार्थीमैत्री विश्रामस्थल

आदर्श समाज सम्वाददाता असाेज १६, २०८०

मुस्ताङ । नेपाली सेना पश्चिम पृतना हेडक्वाटरले मुक्तिनाथ मन्दिर परिसरमा मन्दिरमा दर्शन गर्न आउने दर्शनार्थीलाई लक्ष्य गरी विश्रामस्थल निर्माण गरेको…
कागबेनीको बाढीग्रस्त क्षेत्रमा मुख्यमन्त्री पाण्डे

आदर्श समाज सम्वाददाता असाेज १६, २०८०

मुस्ताङ । गण्डकी प्रदेशका मुख्यमनत्री सुरेन्द्रराज पाण्डेले बाढी प्रभावित क्षेत्र कागवेनीको मंगलबार निरीक्षण गरेका छन् । सुरक्षा संयन्त्रसहित कागवेनी पुगेका पाण्डेले…
सातै प्रदेशमा लगानी सम्मेलन गर्दै उद्योग वाणिज्य महासंघ

रासस असाेज १६, २०८०

ढोरपाटन । नेपाल उद्योग वाणिज्य महासंघले हाल शिथिल जस्तो देखिएको मुलुकको अर्थतन्त्रलाई चलायमान बनाउन तथा देशैभरि लगानीका सम्भावनालाई उजागर गर्न…