Worldlink ads

बेपत्ता ६ जनाको शव फेला

आदर्श समाज सम्वाददाता
भाद्र २५, २०७५

लेखनाथ, २४ भदौ । बेगनास तालमा शनिवार भएको डुंगा दुर्घटनामा बेपत्ता सबै ६ जनाको शव फेला परेको छ ।

आइतबार बिहानैदेखि स्थानीयसहित सशस्त्रको गोताखोर टोलीले खोजी कार्य जारी राखेकोमा मध्यान्ह १२ बजेतिरमात्र नवलपरासी जिल्ला गैंडाकोटका ३२ वर्षीय रवि खनाल, उनका दुर्इ छोराहरु ७ वर्षीय शंकर र ८ वर्षीय शिव खनाल, तनहुँ भीमादका ५ वर्षीय रंजित गैह्रे, पोखराकी १८ वर्षीया मनिषा बजगाईं र ५ वर्षीय प्राचीन पौडेलको शव फेला परेको थियो ।

उद्धारमा संलग्न प्रहरी निरीक्षक किरण राउतका अनुसार सुरुवातमा शिवको शव तैरिरहेको अवस्थामा डुंगा डुबेको नजिकै फेला परेकोमा अन्तिममा उनका बाबु रविको शव फेला परेको हो । उद्धारमा सशस्त्रको गोताखोर टोली सहित नेपाली सेना, नेपाल प्रहरी र स्थानीयले सहयोग पुर्‍याएका थिए ।

शव पोष्टमार्टमका लागि पोखरा स्वास्थ्य विज्ञान प्रतिष्ठानमा लगिएको डाँडाकोनाक प्रहरी चौकीका इन्चार्ज प्रहरी नायव निरीक्षक विष्णुवरसिंंह थापाले जानकारी दिए ।

शनिबार दिउँसो मध्याहृ डुंगा चढेर ताल पारी जानेक्रममा १० जना सवार डुंगा लिब्दी टुडाँनजिकै पल्टिएको थियो । जसमा शनिबार २ जनाको अकालमा ज्यान गएको थियो ६ जना बेपत्ता थिए । २ जनाको सकूशल उद्धार भएको थियो ।

दुर्घटनामा ज्यान गुमाउने अन्यमा तनहुँ भीमाद नगरपालिका वडा ५ की ३७ वर्षीया जमुना गैह्रे र पोखरा २८ कालिकाकी ५१ वर्षीया कृष्णकुमारी बजगाईं हुन् । तालमा डुबेकामध्ये नेपाली सेनामा कार्यरत रवि खनालकी २८ वर्षीया श्रीमती सपना खनाल र प्राचीनकी २२ वर्षीया आमा नीशा पौडेलको सकूशल उद्धार भएको हो ।

डुंगा गन्तव्यमा पुग्नुअघि करिव २ सय मिटर वर नै दुर्घटनामा परेको हो । डुंगा चढ्ने कसैले पनि लाइफ ज्याकेट लगाएका थिएनन् । यसैबीच सुरक्षाकर्मीले तालमा डुंगा चलाउँदा ५ जनाभन्दा बढी यात्रु चढ्न नपाउने जनाएको छ । साथै अनिवार्य रुपमा लाइफ ज्याकेट लगाउनुपर्ने विषयलाई कडाइका साथ पालना गर्न आग्रह गरिएको प्रहरी निरीक्षक रावतले जानकारी दिए ।

मेयर जिसीद्वारा दुख व्यक्त

पोखरा महानगरपालिकाका मेयर मानबहादुर जिसीले बेगनासतालमा शनिबार भएको अकल्पनीय डुंगा दुर्घटनाप्रति दुख व्यक्त गरेका छन् ।

जिसीले आइतबार एक विज्ञप्ति प्रकाशित गरी घटनामा निधन भएकाको अमर आत्माको चिरशान्तिको कामना गर्दै शोक सन्तप्त परिवारजनमा समवेदना प्रकट गरेका छन् ।

घटनामा घाइते भएकाको शीघ्र स्वास्थ्य लाभको कामना गर्दै विज्ञप्तिमा डुंगा दुर्घटना भएर बेपत्ता भएकाकोे उद्धार र खोजीमा कुनै कुसर बाँकी नराख्न सम्बन्धित निकायलाई जिसीले आग्रह गरेका छन् ।

‘डुंगामा यात्रा गर्दा अपनाउनु पर्ने सावधानी नपनाउँदा वषेनी यस्ता दुर्घटना पटकपटक भएका छन्’, मेयर जिसीको विज्ञप्तिमा भनिएको छ, ‘दुर्घटनाप्रति महानगरको ध्यानाकर्षण भएको र जलयात्रामा अपनाउनुपर्ने सावधानी अपनाएर मात्र यात्रा गर्न आम नगरबासी र सबैमा अनुरोध गर्दछु ।’

Related News

सम्बन्धित समाचार

    • शालिग्राम संरक्षणमा स्थानीयवासीको सक्रियता

      आदर्श समाज सम्वाददाता कार्तिक ७, २०७८
      रामपुर (पाल्पा) ।  हिन्दू धर्मावलम्बीले पवित्र मान्ने कालीगण्डकी नदीमा मात्र पाइने शालिग्राम संरक्षणका लागि स्थानीयवासी जुटेका छन् । दामोदर कुण्डबाट…
    • ताल प्राधिकरणका प्रमुख गुरुङको राजीनामा स्वीकृत

      आदर्श समाज सम्वाददाता कार्तिक ७, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले ताल संरक्षण तथा विकास प्राधिकरण, गण्डकीका कार्यकारी प्रमुख डा। अनुप गुरुङको राजीनामा…
    • गुडिरहेको बसमा आगलागी

      रासस कार्तिक ७, २०७८
      धादिङ । पृथ्वी राजमार्गअन्तर्गत गजुरी गाउँपालिका–१ गजुरीबजारमा गुडिरहेका बसमा आज बिहान आगलागी भएको छ । सुर्खेतबाट काठमाडौँतर्फ आउँदै गरेको ना६ख…
    • मुख्यमन्त्री पोखरेलले लिए पोखराका मेयर जिसीको स्वास्थ्य अवस्थाबारे जानकारी

      आदर्श समाज सम्वाददाता कार्तिक ६, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले पोखरा महानगरपालिकाका प्रमुख मानबहादुर जिसीलाई भेटेर उनको स्वास्थ्य अवस्थाका बारेमा जानकारी लिएका…
    • महिलाले शव बोकेर घाटसम्म पुर्‍याए

      रासस कार्तिक ६, २०७८
      तनहुँ । छोरीले शव बोक्न तथा काजक्रिया गर्नुहुँदैन भन्ने सामाजिक कुरुतीलाई तोड्दै यहाँका महिलाले शव बोकेर सेतीमादी नदीको सङ्गमस्थल दमौलीघाटसम्म…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग